2 Petero 1:1 - Indagano Inyaaya mu-Chijita

¹ Inyarubha inu niikaamire anye Simooni Peetero, omukosi na itumwa ya Yeesu Kirisito. Enikaamira emwe bhanu muyaaywe eriikirisya riryarirya rya obhurambu rinu eswe wone chibhwene, okutura rirenga rya Nyamuwanga na Omuchungusi weeswe Yeesu Kirisito.

INDAGANO INYA:YA

¹ Anye Simoni Petero, unu ndi mugaya na intumwa ya Yesu Kristo, enandikira banu babwene okwikirisya kwo bugusi burambu aamwi neswe mu bure-nge:resi bwa Nyamuanga no Mukisya weswe, niwe Yesu Kristo.

2 Petero 1:1 Iomraidhean Croise

Matayo 10:2

Amasiina ga jitumwa ekumi na bhabhiri abho, nigo ganu, Wa okwamba ni Simooni unu aatogwaga Peetero na Andereya owaabho, Yakobho na Yowana abhamura bha Jebhedaayo,

Matayo 4:18

Omwanya gunu Yeesu aaribhataga ku‑njekekera ya inyanja ya Gariraaya, ˆnaarora abhakokoosi bhabhiri, Simooni unu aatogwaga Peetero na Andereya omumura waabho. Abhakokoosi abho bhaariga nibheesa rigoobhe mu‑nyanja korereki bhatege jiiswi.

Ruuka 1:47

na omwoyo gwani, ogukondererwa Nyamuwanga, Omuchungusi waani.

Ruuka 11:49

“Nikwo okukora Nyamuwanga ꞉aayikire ku‑bhwengeeso bhwaye ati, ‘Enibhatumira abharagi bha Nyamuwanga na jitumwa. Nawe abhandi bhariitwa, na abhandi bharinyaasibhwa.’

Yowana 1:42

Niwo Andereya ˆnaasira Simooni ku‑Yeesu. Yeesu ˆnaaringira Simooni, ˆnaamubhwira ati, “Awe naawe Simooni, omwana wa Yowana. Nawe okwambira woori, risiina ryawo eribha Keefa.” Risiina eryo mu‑Chiyunaani ni Peetero, obhugajuro bhwaryo ni “Rutare.”

Yowana 12:26

Omuunu woonewoone unu kaankorera emirimu, jeenderwe anduubhe. Ka wone orubhaara rwonerwone anu anye niri, niwo omukosi waani wone kaja okubha. Raata kaja okuyaana echibharo omuunu woonewoone unu kaankorera emirimu.”

Yowana 20:21

Yeesu ˆnaabhakeesya rindi ati, “Omurembe gubhe aamwi na emwe. Rwa kutyo Raata ꞉aantumire, nyabhuriko anye wone enibhatuma.”

Ebikorwa 15:14

Simiyooni aachibhwira kutyo Nyamuwanga ꞉aanyaakiriiye bhanu bhatari Bhayawudi korereki aawure abhaanu abharebhe mu‑bheene bhabhe abhaanu bhaaye.

Barumi 1:1

Inyarubha inu, niikaamire anye Pawuro, omukosi wa Kirisito Yeesu. Anye ꞉naabhirikiiywe nibhe itumwa yaaye, na okusorwa na Nyamuwanga nibhega nindaasya Emisango jaaye ja Ekisi.

Barumi 1:12

Chinu eneenda ni ati, eriikirisya ryemwe rindumatanye, na eriikirisya ryani ribharumatanye.

Barumi 1:17

Emisango ja Ekisi ejo, ejeeresya abhwerubhweru kutyo Nyamuwanga kaabhara abhaanu okubha abharengeresi imbere yaaye. Abhaanu abhabharwa okubha abharengeresi imbere ya Nyamuwanga ku‑njira ya eriikirisya era. Rwa kutyo Ebhikaame Ebhyeru ebhyayika ati, “Omuunu unu aribha na obhuwanga, ni unu Nyamuwanga kaabhara ati ni murengeresi ku‑njira ya eriikirisya ryaye.”

