Baefeso 1:10 - Indagano Inyaaya mu-Chijita

¹⁰ Obhutinge bhwaye ni ati, aribha gwakuumira omwanya gunu omwene ateeye‑wo, niwo ariwumbanya aamwi ebhiinu bhyone bhibhe emwaro ya obhutungi bhwa Kirisito, ebhiinu bhinu bhiri mu‑rwire na bhinu bhiri mu‑chaaro.

INDAGANO INYA:YA

¹⁰ Korereki mu kuragirira kwo kukumisya kwa magoro, aumbanyisye mu Kristo binu byone biri mu rwire na binu biri ku ca:ro.

Baefeso 1:10 Iomraidhean Croise

Matayo 25:32

Abhaanu bha amaanga goone bhariikofyanya imbere yaani. Anye niribhataaganya rwa kutyo omureefi kaataaganya jinaama okusooka mu‑mbusi.

Mariko 1:15

Aaraasyaga, ˆnaayikaga ati, “Omwanya gunu ꞉gwaragirwe, gwakinga, obhukama bhwa Nyamuwanga bhuri yeeyi. Mbe, mute ebhibhiibhi bhyemwe ku‑Nyamuwanga na okwikirisya Emisango ja Ekisi ejo.”

1 Bakorinto 10:11

Mbe, emisango ejo joone ꞉jaabhabhwene, ꞉jaakaamirwe korereki bhibhe ebhijekekanyo bhya okuchikengya eswe bhanu chiri mu‑siku jinu ja obhuteero.

1 Bakorinto 11:3

Nawe woori eneenda mumenye ati omutwe gwa omurume woonewoone omwikirisya ni Kirisito, omutwe gwa omugasi ni murume waaye, na omutwe gwa Kirisito ni Nyamuwanga.

Bagalatia 4:4

Nawe jisiku jinu jaariga jiteeywe‑wo jejire jaakuumira, Nyamuwanga ˆnaatuma Omwana waaye ku‑chaaro chinu. Omwana waaye oyo, ꞉eebhuuywe na omugasi rwa eswe, ˆnaatungwa na ebhiraagiro bhya Muusa.

Baefeso 1:22

Nyamuwanga ꞉aayaanire Kirisito obhuturo inguru ya ebhiinu bhyone, ꞉aamuteeye‑wo abhe rwa omutwe ku‑bhiinu bhyone inguru ya rikanisa.

Baefeso 2:15

Omwanya gunu ꞉aakorere kutyo, ꞉aasoosiisye‑wo obhutinge bhwone bhwa ebhiraagiro bhya Echiyawudi. Obhwira bhwaye bhwariga bhuri okukora ebhise bhibhiri ebhyo, okubha echise chimwi echiyaaya. Nikwo kutyo ꞉aareetere omurembe agatigati ya Abhayawudi na bhanu bhatari Bhayawudi na okubhagwatanya aamwi nage.

Baefeso 3:15

Omwene oyo, niwe obhusimukwa bhwa abhaanu bhaaye bhoone bhanu bhari mu‑rwire na ku‑chaaro anu.

Baefeso 3:2

Mwamarire okuungwa ati, Nyamuwanga anaaye obhukosi bhwa okuraasya obhwitiriranya bhwaye kw‑imwe.

Bakolosai 1:16

Okubha okutura ku‑mwene ebhiinu bhyone ꞉bhyabhumbirwe, bhinu bhiri mu‑rwire na bhinu bhiri ku‑chaaro, bhinu ebhibhonekana na bhinu bhitakubhonekana, bhikabha bhiri ebhya obhukama amwi ebhya obhukuru, obhutungi amwi ebhya obhuturo. Ebhyo bhyone ꞉bhyabhumbirwe okutura ku‑mwene na inguru yaaye.

Bakolosai 1:20

Ka wone, ꞉jaamukondeeye ati, agwatanye ebhiinu bhyone ku‑mwene, ku‑njira ya Omwana waaye, ebhiinu bhinu bhiri ku‑chaaro kunu na bhinu bhiri mu‑rwire. ꞉Aakorere kutyo kwa okureeta omurembe okutura ku‑sagama ya Omwana waaye inu ꞉yeetikire ku‑musarabha.

Bakolosai 3:11

Kurwa ejo, bhutari‑wo obhutaasyanya rindi agati ya Omuyawudi na unu atari Muyawudi, unu atenderwe na unu atatenderwe, unu kaasooka mu‑chaaro cha kura amwi omusikisi, omugaya na omwitaage. Tari Kirisito niwe wa bhusibhusi na omwene ari mw‑imwe bhoone.

Baeburania 1:2

Nawe mu‑siku jinu ja obhuteero, Nyamuwanga aayika na eswe okutura ku‑Mwana waaye. Nyamuwanga ꞉aamuteeye‑wo abhe omwanjusi wa ebhiinu bhyone, ka wone okutura ku‑mwene oyo, Nyamuwanga ꞉aabhumbire echaaro choone.

Baeburania 11:40

Nyamuwanga ꞉aakorere kutyo, kwa okubha aariga achiiraabhiiye emisango ja ekisi muno, korereki chiramire jinu ꞉aachiragire eswe aamwi na abheene.

Baeburania 9:10

Okubha emisango ejo jaariga jiri ja echinyamubhiri, ja ebhiryo, ja ebhinywebhwa, na eja okwiyesya emibhiri era. Ejo joone jiriwaa‑wo omwanya gunu Nyamuwanga arituura‑wo obhutinge obhuyaaya.

1 Petero 1:20

Echaaro noorwo chichaari okubhumbwa, Nyamuwanga omwene aariga aamarire okumwawura ku‑bhukarariiye obhwo. Nawe ˆnaarindirira okukingira jisiku ja obhuteero jinu, ˆnaamubhuurisya abhwerubhweru ku‑bhaanu bhoone. Ejo joone, ꞉jaakorekeene ku‑songa yeemwe.

Obhusweruro 5:9

Nibheembira Omwana wa Inaama orwimbo oruyaaya runu rwayikaga ati, “Awe wiiyire okuramira echitabho echo na okusuruumura jimboyero jaacho ja obhurimbo. Okubha awe ꞉waatemerwe omutwe na ku‑sagama yaawo, nuugurira Nyamuwanga abhaanu bha jingʼanda joone, jinyaayika joone, jinyaami joone na abha amaanga goone.