Baefeso 1:7 - Indagano Inyaaya mu-Chijita

⁷ Okubha ku‑sagama ya Kirisito cheeruuywe, nikwo okufwirwa echigongo ebhibhiibhi bhyeswe bhyone. Ku‑njira eyo, Nyamuwanga ꞉aacheeresiisye obhuniibhi bhwafu muno bhwa obhwitiriranya bhwaye.

INDAGANO INYA:YA

⁷ Mu mwene ciri no kucungurwa kweswe kurwa manyinga gae, nikwo okwiswaririrwa kwe bikayo byeswe, rwo buni:bi bwe cigongo cae kutyo buri.

Baefeso 1:7 Iomraidhean Croise

Matayo 20:28

Jiri rwa kutyo anye Omwana wa Omuunu, ꞉niteejire okukorerwa emirimu, tari ꞉neejire okukorera emirimu abhaanu na okusoosya obhurame bhwani, korereki neerure abhaanu bhaafu.”

Matayo 26:28

Echifuufu echo, niyo isagama yaani ya indagano. Isagama yaani iriitika inguru ya abhaanu bhaafu, korereki Nyamuwanga abhafwire echigongo ebhibhiibhi bhyebhwe.

Matayo 6:12

Uchifwire echigongo ebhibhiibhi bhyeswe, rwa kutyo eswe wone echifwira echigongo bhanu abhachikayira.

Mariko 14:24

ˆNaabhabhwira ati, “Echifuufu echo, niyo isagama yaani ya indagano. Isagama yaani iriitika inguru ya abhaanu bhaafu.

Ruuka 1:77

Uribhwira abhaanu bhaaye kutyo bharichungurwa, kwa okufwirwa echigongo ebhibhiibhi bhyebhwe.

Ruuka 24:47

Abhaanu bha amaanga goone okwambira Yerusareemu, bhariraasibhwa okuta na okufwirwa echigongo ebhibhiibhi bhyebhwe kwa risiina ryaye.

Yowana 20:23

Araabha mukafwira echigongo abhaanu ebhikayo bhyebhwe, Nyamuwanga wone kaja okubhafwira echigongo ebhibhiibhi bhyebhwe. Araabha mukarema okubhafwira echigongo, Nyamuwanga wone ataribhafwira echigongo ebhibhiibhi bhyebhwe.”

Ebikorwa 10:43

Yeesu oyo, abharagi bhoone ꞉bhaayikire inguru yaaye ati, omuunu woonewoone unu arimwikirisya arifwirwa echigongo ebhibhiibhi bhyaye ku‑njira ya risiina ryaye.”

Ebikorwa 2:38

Peetero ˆnaabhabhwira ati, “Bhuri umwi weemwe ate ebhibhiibhi bhyaye, na abhatiijibhwe kw‑isiina rya Yeesu Kirisito, korereki afwirwe echigongo ebhibhiibhi bhyaye, emwe omuja okuyaanwa echiyaanwa cha Mwoyo Mweru.

Ebikorwa 20:28

Woori, mubhega mwiyangariiye na murinde ebhise bhyone bhya abheekirisya, kwa okubha Mwoyo Mweru, abhateeye‑wo mubhe abhaangarisi. Mwangarire abheekirisya abho, kwa okubha Nyamuwanga ꞉aabhagurire kwa isagama ya omwana waaye.

Ebikorwa 3:19

Kurwa ejo, mute chimwi ebhibhiibhi bhyemwe na muyindukire Nyamuwanga, korereki abhafwire echigongo. Nikwo kutyo Nyamuwanga aribhasimbiisya emwe, ku‑njira ya okubha ayeeyi na emwe,

Barumi 2:4

Nyamuwanga ni wa kisi muno, kaakufwira echigongo chaafu, na kaakwigumiirisya muno. Nawe awe woori, oweenda okugaya ejo joone? Utakumenya ati kaakweresya bhwa ekisi bhwaye, korereki uture okuta ebhibhiibhi bhyawo?

Barumi 3:24

Nawe ku‑bhwitiriranya bhwa Nyamuwanga, abhabharwa ati ni bharengeresi imbere yaaye, bhatasoosiisye echiinu choonechoone wuri. Bheeruuywe okusooka mu‑bhibhiibhi bhyebhwe okutura ku‑Kirisito Yeesu.

Barumi 3:25

Nyamuwanga ꞉aamuteeye‑wo abhe echoogo cha okugwatanya abhaanu na Nyamuwanga, korereki bhafwirwe echigongo ebhibhiibhi bhyebhwe, kwa okwikirisya ati Yeesu ꞉aafuuwe inguru yeebhwe. Nyamuwanga ꞉aakorere kutyo, korereki eeresye ati ni murengeresi, kwa okubha ꞉eegumiirisiisye, ꞉ataayaaye abhaanu ebhitiibha ku‑bhibhiibhi bhinu ꞉bhaakorere omwanya gwa inyuma.