1 Bakorinto 1:30

Nyamuwanga niwe abhagwatanyiisye emwe na Kirisito Yeesu. Omwene akorere Kirisito okubha obhwengeeso bhweswe. Nikwo okwayika ati okutura ku‑Yeesu chaabha abharengeresi imbere ya Nyamuwanga, chaabha abheeru, ka wone cheeruuywe.

1 Bakorinto 15:9

Anye niri mutooto okukira jitumwa joone, niteeyire noorwo okubhirikirwa itumwa, kwa okubha ꞉naanyaasiisye abheekirisya bha Nyamuwanga.

1 Bakorinto 9:1

Woori, anye nitari mwitaage? Anye nitari tumwa? Anye ꞉nitaarorere Raatabhugenyi weeswe Yeesu? Ka wone emirimu jinu anye ꞉naakorere jitari nijo jinu jikorere emwe mwikirisye Raatabhugenyi?

2 Bakorinto 4:13

Jikaamirwe mu‑Bhikaame Ebhyeru ati, “꞉Neekirisiisye Nyamuwanga, nikwo okukora ꞉naayikire.” Nyabhuriko, eswe wone chiri na omwoyo ogwoogwo gwa eriikirisya, nikwo okukora echaayika.

2 Bakorinto 5:21

Kirisito aariga atari na echibhiibhi choonechoone, nawe Nyamuwanga ꞉aamubharire rwa owa ebhibhiibhi inguru yeeswe, korereki eswe chibharwe okubha abharengeresi imbere ya Nyamuwanga okutura ku‑Kirisito.

Bagalatia 2:8

Nyamuwanga unu ayaaye Peetero obhuturo bhwa okubha itumwa yaaye ku‑Bhayawudi, niwe oyooyo ꞉aanaaye obhuturo bhwa okubha itumwa yaaye ku‑bhanu bhatari Bhayawudi.

Baefeso 3:5

Nyamuwanga ꞉ataasweruuye obhutinge bhwa imbisike eyo, ku‑mayimbo agandi ganu gaayitingʼene, nawe woori ku‑njira ya Mwoyo Mweru asweruriiye jitumwa na abharagi bhaaye abheeru.

Baefeso 4:11

Omwene niwe ꞉aawuuwe abhaanu abhandi okubha jitumwa, abhandi abharagi, abhandi abharaasya, abhandi abhareefi na abheeyigisya.

Baefeso 4:5

Ari‑wo Raatabhugenyi umwi era, eriikirisya ryeswe ni rimwi na obhubhatiijo bhweswe ni bhumwi.

Bafilipi 1:1

Inyarubha inu, niikaamire anye Pawuro, niri aamwi na Timoteewo, omukosi weejaasu wa Kirisito Yeesu. Echikaamira abhaangarisi na abhasakisi bha rikanisa, na emwe abheeru bhoone bha Nyamuwanga Firiipi eyo, bhanu muri na obhumwi na Kirisito Yeesu.

Bafilipi 1:29

Okubha mutayaaywe echibharo cha okwikirisya Kirisito era, tari muyaaywe wone echibharo cha okunyaasibhwa ku‑songa yaaye.

Bafilipi 3:9

ka wone nibhe na obhumwi nage. Nitakwiyikanya rindi obhurengeresi bhunu obhusooka mu‑kugayuka ebhiraagiro, tari obhurengeresi bhunu obhusooka mu‑kwikirisya Kirisito. Obhwo nibhwo obhurengeresi bhunu Nyamuwanga kaayaana bhanu abheekirisya Kirisito.

2 Timoteo 1:5

Ka wone, eniichuka eriikirisya ryawo rya echimari. Eriikirisya eryo, aariga ari naryo kaka waanyu Royisi na nyakomwana Yewuniki. Woori, niri na obhwiyikanyo ati awe wone uri naryo.

