2 Petero 2:3 - Indagano Inyaaya mu-Chijita

³ Mu‑kurigira kwebhwe kwa ebhiinu, bharibha nibhabhabhwira jingani ja orubheeyi, korereki bhabhone chinu abheenda okutura kw‑imwe. Nawe okusookerera kara, indamu yeebhwe yeerabhirwe na chimari bharisingaarisibhwa!

INDAGANO INYA:YA

³ Abo baribona amabona mwimwe kurwo kurigira kwebwe, niba:ika emisango jo rurimi. Intambara yebwe kuso:ka kara itakuko:ra, no kusimagisibwa kwebwe kutakuongerera.

2 Petero 2:3 Iomraidhean Croise

Matayo 23:14

“Jiribhabhona emwe abheeyigisya bha ebhiraagiro bhya Muusa na emwe Abhafarisaayo! Emwe muri bheerimaanya, kwa okubha omurandirisya muno risabhwa ryemwe ku‑Nyamuwanga, korereki mwikondye ku‑bhaanu, nawe omuteesya abhatumbagasi ribhona ryebhwe. Mbe, mumenye ati ku‑rusuku rwa indamu, chimari muriramira jimbuma nyafu okusooka ku‑Nyamuwanga.]

Ruuka 18:8

Enibhabhwira ati, kaja okubhayaana rirenga rwebhwe bhwangwe. Nawe, anye Omwana wa Omuunu omwanya gunu nirisubha ku‑chaaro, angu nirisongʼana abhaanu bhachaanyikirisyaga?”

Ruuka 20:20

Kurwa ejo, abhakuru abho, bhaariga nibheetegaanira okugwata Yeesu. Mbe, nibhatuma abhatatirisya bhagende bhamubhuusye amabhuusyo. Abhatatirisya abho, nibheekora wuti ni bhaanu bharengeresi. Nawe, bhaariga nibhayenja injira ya okugwata Yeesu ku‑misango jaaye, korereki bhagende okumusitaaka ku‑mutungi wa Echiruumi.

Ruuka 22:47

Mbe, omwanya gunu Yeesu aariga achaayika emisango ejo, ringira, ˆneejirwa na abhaanu bhaafu. Abhaanu abho bhaatangasibhwaga na Yuuda owumwi ku‑bheeyigisibhwa ekumi na bhabhiri bha Yeesu. Yuuda ˆnaagenda, ˆnaabhuusu Yeesu.

Yowana 2:16

Niwo ˆnaabhwira bhanu bhaariga nibhagusya ebhiguuti ati, “Musoosye munu ebhiinu bhinu! Musige okukora inju ya Raata waani okubha eguriro!”

Barumi 16:18

Abhaanu bha imbaga eyo bhatakukorera emirimu Kirisito, Raatabhugenyi weeswe, tari wubha nibharuubha okurigira kwebhwe abheene. Abhaayika emisango ja ekisi ja okukondisya, nawe abhajiga abheekirisya bhanu bhatakwiyikanya okukorerwa obhubhiibhi bhwonebhwone.

2 Bakorinto 2:17

Eswe chitari rwa abhaanu abhandi abhaafu, bhanu abharaasya omusango gwa Nyamuwanga kwa okugusuruja, korereki bheebhonere‑mo omuriiro. Tari eswe, ku‑managa ga Kirisito, echiraasya omusango gwa Nyamuwanga kwa obhwiyikanyibhwa bhwone imbere ya Nyamuwanga, kwa okubha omwene niwe ꞉aachitumire.

1 Batesalonika 2:5

Mbe, mumenyere ati, chaariga chitakwayika emisango ja okwikondya kw‑imwe, noorwo okwayika emisango jinu jitari ja echimari, korereki chibhone omuriiro. Nyamuwanga niwe kaamenya ati, jinu echaayika ni ja echimari!

1 Batesalonika 5:3

Omwanya gunu abhaanu bharyayikaga ati, “Chiri na omurembe, itambara itari‑wo,” awo niwo, obhunyamuke bhuribheejira. Obhunyamuke obhwo bhuribhatakya, rwa kutyo omugasi unu afugaaye kaarumwa obhusungu korereki eebhure. Ka wone bhatariikenga nabhwo wuri.

1 Timoteo 3:3

Asige okubha omukorwa, asige okubha omurwani, tari abhe mworooro, abhe omwendi wa omurembe na asige okubha na inamba imbiibhi ya okubhona jipirya.

1 Timoteo 3:8

Abhasakisi bha rikanisa wone, bhabhe na jitungwa ja ekisi, bhasige okubha abhabheeyi, bhasige okubha abhakorwa, bhasige okubha na inamba imbiibhi ya okubhona jipirya.

1 Timoteo 6:5

ka wone nijo ejinyamura obhungwani siku joone. Abhaanu abho obhwenge bhwebhwe bhunyamukire, bhatari‑mo echimari mu‑myoyo jeebhwe. Abheetogera ati okwikara rwa kutyo Nyamuwanga keenda niyo injira ya okubhona obhuniibhi.

Tiito 1:11

Abho abhasingaarisya eriikirisya rya abhaanu mu‑misi myafu. Abheeyigisya emisango jinu jiteeyire, korereki bheebhonere jipirya ku‑njira imbiibhi eyo.

