Baefeso 1:14 - Indagano Inyaaya mu-Chijita

¹⁴ Mwoyo Mweru oyo, niwe echigwatirisyo cha omwandu gwaye kw‑iswe bhanu chiri bhaana bhaaye. Omusango ogwo, ogweresya abhwerubhweru ati Nyamuwanga aryerura chimwi abhaanu bhoone bhanu abhamwiyikanya. Chimukuuye inguru ya rikusyo ryaye!

INDAGANO INYA:YA

¹⁴ Niwe ecigwatirisyo co mwandu gweswe, kukinga obutungi bwa Nyamuanga runu buricungurwa, rikusyo ryae rikuibwega.

Baefeso 1:14 Iomraidhean Croise

Ruuka 21:28

Mbe, emisango ejo, aribha jaamba okukorekana, murumatane, kwa okubha omwanya gwa okwerurwa kwemwe, ogubha guri yeeyi!”

Ebikorwa 20:28

Woori, mubhega mwiyangariiye na murinde ebhise bhyone bhya abheekirisya, kwa okubha Mwoyo Mweru, abhateeye‑wo mubhe abhaangarisi. Mwangarire abheekirisya abho, kwa okubha Nyamuwanga ꞉aabhagurire kwa isagama ya omwana waaye.

Ebikorwa 20:32

“Woori, enibhatuura ku‑Nyamuwanga na ku‑musango gwa obhwitiriranya bhwaye obhukuru. Okubha gunu, ogutura okubhakomeesya na okubhayaana omwandu gwa amabhando ganu atereeye‑wo abhaanu bhaaye bhanu bheesiibhwe.

Barumi 8:23

Ka wone, jitari ati ni bhibhumbwa ebhyo era bhinu ebhirira kwa obhusungu, tari noorwo eswe bhanu chiyaaywe Mwoyo Mweru, chirabhe bhwa ekisi ku‑jinu arichiyaana, noorwo eswe echirira kwa obhusungu mu‑myoyo jeeswe. Echirira kwa obhusungu, kwa okubha echirindirira muno omwanya gunu Nyamuwanga arichikuumisya okubha abhaana bhaaye. Awo niwo aricheerura okusooka mu‑bhugaya bhweswe bhwa obhunyamuke kwa okuchiyaana emibhiri emiyaaya.

1 Bakorinto 1:30

Nyamuwanga niwe abhagwatanyiisye emwe na Kirisito Yeesu. Omwene akorere Kirisito okubha obhwengeeso bhweswe. Nikwo okwayika ati okutura ku‑Yeesu chaabha abharengeresi imbere ya Nyamuwanga, chaabha abheeru, ka wone cheeruuywe.

2 Bakorinto 1:22

na okuchituura‑ko orunabho kwa okuchiyaana Mwoyo Mweru mu‑myoyo jeeswe, korereki abhe echigwatirisyo cha joone jinu Nyamuwanga arichiyaana.

2 Bakorinto 5:5

Nyamuwanga niwe achichumachumire inguru ya emisango ejo, na achiyaaye Mwoyo waaye, korereki abhe echigwatirisyo cha joone jinu Nyamuwanga arichiyaana.

Bagalatia 4:6

Mbe, kwa okubha chiri bhaana bha Nyamuwanga, omwene ꞉aatumire Mwoyo wa Omwana waaye mu‑myoyo jeeswe. Mwoyo oyo, niwe kaakora chibhirikire Nyamuwanga ati “Abha,” obhugajuro bhwaryo “Raata.”

Baefeso 1:11

Nyamuwanga kaakora bhuri chiinu okwingana na obhukarariiye bhwa okwenda kwaye. Omwene ꞉aaramuuye okuchisora eswe Abhayawudi, chibhe abhaana bhaaye okusookerera kara ku‑njira ya Kirisito.

Baefeso 1:12

Nyamuwanga aariga akarariiye ati, eswe bhanu ꞉chaatangatire okwiyikanya Kirisito, chirikuuya Nyamuwanga inguru ya rikusyo ryaye.

Baefeso 4:30

Musige okusurumbasya Mwoyo Mweru wa Nyamuwanga, kwa okubha omwene oyo, niwe orunabho rwaye kw‑imwe ati, orusuku oruuja runu muryerurwa chimwi.

1 Petero 2:9

Nawe emwe muri rwibhuro orusorwa, muri bhugabhisi bhwa echikama, echise cha abheeru, abhaanu bhanu mwawuuywe na Nyamuwanga, korereki muraasye ebhikorwa bhyaye ebhikuru. Omwene ꞉aabhabhirikiiye okusooka mu‑chisuute, mwingire mu‑bhweru bhwaye bhwa okuruguusya.