Baefeso 1:1 - Indagano Inyaaya mu-Chijita

¹ Inyarubha inu, niikaamire anye Pawuro, itumwa ya Kirisito Yeesu mu‑kwenda kwa Nyamuwanga. Enikaamira emwe abheeru bha Nyamuwanga [bhanu muri mu‑musi gwa Yefeeso]. Emwe muri abheeyikanyibhwa mu‑kubha na obhumwi na Kirisito Yeesu.

INDAGANO INYA:YA

¹ Anye Paulo, unu ndi ntumwa ya Yesu Kristo, enibandikira emwe abe:ru banu bari mu Efeso na banu abe:kirisya Kristo Yesu.

Baefeso 1:1 Iomraidhean Croise

Ruuka 16:10

“Omuunu omwiyikanyibhwa ku‑misango emitooto, ni mwiyikanyibhwa noorwo ku‑misango eminene. Nyabhuriko, omuunu unu atari mwiyikanyibhwa ku‑misango emitooto, ataribha omwiyikanyibhwa noorwo ku‑misango eminene.

Ebikorwa 16:15

Bhunu ꞉eekirisiisye na okubhatiijibhwa omwene aamwi na abhaanu bha iika ewaaye, ˆnaachiirembeeresya ati, “Araabha chimari mwarora ati anye neekirisya Raatabhugenyi Yeesu, ambe enibhakuma iika ewaani mwinyanje.” ˆNaachisegera muno ati chigende ewaaye.

Ebikorwa 18:19

Mu‑njira, bhejire bhaakinga mu‑musi gwa Yefeeso, Pawuro ˆnaasiga abheejaabho erya. Omwene ˆneengira mu‑nju ya eriikofyanyo, ˆnaayikana na Abhayawudi.

Ebikorwa 18:21

Nawe omwanya gunu ꞉eemukire, ꞉aabhabhwiriiye ati, “Araabha Nyamuwanga aakeenda nirisubha kw‑imwe anu rindi.” Neeya ˆneemuka Yefeeso na ingarabha.

Ebikorwa 9:13

Nawe Ananiiya ˆnaayika ati, “Raatabhugenyi, abhaanu bhaafu bhaambwira kutyo Saawuri oyo ꞉aakoreeye abheeru bhaawo amabhiibhi Yerusareemu eyo!

Barumi 1:1

Inyarubha inu, niikaamire anye Pawuro, omukosi wa Kirisito Yeesu. Anye ꞉naabhirikiiywe nibhe itumwa yaaye, na okusorwa na Nyamuwanga nibhega nindaasya Emisango jaaye ja Ekisi.

Barumi 1:7

Enibhakaamira emwe abheekirisya bhoone bhanu muri Ruumi eyo. Nyamuwanga kaabheenda muno, na abhabhirikiiye, korereki mubhe abhaanu bhaaye abheeru. Obhwitiriranya na omurembe okusooka ku‑Nyamuwanga Raata weeswe, na ku‑Raatabhugenyi Yeesu Kirisito, bhibhe aamwi na emwe.

Barumi 8:1

Mbe woori, Nyamuwanga atariyaana ebhitiibha abhaanu bhanu bhari na obhumwi na Kirisito Yeesu.

1 Bakorinto 4:12

Echikora emirimu jeeswe kwa okwikomeesya muno kwa amabhoko geeswe abheene. Omwanya gunu abhaanu abhachifuma, echibhasabhirwa amabhando. Omwanya gunu abhachinyaasya, echiigumiirisya.

1 Bakorinto 4:17

Ku‑songa eyo, ꞉naatumire Timoteewo, omwana waani omwendwa, unu ari mwiyikanyibhwa ku‑mirimu ja Raatabhugenyi. Omwene kaja okubheechukya kutyo anye eniruubha Kirisito, jiri rwa kutyo eniiyigisya abhaanu bhuri rubhaara mu‑makanisa goone.

2 Bakorinto 1:1

Inyarubha inu, niikaamire anye Pawuro, itumwa ya Kirisito Yeesu mu‑kwenda kwa Nyamuwanga, niri aamwi na Timoteewo omuyiri weeswe mu‑riikirisya. Echikaamira emwe bhanu muri mw‑ikanisa rya Nyamuwanga mu‑musi gwa Koriito, aamwi na abheeru bhoone bha Nyamuwanga bhanu bhari mu‑mukoowa gwa Akaaya.

