2 Petero 2:1 - Indagano Inyaaya mu-Chijita

¹ Nawe omwanya gwa abharagi, ꞉bheebhukire abharagi abhabheeyi agati ya Abhayisirayeeri. Nikwo kutyo wone, abheeyigisya bha orubheeyi bhariibhuka agati yeemwe. Abhaanu abho, bhariyigisyaga ku‑bhurigerige ameeyigisyo ga okuyabhya abhaanu, noorwo bhariigaana Raatabhugenyi, unu abhagurire. Ku‑njira eyo, abheene bhariireetera bhwangu okusingaarika kwebhwe abheene.

INDAGANO INYA:YA

¹ Nawe bariga bario abaragi bo rurimi mu ba:nu, na ka mwimwe one baribao abe:igisya bo rurimi, banu barire:ta okwiigisya kunu okusimagisya mu burigerige. Barirema Ratabugenyi unu abagurire, nibe:re:tera okusimagisibwa bwangu.

2 Petero 2:1 Iomraidhean Croise

Matayo 10:33

Nawe, omuunu woonewoone unu kaanyigaana imbere ya abhaanu, anye wone nirimwigaana imbere ya Raata waani unu ari mu‑rwire.

Matayo 24:11

“Ku‑mwanya ogwo, bharibhaga nibheebhuka abharagi bhaafu bha orubheeyi, bhajige abhaanu bhaafu.

Matayo 24:24

Bhariibhuka abharagi abhabheeyi na abhaanu bhanu bharibhaga nibheetoga ati ni Kirisito. Bharibhaga nibhakora ebhibharikisyo bhyafu na ebhiruguusyo. Kutyo, bhariregeeja okujiga abhaanu na araabha ikaturikeene, bhakaregeejere na abhasorwa bha Nyamuwanga.

Matayo 24:5

Abhaanu bhaafu bhariija nibhakoreraga emirimu risiina ryani, bharyayikaga ati, ‘Anye naanye Kirisito!’ Abhaanu abho bharibha nibhajiga abhaanu bhaafu.

Matayo 7:15

“Mwikengega abharagi abhabheeyi. Omwanya gunu abhabhaaja‑ko, abheekora okubha abhoorooro rwa jinaama, nawe echimari ni bharuru rwa emisege.

Mariko 13:22

Bhariibhuka abharagi abhabheeyi na abhaanu bhanu bharibhaga nibheetoga ati ni Kirisito. Bharibhaga nibhakora ebhibharikisyo na ebhiruguusyo, korereki bhajige abhaanu na araabha ikaturikeene, bharegeeje okujiga na abhasorwa bha Nyamuwanga.

Ruuka 12:9

Nawe, omuunu woonewoone unu kaanyigaana imbere ya abhaanu, anye wone nirimwigaana imbere ya bhamaraayika bha Nyamuwanga.

Ruuka 21:8

Yeesu ˆnaabhasubhya ati, “Mwangarire, omuunu woonewoone aasiga okubhajiga. Abhaanu bhaafu bhariija nibhakoreraga emirimu risiina ryani, bharyayikaga ati, ‘Anye naanye Kirisito!’ Ka wone bharyayikaga ati, ‘Omwanya gwa obhuteero gwafogeeye!’ Abhaanu abho, mwasiga okubharuubha!

Ruuka 6:26

Jiribhabhona emwe, araabha abhaanu abhabhakumangya, kwa okubha, noorwo bhasaaja weebhwe, nikwo kutyo bhaariga nibhakorera abharagi bha orubheeyi.

Barumi 16:18

Abhaanu bha imbaga eyo bhatakukorera emirimu Kirisito, Raatabhugenyi weeswe, tari wubha nibharuubha okurigira kwebhwe abheene. Abhaayika emisango ja ekisi ja okukondisya, nawe abhajiga abheekirisya bhanu bhatakwiyikanya okukorerwa obhubhiibhi bhwonebhwone.

1 Bakorinto 11:19

Okwawukana ni bhusibhusi kubhe‑wo agati yeemwe, korereki bhanu bhari bha echimari bhamenyekane.

1 Bakorinto 6:20

kwa okubha ꞉mwagurirwe kwa obhugusi obhurambu. Kutyo mukusyega Nyamuwanga mu‑mibhiri jeemwe.

1 Bakorinto 7:23

꞉Mwagurirwe kwa obhugusi obhurambu. Kutyo, mwasiga okubha abhagaya bha abhaanu.