Barumi 9:23

꞉Aakorere kutyo, korereki eeresye rikusyo ryaye rikuru inguru ya abhaanu bhanu ꞉eeraabhire okuramira echigongo chaaye. Aariga eeraabhire okwambira kara okubhareeta ku‑mwene bhabhe nage mw‑ikusyo ryaye.

1 Bakorinto 1:30

Nyamuwanga niwe abhagwatanyiisye emwe na Kirisito Yeesu. Omwene akorere Kirisito okubha obhwengeeso bhweswe. Nikwo okwayika ati okutura ku‑Yeesu chaabha abharengeresi imbere ya Nyamuwanga, chaabha abheeru, ka wone cheeruuywe.

2 Bakorinto 8:9

Emwe mumenyere obhwitiriranya bhwa Raatabhugenyi weeswe Yeesu Kirisito. Noorwo kutyo aariga ari muniibhi, nawe ꞉eekorere wuti omutaka ku‑songa yeemwe, korereki okutura ku‑bhutaka bhwaye, emwe mubhe abhaniibhi.

Baefeso 1:14

Mwoyo Mweru oyo, niwe echigwatirisyo cha omwandu gwaye kw‑iswe bhanu chiri bhaana bhaaye. Omusango ogwo, ogweresya abhwerubhweru ati Nyamuwanga aryerura chimwi abhaanu bhoone bhanu abhamwiyikanya. Chimukuuye inguru ya rikusyo ryaye!

Baefeso 1:18

Enimusabhwa wone, eegure ameeso ga emitima jeemwe, korereki mumenye obhwiyikanyo bhwa obhubhirikisi bhwaye kw‑imwe kutyo bhuri. Nyabhuriko mumenye rikusyo ryafu rya omwandu gwaye ku‑bheeru kutyo riri.

Baefeso 1:6

Kurwa ejo, echikuuya Nyamuwanga inguru ya rikusyo rya obhwitiriranya bhwaye, bhunu achiyaaye ku‑njira ya Omwana waaye omwendwa.

Baefeso 1:8

꞉Aachisaagirisisiisye obhwitiriranya obhwo, mu‑bhwengeeso bhwone na mu‑kusombookerwa kwone.

Baefeso 2:4

Nawe omwene, ku‑chigongo chaaye echaafu na ku‑ryenda ryaye eryafu kw‑iswe,

Baefeso 2:7

korereki eeresye ku‑bhoone ku‑mwanya gunu oguuja, obhwitiriranya bhwaye bhwafu muno ku‑bhwa ekisi bhwaye kw‑iswe bhunu bhuri mu‑Kirisito Yeesu.

Baefeso 3:16

Enimusabhwa ati, okuruubhana na rikusyo ryaye eryafu abhayaane amanaga ku‑njira ya Mwoyo waaye, murumatanega ndindindi mu‑myoyo jeemwe,

Baefeso 3:8

Anye, niri mutooto okukira omutooto woonewoone ku‑bheeru bhoone bha Nyamuwanga. Noorwo kutyo, naanye ꞉naayaaywe obhwitiriranya bhwa okuraasisya abhaanu bhanu bhatari Bhayawudi obhuniibhi bhwa Kirisito bhunu bhutari na indengo.

Bafilipi 4:19

Mbe, Nyamuwanga waani, aribhayaana ebhiinu bhyone bhinu omukena okuruubhana na obhuniibhi bhwaye bhwafu. Arikora kutyo ku‑njira ya Kirisito Yeesu.

Bakolosai 1:14

Ku‑njira ya Omwana waaye, cheeruuywe, nikwo okwayika ati, okufwirwa echigongo ebhibhiibhi bhyeswe.

Bakolosai 1:27

Nyamuwanga ꞉eendere okubhaswerurira bhwa ekisi bhwa obhutinge bhwa imbisike ya okuruguusya, noorwo inguru ya abhaanu bhanu bhatari Bhayawudi. Obhutinge obhwo ni ati Kirisito ari mu‑myoyo jeemwe, ka wone, omwene niwe kaabhayaana obhwiyikanyo ati murisangira rikusyo rya Nyamuwanga.

