2 Bakorinto 5:1 - Indagano Inyaaya mu-Chijita

¹ Emibhiri jeeswe ja ku‑chaaro anu, jiri rwa ebhiwuuna. Nawe chimenyere ati, bhikakambuka, Nyamuwanga arichiyaana jinju ja akajaanende mu‑rwire jinu jitakumbakwa na abhaanu.

INDAGANO INYA:YA

¹ Okuba cimenyere ati, inyumba yeswe eya mu:si, eya riuna rinu, ikakamburwa, mbe ciri na inu yombakirwe eiso:ka ku Nyamuanga, niyo inyumba inu bakorerwe na maboko, niyo eya kajanende mu rwire.

2 Bakorinto 5:1 Iomraidhean Croise

Mariko 14:58

“Eswe abheene ꞉choonguuwe omuunu unu ˆnaayikaga ati, ‘Anye nirifumya Riyekaru rya Nyamuwanga rinu ꞉ryombakirwe na abhaanu. Ka wone, niriryumbaka rindi mu‑siku esatu era, eryo ritaryumbakwa na abhaanu.’”

Ebikorwa 7:48

“Noorwo kutyo, Nyamuwanga unu ari Inguru ya Bhyone ni mukuru, atakwikara mu‑nju jinu ejuumbakwa na amabhoko ga abhaanu. Rwa kutyo omuragi ꞉aayikire ati,

1 Bakorinto 3:9

Enaayika kutyo kwa okubha emirimu jinu anye na Apooro echikora ni ja Nyamuwanga, keemwe muri sambu ryaye, ka wone muri inju yaaye.

2 Bakorinto 4:7

Nawe eswe bhanu chiri na echibhiikwa echo, chiri rwa ebhiinu bhya rimoga era, korereki imenyekane abhwerubhweru ati, amanaga amaafu ga okukora emirimu ejo, agasooka ku‑Nyamuwanga, na kutari kw‑iswe.

2 Bakorinto 5:4

Omwanya gunu chichaari mu‑bhiwuuna bhyeswe, echaasibhwa kwa okubha emisango myafu ejichisitoyera. Jitari ati echeenda okufuura emibhiri jinu ejifwa, tari ati echeenda okufwafibhwa emibhiri jinu jitakufwa, korereki jimire emibhiri jinu ejifwa.

Bakolosai 2:11

Omwanya gunu ꞉mwabheeye na obhumwi na Kirisito, omwene ꞉aabhatendere, nikwo okwayika ati, ꞉aabhafuurire bhumuunu bhwemwe bhwa ebhibhiibhi. Okutenda okwo ꞉kutaakorerwe kwa amabhoko ga abhaanu, tari ku‑njira yaaye omwene.

2 Timoteo 1:12

Anye eninyaaka inguru ya ejo. Nawe nitakwiswara, okubha enimumenya unu niikirisiisye. Ka wone enimenya ati, echimari chinu ꞉aanaaye, kaachibhiika kisi okukingira orusuku rwa okusubha kwaye.

Baeburania 11:10

Bhurayimu ꞉aakorere kutyo, kwa okubha aariga ˆneeyikanya okwikara mu‑musi gwa ekisi gwa akajaanende koone, omusi gunu Nyamuwanga omwene ꞉aagwiraabhire na okuguumbaka.

Baeburania 9:11

Kirisito ꞉eejire, korereki abhe Omugabhisi Omukuru wa obhutinge obhuyaaya bhunu bhwachireetera emisango ja ekisi. Omwene niwe kaakora emirimu mw‑iyeema erindi rinu riri rya ekisi muno, ka wone rikuumiiye okukira rya okwamba rirya. Riyeema eryo ꞉ritoombakirwe na omuunu, obhugajuro bhwago ni ati, riyeema eryo ritari rya ku‑chaaro kunu.

Baeburania 9:24

Kirisito ꞉ateengiiye Ayeeru a Ayeeru anu oombakirwe na omuunu. Orubhaara orwo ni chijekekanyo cha orubhaara rwa echimari runu ruri mu‑rwire. Tari omwene ꞉eengiiye mu‑rwire orwene. Eyo niyo kaachisabhirwa woori imbere ya Nyamuwanga.

1 Petero 1:4

Woori echirindirira okwanjura amabhando ganu Nyamuwanga abhiikiiye abhaana bhaaye mu‑rwire. Amabhando ago, gatakutura okubhora, okunyamuka, noorwo okuwotoka.

2 Petero 3:11

Mbe, kwa okubha ebhiinu bhyone bhirisingaarisibhwa ku‑njira eyo, angu, emwe mwenderwe okubha abhaanu bha jitungwa ki mu‑chaaro chinu? Mwenderwe okwikara mu‑bhweru na okuyaana echibharo Nyamuwanga,

1 Yoana 3:14

Eswe chimenyere ati chaasookere mu‑managa ga orufu na woori chiri na obhuwanga bhwa akajaanende koone. Echimenya kutyo, kwa okubha woori echeenda abheejaasu. Omuunu woonewoone unu atakwenda abheejaabho, oyo chimari achaari mu‑managa ga orufu.

1 Yoana 3:19

Araabha chikeendana kutyo, niwo echimenya ati, chiri bhaana bha echimari bha Nyamuwanga. Ka wone, emyoyo jeeswe ejifuungʼama imbere yaaye.

1 Yoana 3:2

Abheendwa bhaani mu‑riikirisya, echimenya ati ku‑mwanya gunu chiri bhaana bha Nyamuwanga, noorwo kutyo jichaari okumenyekana abhwerubhweru kutyo chirisusa. Tari chimenyere ati, omwanya gunu Kirisito arisubha rindi, chirisusana nage, kwa okubha chirimurora kutyo ari.