2 Petero 1:4 - Indagano Inyaaya mu-Chijita

⁴ Kw‑ijo, achiyaaye ebhiyaanwa ebhinene bhya obhurambu, bhinu ꞉aachiragire. Ebhiyaanwa ebhyo, ebhireterera chisige obhunyamuke bhunu bhuri ku‑chaaro ku‑songa ya okurigira okubhiibhi. Ka wone ebhireterera chisangire obhusimukwa bhwa Nyamuwanga.

INDAGANO INYA:YA

⁴ Kwibyo cayabirwe emirago jo bugusi burambu ne minene muno, korereki kurwebyo musangire obusimuka bwa Nyamuanga, wejire mwamara okuona mu bunyamuke bunu buri mu ca:ro kurwo kurigira.

2 Petero 1:4 Iomraidhean Croise

Barumi 9:4

Abho nibho Abhayisirayeeri, abhaanu bhanu Nyamuwanga ꞉aasorere bhabhe abhaana bhaaye, ꞉aabheeresiisye rikusyo ryaye na ꞉aakorere jindagano nabho. Ka wone ꞉aabhayaaye ebhiraagiro bhyaye, aamwi na emirago jaaye, na ꞉aabharagiriiye kutyo jeenderwe bhamuramye.

2 Bakorinto 1:20

Nikwo kutyo jiri, kwa okubha joone jinu Nyamuwanga ꞉aaragire, jaakuumira ku‑Yeesu Kirisito. Nikwo okukora okutura ku‑mwene, echaayika ati, “Jibhe kutyo,” inguru ya okukusya Nyamuwanga.

2 Bakorinto 3:18

Mbe, eswe bhoone bhanu chitakuswikira obhusu kwa echitambaara, echeeresya rikusyo rya Raatabhugenyi rwa kutyo rirore eryeresya orususo. Echiyindurwa, korereki chisusane nage, okusooka mw‑ikusyo okuja mw‑ikusyo ryafu muno. Rikusyo eryo erisooka ku‑Raatabhugenyi, omwene oyo niwe Mwoyo.

2 Bakorinto 6:17

Kurwa ejo, Raatabhugenyi wone ꞉aayikire ati, “Musooke agati yeebhwe, mwawukane nabho. Mwasiga okukuunʼya echiinu echijabhi, niwo anye niribharamira.”

Bagalatia 3:16

Mbe Nyamuwanga ꞉aasoosiisye emirago ku‑Bhurayimu saaja weeswe, aamwi na ku‑mwibhurwa waaye. Ebhikaame Ebhyeru bhitakwayika ati, “Na ku‑bheebhurwa bhaaye,” obhugajuro bhwabhyo ni ati bhatari bhaafu, tari bhyayika ati, “Na omwibhurwa waaye,” obhugajuro bhwabhyo ni ati ni umwi, niwe Kirisito.

Bagalatia 6:8

Mbe, omuunu unu kaatangasibhwa na okurigira kwa omubhiri, niwe arigesa okusingaarisibhwa kwa okurigira okwo. Nawe unu kaatangasibhwa na Mwoyo Mweru, arigesa obhuwanga bhwa akajaanende koone okusooka ku‑Mwoyo oyo.

Baefeso 4:13

Obhukosi obhwo, bhurigenderera okukingira eswe bhoone, chigwatanyibhwe mu‑riikirisya ryeswe na okusombookerwa kisi Omwana wa Nyamuwanga. Niwo chirirumatana na chirikuumira na okubha rwa kutyo Kirisito ari.

Bakolosai 3:10

na mufwaye bhumuunu obhuyaaya. Nyamuwanga omwene niwe ꞉aabhumbire bhumuunu obhuyaaya obhwo na kaagenderera okubhukora bhususane nage kata, korereki mumusombookerwe kisi.

Baeburania 12:10

Bharaata ꞉bhaachiyaaye ebhitiibha emiguuga mitooto, rwa kutyo abheene bhaaroraga ati ni kisi. Nawe Nyamuwanga kaachiyaana ebhitiibha inguru yeeswe abheene, korereki chibhe aamwi nage mu‑bhweru bhwaye.

Baeburania 9:15

Ku‑songa eyo, Kirisito niwe kaagwatanya abhaanu na Nyamuwanga mu‑ndagano inyaaya, korereki abhaanu bhanu Nyamuwanga aawuuwe, bhabhone obhuwanga bhwa kajaanende koone bhunu ꞉aaragire okubhayaana. Ejo ejitura okukorekana kutyo kwa okubha Kirisito ꞉aafuuwe korereki eerure abhaanu okusooka mu‑bhibhiibhi bhinu bhaariga nibhakora omwanya gwa indagano ya kara.

Yakobo 1:27

Okuramya kunu okukondera Raata Nyamuwanga weeswe, kunu kutari‑ko esoro ni okusakira abhaana bhanu bhafwiriiywe abheebhusi bheebhwe na abhatumbagasi mu‑nyaako jeebhwe na okwiyangarira omwene, korereki asige okunyamurwa na ebhibhiibhi bhya echaaro chinu.

2 Petero 1:1

Inyarubha inu niikaamire anye Simooni Peetero, omukosi na itumwa ya Yeesu Kirisito. Enikaamira emwe bhanu muyaaywe eriikirisya riryarirya rya obhurambu rinu eswe wone chibhwene, okutura rirenga rya Nyamuwanga na Omuchungusi weeswe Yeesu Kirisito.

2 Petero 3:13

Nawe eswe echirindirira orutumba oruyaaya na echaaro echiyaaya rwa kutyo ꞉aachiragire, omwo nimwo abharengeresi bhariikara akajaanende koone.

2 Petero 3:9

Abhaanu abhandi abheetogera ati Raatabhugenyi kaakoora okukuumisya jinu ꞉aaragire, nawe atakukoora. Tari omwene keegumiirisya ku‑songa yeemwe, okubha atakwenda omuunu noorwo umwi abhure. Chinu keenda ni ati bhoone bhate ebhibhiibhi bhyebhwe.

1 Yoana 2:25

Kutyo echiramira obhuwanga bhwa akajaanende koone bhunu ꞉aachiragire.

1 Yoana 3:2

Abheendwa bhaani mu‑riikirisya, echimenya ati ku‑mwanya gunu chiri bhaana bha Nyamuwanga, noorwo kutyo jichaari okumenyekana abhwerubhweru kutyo chirisusa. Tari chimenyere ati, omwanya gunu Kirisito arisubha rindi, chirisusana nage, kwa okubha chirimurora kutyo ari.