2 Petero 3:10 - Indagano Inyaaya mu-Chijita

¹⁰ Orusuku rwa okusubha Raatabhugenyi Yeesu ruriija kwa okutakya rwa omwifi. Orusuku orwo, orutumba rurisooka‑wo kwa omurundumo munene, ebhiinu bhinu bhiri‑mo bhiryochibhwa kwa omuriro, echaaro wone chirisingaarisibhwa aamwi na ebhiinu bhyone bhinu bhiri‑mo.

INDAGANO INYA:YA

¹⁰ Nawe orusiku rwa Ratabugenyi oru:ja rwo mwifi. Niwo orwire ruriso:kao ne ciru:mo cinene, ne binu byo busimuka birifukumba kurwo kubira okwafu, na i:si ne bikorwa binu birimo birirungura.

2 Petero 3:10 Iomraidhean Croise

Matayo 24:35

Orutumba na echaaro bhiritura, nawe emisango jaani jitaritura wuri.

Mariko 13:31

Orutumba na echaaro bhiritura, nawe emisango jaani jitaritura wuri.

Ruuka 12:39

“Nawe mumenye kisi ati, araabha omwene inju, akamenyere omwanya gunu omwifi kaaja, mbe atakawongeeye wuri, korereki omwifi aasiga okuuja ˆnaafumura inju yaaye.

Barumi 8:20

Ebhiinu bhyone bhinu ꞉bhyabhumbirwe, bhiiyiimirwe okubha bhya kutyo era. Jitari ati ebhyene ꞉bhyendere bhibhe kutyo, tari bhiri rwa kutyo Nyamuwanga omwene ꞉eendere. Noorwo kutyo, ebhirindirira omwanya ogwo,

1 Bakorinto 1:8

Nyamuwanga aribhakomeesya okukingira ku‑bhuteero korereki mwasiga okubha na esoro, orusuku runu Raatabhugenyi weeswe Yeesu Kirisito ariija okuramura abhaanu.

1 Bakorinto 5:5

Musoosye omuunu oyo agati yeemwe na mumusige mu‑bhutungi bhwa Syetaani, korereki obhusimukwa bhwaye bhwa echibhiibhi bhunyamurwe, na omwene achungurwe orusuku rwa okusubha Raatabhugenyi Yeesu.

2 Bakorinto 1:14

noorwo kutyo woori, omuchisombookerwa kutooto era. Omuja okuchisombookerwa abhwerubhweru ati, orusuku runu Raatabhugenyi weeswe Yeesu arisubha, emwe murikuuya inguru yeeswe, rwa kutyo eswe wone echikuuya inguru yeemwe.

1 Batesalonika 5:2

Okubha emwe abheene, omumenya kisi ati, orusuku rwa okusubha Raatabhugenyi Yeesu, ruribha rwa okutakya era rwa kutyo omwifi kaaja mu‑ngeta.

1 Batesalonika 5:4

Tari, emwe abhayiri bheeswe, mutari mu‑chisuute rwa abhaanu bhanu bhachaari okuta ebhibhiibhi, kutyo, orusuku orwo rutaribhatakya rwa kutyo omwifi kaakora.

2 Petero 3:11

Mbe, kwa okubha ebhiinu bhyone bhirisingaarisibhwa ku‑njira eyo, angu, emwe mwenderwe okubha abhaanu bha jitungwa ki mu‑chaaro chinu? Mwenderwe okwikara mu‑bhweru na okuyaana echibharo Nyamuwanga,

2 Petero 3:12

nimurindiriraga orusuku rurya rwa Nyamuwanga na okuyenja ati ruuje bhwangu. Ku‑songa ya orusuku orwo, orutumba ruryochibhwa kwa omuriro na okusingaarika na ebhiinu bhinu bhiri‑mo bhirigera kwa ribhirabhira riruru muno.

2 Petero 3:7

Ka wone ku‑musango ogwoogwo Nyamuwanga aangariiye orutumba na echaaro chinu, korereki bhyochibhwe kwa omuriro. Abhyangariiye inguru ya orusuku runu ariramura abhaanu bhanu bhatakumugayuka, awo woori niwo bharisingaarika.

Yuuda 1:6

Ka wone, mwichuke bhamaraayika bhanu ꞉bhateeyirwe na obhukuru bhwebhwe, nibhasiga obhwikaro bhwebhwe. Nyamuwanga abhateeye mu‑chisuute echirafuru, abhabhoyere na amaseega ga akajaanende. Eyo abharindirira orusuku orukuru rwa okuramurwa.

Obhusweruro 16:15

Raatabhugenyi Yeesu kaayika ati, “Muringire! Niriija rwa kutyo omwifi kaaja abhaanu bhataamenya. Ari na ribhando unu atengeejere na okwiraabha emyenda jaaye korereki asige kuyenga tuyu na okwiswasya imbere ya abhaanu.”

Obhusweruro 20:11

Nejire neeya, nindora Nyamuwanga eenyanjire ku‑chitebhe echeeru echinene cha ingʼoma. Orutumba na echaaro nibhiiruka okusooka imbere yaaye na ꞉bhitaabhonekeene rindi.

Obhusweruro 21:1

Nejire neeya nindora orutumba oruyaaya na echaaro echiyaaya, okubha orutumba rwa okwamba na echaaro cha okwamba bhyariga bhyasoosiibhwe‑wo, noorwo inyanja yaariga itari‑wo rindi.

Obhusweruro 3:3

Mwichuke jinu ꞉mweeyigisiibhwe, nimujungwa. Mbe, muruubhe ejo na okuta ebhibhiibhi bhyemwe. Mukarema okutengeeja, niriija rwa kutyo omwifi kaaja na mutarimenya omwanya gunu niribhaaja‑ko.

Obhusweruro 6:14

Orutumba nirusooka‑wo rwa kutyo orufunjo orufunywa. Ebhiima bhyone na amasinga goone nibhisoosibhwa anu bhyariga bhiri.