Bagalatia 2:4

Omusango gwa okutenda ogwo ꞉gwabhusiibhwe na abhaanu bhanu bhaariga nibheekora wuti ni bhayiri bheeswe. Abhaanu abho, ꞉bheeyingisiisye mu‑bhumbise okutatirisya obhwitaage bhweswe bhunu ꞉chaayaaywe na Kirisito Yeesu. Obhukarariiye bhwebhwe bhwariga bhuri kuchikora chibhe abhagaya bha ebhiraagiro bhya Muusa.

Bagalatia 3:13

Kirisito ꞉aacheeruuye okusooka mu‑chiyiimo cha ebhiraagiro kwa okugega echiyiimo echo, inguru yeeswe. Ebhikaame Ebhyeru ebhyayika ati, “Woonewoone unu abhambirwe ku‑musarabha, eeyiimirwe.”

Bagalatia 4:17

Abhaanu abhandi bharya, abheekomeesya okubhanyaakirira, nawe omusango gunu ogukora bhabharuubhirire gutari gwa ekisi. Abheenda okubhataaganya na anye, korereki emwe mwikomeesye okubhanyaakirira.

Bagalatia 5:20

okuramya amasusano, obhurosi, obhusoko, inyombo, okwigomba bhya abhandi, risungu, orwango, isoroore, okwitemyako,

Baefeso 1:7

Okubha ku‑sagama ya Kirisito cheeruuywe, nikwo okufwirwa echigongo ebhibhiibhi bhyeswe bhyone. Ku‑njira eyo, Nyamuwanga ꞉aacheeresiisye obhuniibhi bhwafu muno bhwa obhwitiriranya bhwaye.

Baefeso 4:14

Mbe, chitaribha rindi rwa abhaana abharera, nichiyeemusibhwa na okugegwa enu na eyi na omuyaga gwa ameeyigisyo ga orubheeyi. Ameeyigisyo ago, ageeyigisibhwa mu‑bhurigerige na obhwengeeso bhwa abhaanu, bhanu abheetemeeka ja orubheeyi.

Bafilipi 3:19

Abhaanu abho bharisingaarisibhwa ku‑bhuteero, kwa okubha inda niryo risambwa ryebhwe. Abheene abheekuuyisya ebhikorwa bhya jiswaro bhinu abhakora. Ka wone abheeganirisya era emisango ja ku‑chaaro.

Bakolosai 2:18

Bhari‑wo abhaanu bhanu abhakomeeresya muno emisango ja okwikeeya kwa anja na eja okuramya bhamaraayika. Mwasiga okubheekirisisya bhabhateesye echiyaanwa cheemwe. Abhaanu abho abheekuuya na okwayika ati bhaarora emisango ejo mu‑bhiroro. Nawe chimari, bhawosoosokere mu‑bhwiganirisya bhwebhwe obhubhiibhi kwa okubha ni bhwa echaaro.

Bakolosai 2:8

Mubhe mwiyangariiye, omuunu woonewoone aasiga okubhayabhya kwa ameeyigisyo ga kutyo era na ga orubheeyi. Ameeyigisyo ago, agaruubhana na obhusimukwa bhwa abhaanu, na obhutinge bhwa akatungiiywe bhwa echaaro chinu. Ameeyigisyo ago gatakusooka ku‑Kirisito,

1 Timoteo 5:8

Nawe omuunu woonewoone unu atakusakira abhaanu bhaaye, chimwichimwi bharya bha mu‑musi gwaye, oyo kaabha asigire eriikirisya, ka wone, ni mubhiibhi okukira unu atari mwikirisya.

2 Timoteo 4:3

Okubha guriija omwanya gunu abhaanu bharibhaga bhatakutegeresya ameeyigisyo ga echimari. Bharyenda okutegeresya ganu agabhakondisya era na okusora abheeyigisya bha okubheeyigisya ganu abheenda okuungwa.

Tiito 1:11

Abho abhasingaarisya eriikirisya rya abhaanu mu‑misi myafu. Abheeyigisya emisango jinu jiteeyire, korereki bheebhonere jipirya ku‑njira imbiibhi eyo.

Tiito 3:10

Omuunu woonewoone unu kaakora abhaanu bhaawukane, nuumugonye orwa okwamba na orwa kabhiri. Ukamara okukora kutyo, araabha atakukuungwa, sigana nage chimwi.

Baeburania 10:29

Mbe woori mwiganirisye! Ebhitiibha bhiribha kutiki ku‑muunu unu kaagaya Omwana wa Nyamuwanga na okurora isagama ya indagano inu ꞉yaamwesiisye noorwo ebhibhiibhi bhyaye ati chitari chiinu cha obhugajuro? Angu, ebhitiibha bhiribha kutiki ku‑muunu oyo, nikwo okwayika ati, unu keeyimirisya Mwoyo Mweru wa obhwitiriranya?

