2 Petero 3:4 - Indagano Inyaaya mu-Chijita

⁴ nibhaayikaga ati, “Kirisito ꞉aaragire ati, arisubha! Woori ari aaki? Okusookerera bhasaaja weeswe bhafwe, emisango joone jiri kutyokutyo rwa kutyo jaariga jiri ku‑bhwambiro bhwa echaaro!”

INDAGANO INYA:YA

⁴ niba:ika ati, ?Omurago gwo ku:ja kwae guri a:ki? Okuba basaja anu bakama:miyega, ebi:nu byone biri mbwobwo mbwobwo rwa kutyo byabaga kuso:kerera anu byambire okuangwa.

2 Petero 3:4 Iomraidhean Croise

Matayo 16:27

Okubha anye Omwana wa Omuunu, niriija aamwi na bhamaraayika bhaani mw‑ikusyo rya Raata waani. Niwo niririya bhuri muunu okuruubhana na ebhikorwa bhyaye.

Matayo 16:28

Ni chimari enibhabhwira ati, bhari‑wo abhaanu abharebhe mw‑imwe anu, bhanu bhatarifwa bhachaari okundora anye Omwana wa Omuunu, niniija mu‑bhukama bhwani.”

Matayo 24:28

Kuribha abhweru, rwa kutyo jipungu ejiikofyanya aamwi anu ityanyi inu ifuuwe iri.

Matayo 24:48

“Nawe omugaya omubhiibhi ni urya keeganirisya mu‑mwoyo gwaye ati, ‘Mwami waani arikoora okusubha.’

Mariko 10:6

Nawe, okusookerera ku‑bhwambiro bhwa obhubhumbi bhwa echaaro, Nyamuwanga ꞉aabhumbire omurume na omugasi,

Mariko 13:19

kwa okubha jisiku ejo jiribha ja ebhinyaasyo bhinene muno. Ebhinyaasyo rwa ebhyo, bhichaariga okusookerera noorwo na akatyari, okwambira omwanya gunu Nyamuwanga ꞉aabhumbire echaaro, okukingira reero inu. Ka wone bhitaribha‑wo rwa ebhyo rindi.

Ruuka 12:45

“Nawe, araabha omukosi oyo akeeganirisya mu‑mwoyo gwaye ati, ‘Mwami waani aakoora muno okusubha,’ niwo ˆnaamba okubhuma abhakosi bheejaabho, ˆnaamba okurya na okunywa obhwarwa ˆnaakingira okukorwa,

Ebikorwa 7:60

Ejire eeya ˆneefukama, ˆnaarira kwa obhuraka obhunene ati, “Raatabhugenyi, waasiga okubhabharira echibhiibhi chinu!” Ejire aamara okwayika ejo, ˆnaafwa. Saawuri wone ꞉aarorere ati, echikorwa cha okwita Tefwano chaariga chiri cha ekisi.

1 Batesalonika 2:19

Chaariga cheendere okubhagosorera kwa okubha, Raatabhugenyi Yeesu aribha aasubha, emwe muribha obhwiyikanyo bhweswe, rikonderwa ryeswe na orutengya rwa obhuyigi bhunu chiriikuuyisya.

2 Petero 3:12

nimurindiriraga orusuku rurya rwa Nyamuwanga na okuyenja ati ruuje bhwangu. Ku‑songa ya orusuku orwo, orutumba ruryochibhwa kwa omuriro na okusingaarika na ebhiinu bhinu bhiri‑mo bhirigera kwa ribhirabhira riruru muno.

Obhusweruro 3:14

“Ukaamire maraayika wa mw‑ikanisa rya Rawodeekiya kutya, Anye, naanye Jibhe kutyo, omubhambaasi omwiyikanyibhwa wa echimari inguru ya Nyamuwanga. Anye, naanye obhusimukwa bhwa ebhibhumbwa bhyone bhinu Nyamuwanga ꞉aabhumbire. Mutegeresye jinu enibhabhwira!