2 Bakorinto 7:7 - Indagano Inyaaya mu-Chijita

⁷ Jitari ati, ꞉chaafungʼamiibhwe mu‑kuuja kwa Tiito era, tari ꞉chaafungʼamiibhwe noorwo okuruubhana na kutyo ꞉mwamufungʼamiisye. ꞉Aachibhwiriiye kutyo omwigomba okundora, kutyo omusurumbara na okunnyaakirira. Ejo jaankora nikonderwe muno.

INDAGANO INYA:YA

⁷ Amwi tari kurwo ku:ja kwae era, nawe kurwo kusi:ri:sibwa kunu asi:ri:sibwe mwimwe, ejire acibwira ebyo kukumbura kwemwe, no kurira kwemwe, no kukome:ra kwemwe kubwani, ndijei ninongesya okukonderwa.

2 Bakorinto 7:7 Iomraidhean Croise

Matayo 26:75

Niwo Peetero ˆneechuka emisango jinu Yeesu ꞉aamubhwiriiye ati, “Rikookorome richaari okukookoroma, owubha waanyigaanire kasatu.” Niwo, ˆnaawuruka anja, ˆnaamba okurira kwa obhusurumbaaye muno.

Matayo 5:4

Bhari na ribhando bhanu abhasurumbara woori, kwa okubha Nyamuwanga aribhasimbiisya.

Ruuka 22:44

Yeesu omwanya gunu aariga achaari na obhusurumbaaye bhwafu, ˆnaagenderera okusabhwa Nyamuwanga. Amooyiro nigamwitururuka, nigatonyikaga aasi rwa amatonyinga ga isagama.]

Ebikorwa 11:23

Bharinaabha ejire aakinga eyo, ˆnaarora kutyo Nyamuwanga ꞉aayaaye abhaanu abho obhwitiriranya bhwaye. ˆNaakondererwa muno, ˆnaabhakomeeresya ati bhagenderere okugayuka Raatabhugenyi Yeesu mu‑myoyo jeebhwe.

Barumi 1:12

Chinu eneenda ni ati, eriikirisya ryemwe rindumatanye, na eriikirisya ryani ribharumatanye.

1 Bakorinto 5:2

Kurwa ki emwe omwikuuya? Ni akiri mukasurumbaaye na okusoosya agati yeemwe omuunu unu kaakora ejo!

2 Bakorinto 1:14

noorwo kutyo woori, omuchisombookerwa kutooto era. Omuja okuchisombookerwa abhwerubhweru ati, orusuku runu Raatabhugenyi weeswe Yeesu arisubha, emwe murikuuya inguru yeeswe, rwa kutyo eswe wone echikuuya inguru yeemwe.

2 Bakorinto 1:4

Omwene kaachifungʼamya mu‑bhinyaasyo bhyeswe bhyone, korereki eswe wone chiture okufungʼamya abhandi bhanu bhari mu‑bhinyaasyo bhya bhuri mbaga, rwa kutyo eswe echifungʼamibhwa na Nyamuwanga.

2 Bakorinto 2:9

Omusango ogundi gunu ꞉gwakorere nimbakaamira inyarubha irya, gwariga guri kubharegeeja, korereki nimenye araabha mwakangayukire mu‑joone.

2 Bakorinto 5:2

Mu‑nju jeeswe ja woori echaasibhwa, kurwa ejo, echiigomba muno okuyaanwa jinju jeeswe jinyaaya, nikwo okwayika ati okufwafibhwa emibhiri jeeswe emiyaaya jinu ejisooka mu‑rwire.

2 Bakorinto 7:6

Nawe Nyamuwanga unu kaafungʼamya abha obhusurumbaaye, ꞉aachifungʼamiisye mu‑kuuja kwa Tiito.

2 Bakorinto 7:8

Noorwo kutyo inyarubha inu ꞉naabhakaamiiye ꞉yaabhasurumbasiisye, nitakurora ati ꞉naakorere kubhiibhi. Ni chimari ati, ku‑bhwambiro ꞉naarorere ati ꞉naakorere kubhiibhi, kwa okubha nimenyere ati inyarubha eyo ꞉yaabhasurumbasiisye, kasinjeeke era.

2 Bakorinto 8:16

Enisiima Nyamuwanga unu ayaaye Tiito omwoyo gwa okubhasakira, rwa gunu anye wone niri nagwo.

Bafilipi 1:20

Enirindirira kwa obhwira bhunene na okwiyikanya ati, nitariiswasibhwa ku‑njira yooneyoone irya. Woori rwa kutyo jaariga jiri siku joone, nirigenderera okubha na ribhaasi nene korereki Kirisito akusibhwe ku‑joone jinu enikora, nibhe niri muwanga amwi niniitwa.

Bakolosai 2:5

Enaayika ejo noorwo kutyo nitari aamwi na emwe echinyamubhiri, nawe niri aamwi na emwe echinyamwoyo. Enikonderwa, kwa okubha enuungwa inguru ya obhumwi bhwemwe na okurumatana kwa eriikirisya ryemwe ku‑Kirisito.

1 Batesalonika 3:6

Woori, Timoteewo aasubhire okusooka kw‑imwe, aachibhwira emisango ja ekisi inguru ya eriikirisya ryemwe na eryenda ryemwe. Ka wone aachibhwira ati, omuchiichuka muno bhuri rusuku, muri na obhwira muno mubhugane na eswe, rwa kutyo eswe wone chiri na obhwira bhwa okubhugana na emwe.

1 Batesalonika 3:8

Woori, emyoyo jeeswe ejikonderwa muno, kwa okubha emwe omugenderera okurumatana ku‑Raatabhugenyi Yeesu.

Baeburania 2:1

Kurwa ejo, cheenderwe chiyangarire ku‑misango jinu choonguuwe, korereki chaasiga okujisiga.

Yakobo 5:17

Omuragi Yeeriya, aariga ari muunu rwa eswe. ꞉Aasabhirwe muno ingʼubha isige okugwa na niisiga okugwa ku‑chaaro cha Yisirayeeri miguuga esatu na ameesi gataanu na kumwi.

2 Yoana 1:4

꞉Naakondeeywe muno nejire naarora abhaana bhaawo abharebhe nibharuubha echimari, rwa kutyo Raata Nyamuwanga ꞉aachiragiriiye.

Yuuda 1:3

Abheendwa bhaani, neegombaga muno okubhakaamira inguru ya obhuchungusi bhunu echisangira aamwi bhoone. Nawe, woori enirora ati, ni bhusibhusi nibhakaamire inyarubha inu, korereki nibheerembeeresye ati, murwanirire echimari cha eriikirisya rinu Nyamuwanga ꞉aayaaye abheeru bhaaye rumwi era.