Tiito 1:1

Inyarubha inu, niikaamire anye Pawuro, omukosi wa Nyamuwanga na itumwa ya Yeesu Kirisito. Nitumirwe okusimbiisya abhaanu bhanu Nyamuwanga asorere, korereki bhabhe na eriikirisya enene na bhamenye ameeyigisyo ga echimari inguru ya Kirisito. Ameeyigisyo ago, garibhakora okurama rwa kutyo Nyamuwanga keenda.

Tiito 1:4

Enikukaamira awe Tiito, omwana waani wa echimari mu‑riikirisya rinu echisangira aamwi. Obhwitiriranya na omurembe okusooka ku‑Raata Nyamuwanga na ku‑Kirisito Yeesu Omuchungusi weeswe, bhibhe aamwi na awe.

Tiito 2:13

Eswe, echirindirira chiiyikanyisye inguru ya orusuku rwa okuruguusya runu Yeesu Kirisito arisubha ari mw‑ikusyo ryaye. Omwene niwe Nyamuwanga omukuru na Omuchungusi weeswe.

Yakobo 1:1

Inyarubha inu niikaamire anye Yakobho, omukosi wa Nyamuwanga na owa Raatabhugenyi Yeesu Kirisito. Enikaamira emwe jingʼanda ekumi na ebhiri, jinu jinyarambukire na okuja okwikara mu‑bhyaro bhyafubhyafu. Enibhakeesya!

1 Petero 1:1

Inyarubha inu niikaamire anye Peetero, itumwa ya Yeesu Kirisito. Enikaamira emwe abhaanu bhanu musorerwe na Nyamuwanga, bhanu munyarageene rwa abhagenyi mu‑mikoowa ja Pooto, Garaatiya, Kapadookiya, Asiya na Bhitiniya.

1 Petero 1:7

Amaregeejo ago, agaregeeja eriikirisya ryemwe, korereki ribhonekane ati ni rya echimari. Noorwo inaaryo, inu eyitura okusingaarika, eyochiibhwa mu‑muriro korereki wone iregeejibhwe. Nyabhuriko, eriikirisya ryemwe rinu riri na obhurambu obhunene okukira inaaryo, ni bhusibhusi wone riregeejibhwe, ribhonekane ati ni rya echimari. Awo niwo, Yeesu Kirisito aribhakuuya, aribhayaana rikusyo na echibharo, orusuku runu ariswerurwa.

1 Petero 2:7

Kw‑imwe bhanu omwikirisya ribhuyi eryo, ni rya obhurambu bhunene. Nawe, ku‑bhanu bhatakwikirisya, “Ribhuyi rinu abhoombaki ꞉bhaaremere, niryo ryabha ribhuyi rinene rya orufuka.”

1 Petero 5:1

Woori, enaayika na emwe abhakaruka bha rikanisa. Anye niri omukaruka oweejaanyu, unu ꞉neeroreeye omwene kutyo Kirisito ꞉aanyaasiibhwe. Ka wone, anye niri omusangisi oweejaanyu wa rikusyo rinu riri yeeyi okuswerurwa. Kurwa ejo, enibheerembeeresya emwe,

2 Petero 1:4

Kw‑ijo, achiyaaye ebhiyaanwa ebhinene bhya obhurambu, bhinu ꞉aachiragire. Ebhiyaanwa ebhyo, ebhireterera chisige obhunyamuke bhunu bhuri ku‑chaaro ku‑songa ya okurigira okubhiibhi. Ka wone ebhireterera chisangire obhusimukwa bhwa Nyamuwanga.

Yuuda 1:1

Inyarubha inu, niikaamire anye Yuuda. Anye, niri mukosi wa Yeesu Kirisito, ka wone, niri mumura waabho Yakobho. Enikaamira emwe abhaanu bhanu mubhirikiiywe na Raata Nyamuwanga. Omwene kaabheenda, na kaabhaangarira kisi okukingira anu Yeesu Kirisito ariijira.