2 Bakorinto 3:5 - Indagano Inyaaya mu-Chijita

⁵ Jitari ati, echiiganirisya ati echitura okukora gwonegwone ku‑bhuturo bhweswe abheene, tari bhuturo bhweswe obhusooka ku‑Nyamuwanga.

INDAGANO INYA:YA

⁵ Tari ati eswe abe:ne:ra ecitura okwiganirisya omusango gwone ati oguso:ka mwiswe abe:ne, nawe okutura kweswe okuso:ka ku Nyamuanga.

2 Bakorinto 3:5 Iomraidhean Croise

Ruuka 21:15

Anye omwene, niribhayaana obhwengeeso, na emisango jinu muryayika, abhasoko bheemwe bhataritura okuyaajana najo, noorwo okujirema.

Ruuka 24:49

“Woori muringire, enibhareetera Mwoyo Mweru rwa kutyo Raata waani aariga aragire. Nawe mwikare mu‑musi munu, okukingira omwanya gunu muriyaanwa obhuturo okusooka inguru mu‑rwire.”

Yowana 15:5

“Anye niri riiti rya rijabhiibhu, emwe muri matabhi. Omuunu unu ari na obhumwi na anye, anye wone enibha na obhumwi nage, oyo aribhaga naatwasya amatwasyo maafu, kwa okubha mukarema okubha na obhumwi na anye, mutakutura okukora gwonegwone.

Barumi 15:18

Anye nitaryayika omusango gwonegwone ogundi, tari era gunu Kirisito ꞉aakorere okutura kw‑anye. ꞉Aakorere abhaanu bhanu bhatari Bhayawudi bhamugayuke, okutura ku‑misango jinu naariga ninaayika na emirimu jinu naariga ninkora.

1 Bakorinto 15:10

Nawe obhwitiriranya bhwa Nyamuwanga nibhwo bhukorere anye okubha itumwa. Obhwitiriranya bhwaye kw‑anye bhwariga bhutari bhwa kutyo era, kwa okubha okutura ku‑bhwitiriranya obhwo, nikorere emirimu okukira jitumwa joone. ꞉Nitaakorere ejo ku‑bhuturo bhwani omwene, tari Nyamuwanga ku‑bhwitiriranya bhwaye niwe ꞉aakorere emirimu aamwi na anye.

1 Bakorinto 3:10

Nyamuwanga ku‑bhwitiriranya bhwaye aansakira okuumbaka orufuka rwa omuumbaki wa ekisi na owa obhwengeeso, na omuunu owundi koombaka inguru ya orufuka orwo. Nawe woori, bhuri muunu aangarire kisi, kutyo koombaka inguru yaarwo,

1 Bakorinto 3:6

Anye ꞉naayambire jimbibho, Apooro ˆnaajiitirira amanji, nawe Nyamuwanga niwe aariga ˆnaamesya na okukusya.

2 Bakorinto 12:9

Nawe omwene ˆnaambwira ati, “Obhwitiriranya bhwani bhukwiyire, kwa okubha amanaga gaani agabhuurisibhwa mu‑bhujorobhoke.” Kurwa ejo, niribhaga niniikuuya kw‑ikonderwa enene inguru ya obhujorobhoke bhwani, korereki amanaga ga Kirisito gabhe aamwi na anye.

2 Bakorinto 2:16

Ku‑bhaanu bhanu abhabhura, orurango orwo ni rubhiibhi, orureeta orufu. Nawe ku‑bhaanu bhanu abhachungurwa, orurango orwo ni rwa kisi, orureeta obhuwanga. Woori, niga unu kaatura okukora emirimu ejo?

2 Bakorinto 4:7

Nawe eswe bhanu chiri na echibhiikwa echo, chiri rwa ebhiinu bhya rimoga era, korereki imenyekane abhwerubhweru ati, amanaga amaafu ga okukora emirimu ejo, agasooka ku‑Nyamuwanga, na kutari kw‑iswe.

Bafilipi 2:13

Mbe, mukore kutyo kwa okubha Nyamuwanga niwe kaakora emirimu mu‑mitima jeemwe, korereki mwende na okukora emisango jinu kaakena jikorekane.

Bafilipi 4:13

Enitura okukora emisango ejo joone, kwa okubha Kirisito niwe kaanaana amanaga.

2 Timoteo 2:2

Awe ꞉woonguuwe ameeyigisyo ganu neeyigisyaga imbere ya abhabhambaasi bhaafu. Mbe, awe wone uyaane abhaanu abheeyikanyibhwa, bhanu abhatura okwiyigisya abhandi.

Yakobo 1:17

Bhuri echiinu cha ekisi chinu echiyaanwa, echisooka mu‑rwire ku‑Nyamuwanga Omubhumbi wa risuubha, okwesi na jinjota. Omwene ni wa ekisi siku joone, atakuyindukayinduka rwa rirengesi rinu erichuukurukachuukuruka.