1 Petero 1:8

Emwe muchaariga okumurora, nawe mumwendere. Ka wone, noorwo kutyo mutakumurora woori, nawe omumwikirisya. Kurwa ejo, omukonderwa rikonderwa rinu ritakwayikwa na rinu riijuuye rikusyo,

2 Petero 2:3

Mu‑kurigira kwebhwe kwa ebhiinu, bharibha nibhabhabhwira jingani ja orubheeyi, korereki bhabhone chinu abheenda okutura kw‑imwe. Nawe okusookerera kara, indamu yeebhwe yeerabhirwe na chimari bharisingaarisibhwa!

1 Yoana 2:26

Nibhakaamiiye emisango ejo, korereki okubhakengya inguru ya abhaanu bhanu abharegeeja okubhayabhya.

1 Yoana 4:1

Abheendwa bhaani mu‑riikirisya, musige okwikirisya bhuri muunu unu kaayika ati, ari na Mwoyo wa Nyamuwanga. Tari mutatirisye kisikisi korereki mumenye chimari araabha omuunu oyo, kaatangasibhwa na Mwoyo wa Nyamuwanga. Mukore kutyo, kwa okubha abharagi abhaafu bha orubheeyi bheebhukire mu‑chaaro munu.

Yuuda 1:18

Bhaabhabhwiraga ati, “Mu‑siku ja obhuteero bhariibhuka abhaanu abha okusiijaaka, bhanu bhariruubhaga okurigira kwebhwe okubhiibhi.”

Yuuda 1:4

Enibhakaamira inyarubha inu, kwa okubha bhari‑wo abheeyigisya abharebhe bha orubheeyi bhanu bheeyingisiisye mw‑imwe bhumbise. Abhaanu abho, bhatakugayuka Nyamuwanga. Mu‑meeyigisyo gwebhwe, abhayindura obhwitiriranya bhwa Nyamuwanga weeswe, abhakora bhubhe rwa isonga ya okukora emisango ja orukubho. Ka wone, abheegaana Raatabhugenyi weeswe Yeesu Kirisito, omutangasya weeswe omukuru. Nawe okwambira kara jikaamirwe mu‑Bhikaame Ebhyeru ati, abhaanu abho, bhariramurwa rwa kutyo abhandi ꞉bhaaramuuywe.

Obhusweruro 13:14

Ku‑bhibharikisyo bhinu ꞉ryayaaywe okukora imbere ya rityanyi rya okwamba rirya, nirijiga abhaanu bha ku‑chaaro anu. Niribhwira abhaanu bhabhaaje risusano rya okuyaana echibharo rityanyi rya okwamba, rinu ꞉ryawutasiibhwe kwa imbanda, nawe niriwora, nirigenderera okwikara.

Obhusweruro 2:13

Anye enimenya ati, mwikaaye anu Syetaani atungire. Nawe omugenderera okwikirisya risiina ryani. Noorwo omwanya gurya omubhambaasi waani omwiyikanyibhwa Atipaasi, ꞉eetiiywe mu‑musi gwemwe gwa Perigaamo anu Syetaani eekaaye, ꞉mutaanyigaanire wuri.

Obhusweruro 2:9

Enimenya ebhinyaasyo bhyemwe na obhutaka bhwemwe. Nawe chimari emwe muri bhaniibhi! Ka wone, enimenya amafumo ganu omufumwa. Amafumo ago agasoosibhwa na bhanu abheetoga ati, ni bhaana bha Nyamuwanga, nawe bhatari abhaana bha Nyamuwanga, abheene ni bharuubhirisya bha Syetaani.

Obhusweruro 3:8

Enimenya ebhikorwa bhyemwe. Mutegeresye! Anye naabheegurira orwigi na atari‑wo omuunu unu kaatura okurwigara. Enimenya ati muri na amanaga amatooto, nawe mugwatire ameeyigisyo gaani, noorwo ꞉muteegaanire risiina ryani.

Obhusweruro 5:9

Nibheembira Omwana wa Inaama orwimbo oruyaaya runu rwayikaga ati, “Awe wiiyire okuramira echitabho echo na okusuruumura jimboyero jaacho ja obhurimbo. Okubha awe ꞉waatemerwe omutwe na ku‑sagama yaawo, nuugurira Nyamuwanga abhaanu bha jingʼanda joone, jinyaayika joone, jinyaami joone na abha amaanga goone.

Obhusweruro 6:10

Niwo, nibhaamura obhuraka nibharira, nibhaayika ati, “Raatabhugenyi awe, Nyamuwanga owa obhuturo bhwone, unu uri mweru na owa echimari, mbawo owukoora! Uriramura ri abhaanu bha ku‑chaaro na okuchisubhisya orusiima ku‑bhanu ꞉bhaachiitire?”