Baefeso 1:17 - Indagano Inyaaya mu-Chijita

¹⁷ Enisabhwa Nyamuwanga wa Raatabhugenyi weeswe Yeesu Kirisito, Raata owa rikusyo, abhayaane obhwengeeso bhwa echinyamwoyo na okwiswerura kw‑imwe, korereki mumusombookerwe muno.

INDAGANO INYA:YA

¹⁷ Nyamuanga wa Ratabugenyi Yesu Kristo, niwe Rata wa rikusyo, abayane omwoyo gwo bwenge no gwo kuswerurirwa mu kumusombo:kerwa Omwene.

Baefeso 1:17 Iomraidhean Croise

Matayo 11:25

Omwanya ogwoogwo Yeesu ˆnaayika ati, “Raata, Raatabhugenyi wa orwire na echaaro choone! Enikusiima kwa okubha, emisango jinu ꞉waakorere okubha mbisike ku‑bhaanu abha obhwengeeso na abhamenyi, wajisweruuye abhwerubhweru ku‑bhaanu bhanu bhari na eriikirisya rwa abhaana abharera.

Matayo 11:27

Neeya Yeesu ˆnaabhwira abhaanu ati, “Raata waani anaaye bhyone. Atari‑wo omuunu unu kaamenya kutyo anye Omwana wa Nyamuwanga niri, tari Raata wenyere. Ka wone, atari‑wo omuunu unu kaamenya Raata kutyo ari, tari anye Omwana waaye era, na bhuri muunu unu Omwana waaye keenda okumuswerurira.

Matayo 16:17

Yeesu ˆnaabhwira Peetero ati, “Awe Simooni omwana wa Yoona, uri na ribhando, kwa okubha atari‑wo omuunu woonewoone unu akuswerurira echimari echo, tari Raata waani wa mu‑rwire.

Matayo 20:33

Abhawofu abho nibhamusubhya ati, “Raatabhugenyi, echeenda ameeso geeswe gawore!”

Matayo 6:13

Waasiga okuchiingisya mu‑maregeejo, nawe uchichungure okusooka ku‑Mubhiibhi urya, [kwa okubha obhukama, amanaga na rikusyo, ni bhyawo akajaanende koone! Jibhe kutyo!]’”

Ruuka 12:12

Okubha ku‑mwanya ogwoogwo, Mwoyo Mweru aribheeyigisya emisango jinu omuja okwayika.”

Ruuka 2:14

“Nyamuwanga wa mu‑rwire akusibhwe! Ku‑chaaro anu, omurembe gubhe ku‑bhaanu bhanu eendere.”

Ruuka 21:15

Anye omwene, niribhayaana obhwengeeso, na emisango jinu muryayika, abhasoko bheemwe bhataritura okuyaajana najo, noorwo okujirema.

Yowana 14:17

Oyo niwe Mwoyo Mweru unu kaja okuswerurira abhaanu echimari. Abhaanu bha ku‑chaaro kunu bhatakutura okumuramira kwa okubha bhatakumurora, ka wone bhatakumumenya. Nawe emwe omumumenya Mwoyo oyo, kwa okubha eekaaye aamwi na emwe, ka wone kaja okubha mw‑imwe.

Yowana 14:26

Nawe Omusakisi oyo, Mwoyo Mweru, unu Raata arituma kw‑imwe kw‑isiina ryani, aribheeyigisya na okubheechukya joone jinu naabhabhwira.

Yowana 16:3

Bharibhakorera emisango ejo, kwa okubha bhatakumenya Raata, noorwo anye wone bhatakummenya.

Yowana 17:3

Obhuwanga bhwa akajaanende nibhwo bhunu, abhaanu bhakumenye awe, Nyamuwanga eenyere wa chimari, ka wone, bhammenye anye Yeesu Kirisito, unu awe ꞉waantumire.

Yowana 20:17

Yeesu ˆnaamubhwira ati, “Nuusige okungwata‑ko. Nichaari okugenda mu‑rwire ku‑Raata. Mbe, genda ubhwire abhayiri bhaani, ati enigenda mu‑rwire ku‑Raata waani, unu ari Esomwana wone, ku‑Nyamuwanga waani unu ari Nyamuwanga weemwe wone.”

Ebikorwa 6:10

nawe aabhayigaga kwa okwayika emisango ja obhwengeeso kwa obhuturo bhwa Mwoyo Mweru.

Ebikorwa 7:2

Tefwano ˆnaayika ati, “Bharaata na abhayiri bhaani, muntegeresye! Nyamuwanga owa rikusyo ꞉aasoromokeeye saaja weeswe Bhurayimu ari mu‑chaaro cha Mesopotaamiya. Omwanya gunu aariga achaari okwikara mu‑musi gwa Araani.

Barumi 1:28

Mbe, abhaanu bharemere okusombookerwa Nyamuwanga, kurwa ejo Nyamuwanga wone abhasindikire bhabhega nibharuubha obhwiganirisya bhwebhwe bhwa okwiyabhya. Woori abhakora emisango jinu jiteeyire okukorwa.