Bagalatia 1:1

Inyarubha inu, niikaamire anye Pawuro. Anye ꞉nitaatumirwe na abhaanu amwi okuragirirwa na omuunu omurebhe, tari ꞉naatumirwe na Yeesu Kirisito omwene na Raata Nyamuwanga unu ꞉aasuuruuye Yeesu okusooka mu‑bhafuuwe.

Bagalatia 3:26

Woori, emwe bhoone muri bhaana bha Nyamuwanga kwa eriikirisya ryemwe, kwa okubha muri na obhumwi na Kirisito Yeesu.

Bagalatia 3:28

Kurwa ejo, bhutari‑wo obhutaasyanya agati ya Omuyawudi na Omuyunaani, amwi omugaya na omuunu omwitaage, amwi omurume na omugasi. Bhoone muri chiinu chimwi, kwa okubha muri na obhumwi na Kirisito Yeesu.

Bagalatia 3:9

Mbe, abhaanu bhanu abheekirisya Nyamuwanga, abhabhona amabhando, rwa kutyo Bhurayimu ꞉aabhwene amabhando kwa okubha ꞉eekirisiisye.

Baefeso 1:15

Nikwo kutyo anye wone, okusookerera omwanya gunu ꞉noonguuwe eriikirisya rinu muri naryo ku‑Raatabhugenyi Yeesu na eryenda rinu muri naryo ku‑bheeru bhoone,

Baefeso 2:10

Okubha Nyamuwanga achichunguuye na okuchibhumba bhuyaaya echinyamwoyo mu‑Kirisito Yeesu, korereki chikore ebhikorwa bhya ekisi, bhinu ꞉aachiiraabhiiye okusookerera kara, korereki chibhikorega.

Baefeso 2:13

Nawe woori, mu‑kubha na obhumwi na Kirisito Yeesu, emwe bhanu mwariga muri kura, mwafogeeye ayeeyi ku‑njira ya Kirisito okwita isagama yaaye ku‑musarabha.

Baefeso 2:6

Mu‑kubha na obhumwi na Kirisito Yeesu, Nyamuwanga ꞉aachisuuruuye aamwi na Kirisito Yeesu, ˆnaachinyanjya aamwi nage mu‑chaaro chinyatarorwa,

Baefeso 6:21

Tukiiko, omuyiri weeswe omwendwa na omukosi omwiyikanyibhwa ku‑Raatabhugenyi, aribhabhwira bhuri musango, korereki emwe wone mumenye kutyo niri na kutyo emirimu ejigenderera.

Bakolosai 1:2

Echikaamira emwe abheeru bha Nyamuwanga bhanu mwikaaye mu‑musi gwa Korosaayi, emwe abhayiri bheeswe abheeyikanyibhwa mu‑kubha na obhumwi na Kirisito. Obhwitiriranya na omurembe okusooka ku‑Nyamuwanga, Raata weeswe, bhibhe aamwi na emwe.

Obhusweruro 17:14

Bharigwatana na rityanyi eryo, okukora riremo na Omwana wa Inaama. Nawe Omwana wa Inaama aribhayiga, kwa okubha omwene niwe Raatabhugenyi wa bharaatabhugenyi na Omukama wa abhakama. Bhanu bhari aamwi nage nibho bhabhirikiiywe na okusorwa na Nyamuwanga, abheene ni bheeyikanyibhwa.”

Obhusweruro 2:10

Musige okuubhaya ebhinyaasyo bhinu bhiribhaaja‑ko. Muringire! Syetaani aribharegeeja kwa okutuura abhandi agati yeemwe mw‑ibhoyero. Emwe murinyaaka siku ekumi. Nawe mubhe abheeyikanyibhwa kw‑anye noorwo okukingira mufwe, anye niribhayaana orutengya rwa obhuwanga bhwa akajaanende koone.

Obhusweruro 2:13

Anye enimenya ati, mwikaaye anu Syetaani atungire. Nawe omugenderera okwikirisya risiina ryani. Noorwo omwanya gurya omubhambaasi waani omwiyikanyibhwa Atipaasi, ꞉eetiiywe mu‑musi gwemwe gwa Perigaamo anu Syetaani eekaaye, ꞉mutaanyigaanire wuri.