2 Bakorinto 4:2 - Indagano Inyaaya mu-Chijita

² Chiremere kata okukora emisango ja imbisike na eja jiswaro. Chitakujiga abhaanu, noorwo chitakusaasya omusango gwa Nyamuwanga na orubheeyi. Tari, echiimenyegesya mu‑kwayika echimari abhwerubhweru, korereki abhaanu bhoone bhamenye mu‑mitima jeebhwe ati, eswe chiri bhaanu bha echimari imbere ya Nyamuwanga.

INDAGANO INYA:YA

² Nawe ciraremere ebyo bumbise ebya maswaro, amwi citakuribata mu burigerige, amwi citakwikotya musango gwa Nyamuanga. Nawe eci:kuya eswe abe:ne ku mitima ja ba:nu bo:ne imbere ya Nyamuanga, nice:resya ebye cimari.

2 Bakorinto 4:2 Iomraidhean Croise

Barumi 1:16

Anye nitakwiswara okuraasya Emisango ja Ekisi ejo, kwa okubha nijo obhuturo bhwa Nyamuwanga bhwa okuchungura abhaanu bhoone bhanu abheekirisya Yeesu, okwambira Abhayawudi okukingira abhaanu bhanu bhatari Bhayawudi.

Barumi 6:21

Nawe angu, ꞉mwabhwene omuriiro ki okuruubhana na ebhikorwa bhyemwe ebhijabhi, bhinu woori ebhireterera murore jiswaro? Gutari‑mo omuriiro gwonegwone! Emisango ejo ejireeta orufu rwa akajaanende koone.

1 Bakorinto 4:5

Woori, mwasiga okuramura abhaanu omwanya guchaari kukinga, rindirira okukingira orusuku runu Raatabhugenyi Yeesu ariija. Omwene niwe arituura abhweru ebhiinu bhyone bhinu bhibhisirwe mu‑chisuute na okweresya bhinu bhiri mu‑myoyo ja abhaanu. Niwo bhuri muunu aribhona jikuma jinu jimwiyire, okusooka ku‑Nyamuwanga.

2 Bakorinto 1:12

Mbe, eswe echiikuuya ku‑musango gumwi. Emitima jeeswe ejichibhambaarira ati, chiikaaye kwa obhurengeresi na okwa obhwiyikanyibhwa bhunu obhusooka ku‑Nyamuwanga. ꞉Chitaakorere kutyo okuruubhana na obhwengeeso bhwa echinyamuunu, tari ku‑bhwitiriranya bhwa Nyamuwanga. Nikwo kutyo chiikaaye ku‑chaaro anu, na chimwichimwi mu‑bhungwani bhweswe na emwe.

2 Bakorinto 11:3

Nawe woori enuubhaya ati, rwa kutyo Aawa ꞉aajigirwe na injoka irya indigendige, na emwe wone mwasiga okujigwa, nimusiga okwenda Kirisito mu‑bhwiyikanyibhwa na omutima omweru.

2 Bakorinto 11:6

Noorwo kutyo ejibhonekana ati anye nitakumenya okwayika kisi, obhumenyi bhwani ni bhunene. Ogwo ꞉chaagweresiisye kw‑imwe ku‑mwanya gwone na ku‑njira joone.

2 Bakorinto 2:17

Eswe chitari rwa abhaanu abhandi abhaafu, bhanu abharaasya omusango gwa Nyamuwanga kwa okugusuruja, korereki bheebhonere‑mo omuriiro. Tari eswe, ku‑managa ga Kirisito, echiraasya omusango gwa Nyamuwanga kwa obhwiyikanyibhwa bhwone imbere ya Nyamuwanga, kwa okubha omwene niwe ꞉aachitumire.

2 Bakorinto 5:11

Woori, kwa okubha chimenyere okuyaana Raatabhugenyi echibharo, echiikomeesya okukongya abhaanu, korereki bhamwikirisye. Nyamuwanga kaamenya kisi kutyo chiri, anye eniiyikanya ati emwe omuchisombookerwa kisi mu‑mitima jeemwe.

2 Bakorinto 6:8

Eswe echikorera emirimu Nyamuwanga, kwa okuyaanwa echibharo amwi okugaywa, kwa okukuuywa amwi okwayikwa kubhiibhi na abhaanu. Echibhonekana wuti chiri bhabheeyi, nawe echaayika echimari.

2 Bakorinto 7:14

Okubha jikabheeye ati, ꞉naabhakuuyiisye muno imbere yaaye ku‑musango gwonegwone, ꞉nitaaswasiibhwe. Joone jinu chaariga nichibhabhwira jaariga jiri ja chimari. Nyabhuriko, jinu ꞉chaabhakuuyiisye imbere ya Tiito, wone jaabhonekana ati ni ja chimari.

Baefeso 4:14

Mbe, chitaribha rindi rwa abhaana abharera, nichiyeemusibhwa na okugegwa enu na eyi na omuyaga gwa ameeyigisyo ga orubheeyi. Ameeyigisyo ago, ageeyigisibhwa mu‑bhurigerige na obhwengeeso bhwa abhaanu, bhanu abheetemeeka ja orubheeyi.

Baefeso 5:12

Okubha ebhikorwa bhinu abhakora mu‑mbisike ni swaro noorwo okubhyayika.