Barumi 15:6

Awo niwo emwe bhoone murikusya Nyamuwanga, Esemwene Raatabhugenyi weeswe Yeesu Kirisito, kwa obhwira bhumwi na kwa obhuraka bhumwi.

1 Bakorinto 12:8

Mwoyo kaayaana omuunu owumwi okwayika emisango ja obhwengeeso, owundi Mwoyo oyooyo kaamuyaana okwayika emisango ja obhumenyi.

1 Bakorinto 14:6

Woori, abhayiri bhaani mu‑riikirisya, nikaaja kw‑imwe na okwayika jinyaayika jingenyi, omubhona omuriiro ki? Mutakubhona omuriiro gwonegwone. Nawe nikabhabhwira jinu Nyamuwanga answeruriiye, amwi nikabhayaana obhusombookerwa, nikasoosya obhuragi amwi nikeeyigisya, awo niwo omubhona omuriiro.

1 Bakorinto 2:10

Nawe eswe, Nyamuwanga ꞉aacheeresiisye ejo okutura ku‑Mwoyo Mweru, kwa okubha Mwoyo Mweru kaatatirisya joone, noorwo obhutinge bhwa Nyamuwanga bhunu bhubhisirwe.

1 Bakorinto 2:8

Atari‑wo noorwo umwi mu‑bhatungi bha echaaro chinu unu ꞉aasombookeeywe obhwengeeso obhwo, kwa okubha bhakabheeye bhasombookeeywe, ꞉bhataakabhumiiriiye ku‑musarabha Raatabhugenyi wa okukuuyibhwa.

2 Bakorinto 12:1

Neenderwe niikuuye, noorwo kutyo kutakusakira choonechoone. Nawe woori eneenda okwikuuya inguru ya ebhiroro na emisango ejindi jinu Raatabhugenyi answeruriiye.

Baefeso 1:3

Akusibhwe Nyamuwanga, Esemwene Raatabhugenyi weeswe Yeesu Kirisito unu achiyaaye amabhando goone ga echinyamwoyo mu‑kubha na obhumwi na Kirisito, mu‑chaaro chinyatarorwa.

Baefeso 3:5

Nyamuwanga ꞉ataasweruuye obhutinge bhwa imbisike eyo, ku‑mayimbo agandi ganu gaayitingʼene, nawe woori ku‑njira ya Mwoyo Mweru asweruriiye jitumwa na abharagi bhaaye abheeru.

Baefeso 4:13

Obhukosi obhwo, bhurigenderera okukingira eswe bhoone, chigwatanyibhwe mu‑riikirisya ryeswe na okusombookerwa kisi Omwana wa Nyamuwanga. Niwo chirirumatana na chirikuumira na okubha rwa kutyo Kirisito ari.

Bafilipi 3:15

Kurwa ejo, eswe bhoone bhanu chirumateene mu‑riikirisya, echikenwa okwikirisyanya ku‑misango ejo. Araabha muri na obhwiganirisya bhunu bhutaasyanyiisye na emisango ejo, Nyamuwanga niwe aribhaswerurira kutyo jiri.

2 Timoteo 2:25

Eenderwe abhe ˆnaatongeraga kwa obhworooro abhaanu bhanu abhabhambasyanya nage, ˆneeyikanyaga ati Nyamuwanga kaatura okukora bhate na okumenya echimari.

Tiito 1:1

Inyarubha inu, niikaamire anye Pawuro, omukosi wa Nyamuwanga na itumwa ya Yeesu Kirisito. Nitumirwe okusimbiisya abhaanu bhanu Nyamuwanga asorere, korereki bhabhe na eriikirisya enene na bhamenye ameeyigisyo ga echimari inguru ya Kirisito. Ameeyigisyo ago, garibhakora okurama rwa kutyo Nyamuwanga keenda.

Yakobo 2:1

Abhayiri bhaani mu‑riikirisya, rwa kutyo mwikirisiisye Raatabhugenyi weeswe Yeesu Kirisito owa rikusyo, musige okubha na isoroore ku‑bhaanu.

2 Petero 1:3

Nyamuwanga okutura ku‑bhuturo bhwaye, achiyaaye emisango joone jinu echikena, korereki chibhe na obhuwanga na chimuyaane echibharo. Achiyaaye ejo, ku‑njira ya okumumenya unu achibhirikiiye ku‑songa ya rikusyo na obhwa ekisi bhwaye omwene.

2 Petero 3:18

Tari mugenderere okukura mu‑bhwitiriranya bhwa Raatabhugenyi na Omuchungusi weeswe Yeesu Kirisito, na mu‑kumumenya. Omwene akusibhwe, woori na akajaanende koone. Jibhe kutyo.

Obhusweruro 7:12

nibhaayikaga ati, “Jibhe kutyo! Jikuma na rikusyo, obhwengeeso na risiima, echibharo na obhuturo na amanaga bhiri ku‑Nyamuwanga weeswe akajaanende koone. Jibhe kutyo!”