Bakolosai 2:13

Muchaari okwikirisya Kirisito, mwariga mufuuwe inguru ya ebhibhiibhi bhyemwe, ka wone ꞉mutatenderwe bhumuunu bhwemwe bhwa ebhibhiibhi. Nawe Nyamuwanga ꞉aabhayaaye obhuwanga aamwi na Kirisito na ꞉aachifwiriiye echigongo ebhibhiibhi bhyeswe bhyone.

Bakolosai 2:2

Enikora kutyo, korereki emyoyo jeemwe bhoone, jisimbiisibhwe na okugwatanyibhwa aamwi mu‑ryenda. Eneenda murumatane chimwi mu‑kusombookerwa, na okumenya obhutinge bhwa imbisike ya Nyamuwanga bhunu ku‑bhwambiro bhwariga bhubhisirwe. Imbisike eyo nikwo okumenya Kirisito omwene.

1 Timoteo 2:6

Omwene ꞉aasoosiisye obhurame bhwaye, korereki eerure abhaanu bhoone. Bhunu nibhwo obhubhambaasi bhunu Nyamuwanga ꞉aachiyaaye ku‑mwanya gunu ꞉aateeye‑wo.

Tiito 2:14

Omwene ꞉aasoosiisye obhurame bhwaye inguru yeeswe, korereki acheerure okusooka mu‑bhibhiibhi bhyone. ꞉Aacheesiisye, korereki chibhe abhaanu bhaaye omwene, bhanu echiigomba okukora ebhikorwa bhya ekisi.

Tiito 3:6

Nyamuwanga ꞉aachiitururiiye Mwoyo Mweru oyo kwa obhwafu, ku‑njira ya Yeesu Kirisito Omuchungusi weeswe.

Baeburania 9:22

Okuruubhana na ebhiraagiro bhya Muusa, orwamba nirwo rwariga nirwesya wuti bhuri chiinu. Araabha orwamba ruteetikire, Nyamuwanga atakufwira echigongo abhaanu ebhibhiibhi bhyebhwe.

1 Petero 2:24

Yeesu omwene ꞉aagegere ebhibhiibhi bhyeswe ku‑mubhiri gwaye, ˆnaabhambwa ku‑musarabha. ꞉Aakorere kutyo, korereki chisige okutungwa rindi na ebhibhiibhi, tari chiikare nichikondisya Nyamuwanga. Mu‑kuwutaasibhwa kwa Yeesu, emwe ꞉mwawosiibhwe.

1 Petero 3:18

Kirisito omwene ꞉aanyaakire rumwi era inguru ya ebhibhiibhi bhya abhaanu bhanu bhatari bha rirenga, korereki achigwatanye na Nyamuwanga. Nawe omwene aariga ari murengeresi. ꞉Eetirwe echinyamubhiri, nawe ˆnaakorwa omuwanga ku‑bhuturo bhwa Mwoyo Mweru.

1 Yoana 2:12

Enibhakaamira emwe abhaana bhaani mu‑riikirisya, kwa okubha Nyamuwanga abhafwiriiye echigongo ebhibhiibhi bhyemwe, kw‑isiina rya Yeesu Kirisito.

1 Yoana 2:2

Yeesu niwe echoogo cha okusoosya‑wo ebhibhiibhi bhyeswe na okuchigwatanya na Nyamuwanga. Ka wone ꞉ataasoosisye‑wo ebhibhiibhi bhyeswe era, tari na ebhibhiibhi bhya abhaanu bhoone bha ku‑chaaro choone.

1 Yoana 4:10

Rinu niryo eryenda, jitari ati, eswe ꞉chaatangatire okwenda Nyamuwanga. Tari omwene niwe ꞉aatangatire okucheenda eswe. Nikwo okukora ˆnaatuma Omwana waaye, abhe echoogo cha okusoosya‑wo ebhibhiibhi bhyeswe na okuchigwatanya na Nyamuwanga.

Obhusweruro 14:4

Abhaanu abho nibho abharuubha Omwana wa Inaama woonewoone anu kaaja. Ka wone, ꞉bhateejabhiyasiisye na abhagasi, okubha bhaariga bhari bhimura. ꞉Bhaagurirwe okusooka agatigati ya abhaanu abhandi, nibhasoosibhwa wone okubha echoogo cha ebhigeswa cha okwamba ku‑Nyamuwanga na ku‑Mwana wa Inaama.

Obhusweruro 5:9

Nibheembira Omwana wa Inaama orwimbo oruyaaya runu rwayikaga ati, “Awe wiiyire okuramira echitabho echo na okusuruumura jimboyero jaacho ja obhurimbo. Okubha awe ꞉waatemerwe omutwe na ku‑sagama yaawo, nuugurira Nyamuwanga abhaanu bha jingʼanda joone, jinyaayika joone, jinyaami joone na abha amaanga goone.