Tiito 1:7

Okubha omukaruka wa rikanisa, ni mwangarisi wa emirimu ja Nyamuwanga. Kutyo, kaakenʼywa abhe muunu unu atari‑ko esoro. Asige okubha na echigundu, asige okubha na risungu, asige okubha omukorwa, asige okubha omurwani, ka wone asige okubha na inamba imbiibhi ya okubhona jipirya.

1 Petero 2:8

Ka wone, “Ribhuyi eryo ni rya okwikuujura‑ko, ni rutare rwa okugwisya abhaanu.” Abhaanu abheekuujura‑ko, kwa okubha bhatakugayuka omusango gwa Nyamuwanga. Ka wone nikwo kutyo bhaariga bhakarariiywe okusookerera kara.

1 Petero 5:2

mubhe abhareefi bha ekisi ku‑bheekirisya bhanu ꞉mwayaaywe na Nyamuwanga. Ka wone, mubhaangarire mu‑mutima gwa ekisi, kutari kwa okusinyiirisibhwa, kutyo nikwo Nyamuwanga keenda. Musige okukora emirimu jeemwe kwa okurigira jipirya, tari okusooka mu‑mitima jeemwe joone.

2 Petero 1:16

Omwanya gunu chaariga nichiiyigisya kutyo ariija ku‑bhuturo bhwaye, Raatabhugenyi weeswe Yeesu Kirisito, chaariga chitakwiyikanya jingani ja kara jinu jikaamirwe kwa obhwenge. Tari eswe ꞉chaarorere rikusyo ryaye kwa ameeso geeswe abheene.

2 Petero 2:1

Nawe omwanya gwa abharagi, ꞉bheebhukire abharagi abhabheeyi agati ya Abhayisirayeeri. Nikwo kutyo wone, abheeyigisya bha orubheeyi bhariibhuka agati yeemwe. Abhaanu abho, bhariyigisyaga ku‑bhurigerige ameeyigisyo ga okuyabhya abhaanu, noorwo bhariigaana Raatabhugenyi, unu abhagurire. Ku‑njira eyo, abheene bhariireetera bhwangu okusingaarika kwebhwe abheene.

2 Petero 2:9

Kurwa ejo, Raatabhugenyi kaamenya kutyo kaawonʼya okusooka mu‑maregeejo abhaanu bhanu abhamugayuka. Ka wone, kaamenya kutyo kaja okuyaana ebhitiibha abhakosi bha ebhibhiibhi orusuku rurya rwa okuramurwa,

Yuuda 1:11

Jiribhabhona, kwa okubha bharuubhire orugere rwa Kayini na okukora ebhibhiibhi. Bheeyingisiisye mu‑chikayo, korereki bhabhone ribhona, rwa kutyo Bharaamu ꞉aakorere. Bharisingaarika inguru ya bhunyatagayuka bhwebhwe, rwa kutyo Koora ꞉aasingaarikire inguru ya bhunyatagayuka bhwaye.

Yuuda 1:15

Kaaja korereki aramure abhaanu bhoone na okuyaana ebhitiibha bhanu bhatakugayuka Nyamuwanga inguru ya ebhikorwa bhyebhwe bhyone ebhibhiibhi, na inguru ya emisango emijabhi joone jinu abha ebhibhiibhi bhaayikire inguru yaaye.”

Yuuda 1:16

Abheeyigisya bha orubheeyi bharya abhajujuuma na okutongʼanira abhandi, keenu nibharuubha okurigira kwebhwe okubhiibhi. Abheekuuya muno na okwayika emisango ja okukondisya abhaanu, isonga iri ati, bheebhonere omuriiro.

Yuuda 1:4

Enibhakaamira inyarubha inu, kwa okubha bhari‑wo abheeyigisya abharebhe bha orubheeyi bhanu bheeyingisiisye mw‑imwe bhumbise. Abhaanu abho, bhatakugayuka Nyamuwanga. Mu‑meeyigisyo gwebhwe, abhayindura obhwitiriranya bhwa Nyamuwanga weeswe, abhakora bhubhe rwa isonga ya okukora emisango ja orukubho. Ka wone, abheegaana Raatabhugenyi weeswe Yeesu Kirisito, omutangasya weeswe omukuru. Nawe okwambira kara jikaamirwe mu‑Bhikaame Ebhyeru ati, abhaanu abho, bhariramurwa rwa kutyo abhandi ꞉bhaaramuuywe.

Yuuda 1:7

Mwichuke wone, jinu ꞉jaabhwene abhaanu bha emisi ja Sodoma na Gomoora na bha emisi jinu jaariga jisiijeene nabho. Abhaanu abho, ꞉bhaakorere emisango rwa jinu bhamaraayika abho, ꞉bhaakorere. Bhaakoraga obhuromesi na okuruubha okurigira okubhiibhi kwa emibhiri kunu kutari kwa obhusimukwa. Indamu yeebhwe, yaariga iri okwochiibhwa mu‑muriro. Kurwa ejo, indamu eyo yaabha echijekekanyo cha okuyaanwa ebhitiibha mu‑muriro gwa akajaanende koone.