2 Bakorinto 2:12 - Indagano Inyaaya mu-Chijita

¹² Mbe, omwanya gunu ꞉naakingire mu‑musi gwa Turoowa okuraasya Emisango ja Ekisi inguru ya Kirisito, ꞉naasongeene Raatabhugenyi aanyiguriiye orwigi, korereki nikore emirimu jaaye eyo.

INDAGANO INYA:YA

¹² Mbe anu nejire Tiroa kurwe Bigambo byo bwana ebya Kristo, Ratabugenyi nanyigurira orwigi one.

2 Bakorinto 2:12 Iomraidhean Croise

Ebikorwa 14:27

Atiyookiya awo nibhakofya abheekirisya. Nibhabhatondera joone jinu Nyamuwanga ꞉aakorere okutura ku‑bheene na kutyo ꞉eeguuye orwigi ku‑bhaanu bhanu bhatari Bhayawudi okwikirisya Yeesu.

Ebikorwa 16:11

Mbe, nichisooka Turoowa awo na ingarabha, nichigenda kw‑isinga rya Samotiraake. Bhwejire bhwacha, nichigenda na ingarabha nichikinga mu‑musi gwa Neyapoori.

Ebikorwa 16:8

Kurwa ejo nibhatura mu‑mukoowa gwa Miisiya, nibhagenda mu‑musi gwa Turoowa.

Ebikorwa 20:8

Anu chaariga chiikumanyisiisye, chaariga chiri mu‑chisago chinu chaariga chiri mu‑bhutingo. Omwo jaariga jiri‑mo jidara nyafu nijaakaga.

Barumi 1:1

Inyarubha inu, niikaamire anye Pawuro, omukosi wa Kirisito Yeesu. Anye ꞉naabhirikiiywe nibhe itumwa yaaye, na okusorwa na Nyamuwanga nibhega nindaasya Emisango jaaye ja Ekisi.

1 Bakorinto 16:9

Enikora kutyo, kwa okubha Nyamuwanga aanyigurira orwigi, korereki nikore emirimu myafu mu‑musi gunu, noorwo kutyo bhari‑wo abhaanu bhaafu bhanu abhanyingirira.

1 Bakorinto 9:12

Araabha abhandi bheeyire okubhona ebhiinu rwa ebhyo okusooka kw‑imwe, woori eswe, chiteeyire muno okuyaanwa ebhiinu ebhyo? Nawe eswe ꞉chitaatongere bhinu chiiyire okuyaanwa na emwe, tari cheegumiirisya mu‑joone, korereki chaasiga okuyingirira abhaanu okwikirisya Emisango ja Ekisi inguru ya Kirisito.

1 Bakorinto 9:14

Ka wone Raatabhugenyi Yeesu aragiriiye kutyokutyo ati, bhanu abharaasya Emisango ja Ekisi, bhabhonega obhukene bhwebhwe okuruubhana na emirimu ejo.

1 Bakorinto 9:16

Anye niteeyire okwikuuya ku‑songa ya okuraasya Emisango ja Ekisi, okubha ni bhusibhusi kw‑anye okuraasya omusango ogwo. Ka wone jirimbona araabha nitakuraasya Emisango ja Ekisi ejo.

2 Bakorinto 10:14

Chitakwikuuya okukira indengo ya omurimu gweswe, rwa kutyo chaakakorere araabha chitaakakingire kw‑imwe. Tari eswe, chaariga chiri bha okwamba okubhareetera Emisango ja Ekisi inguru ya Kirisito.

2 Bakorinto 11:4

Enaayika kutyo, kwa okubha emwe muri bhaangu okuramira omuunu unu kaaja okuraasya emisango inguru ya Yeesu, jinu jitaasyanyiisye na jinu eswe ꞉chaaraasiisye. Ka wone, omuramira omwoyo ogundi, amwi emisango ejindi bhwangubhwangu era, noorwo kutyo ejitaasyanya na jinu ꞉mwaramiiye okusooka kw‑iswe.

2 Bakorinto 11:7

꞉Neekeeyiisye ku‑njira ya okuraasya Emisango ja Ekisi ja Nyamuwanga kw‑imwe nitari na omuyeero, korereki nibhariinyagisye. Angu, ꞉naakorere echibhiibhi ku‑musango ogwo?

2 Bakorinto 4:3

Nawe noorwo araabha Emisango ja Ekisi jinu echiraasya jiswikiiywe na echitambaara, jisige okumenyekana, ejibha jiswikiiywe era ku‑bhanu abhabhura.

2 Bakorinto 4:4

Abhaanu abho, bhatakwikirisya Yeesu, kwa okubha Syetaani omukama wa echaaro chinu, ayingiriiye obhwenge bhwebhwe. Eyo niyo isonga abhataamibhwa okurora obhweru bhwa Emisango ja Ekisi inguru ya rikusyo rya Kirisito, omwene niwe keeresya abhwerubhweru kutyo Nyamuwanga ari.

2 Bakorinto 8:18

Aamwi na Tiito, echituma wone na omuyiri weeswe owundi mu‑riikirisya, unu jikuma jaaye ku‑mirimu ja okuraasya Emisango ja Ekisi jiswireene mu‑makanisa goone.

2 Bakorinto 9:13

Bharikusya Nyamuwanga, kwa okubha omurimu gwemwe ogweresya ati, muri bhakosi bha ekisi. Ka wone bharimukusya ku‑songa ya obhugayuki bhwemwe mu‑kwikirisya Emisango ja Ekisi inguru ya Kirisito, na ku‑songa ya obhufura bhwemwe bhwa okubhasakira na okusakira abhandi bhoone.

Bakolosai 4:3

Muchisabhirwe eswe wone, korereki Nyamuwanga achiigurire orwigi rwa okuraasya omusango gwaye inguru ya Kirisito gunu kara gwariga gubhisirwe. Anye nibhoyerwe inguru ya okuraasya omusango ogwo.

1 Batesalonika 3:2

Nichituma Timoteewo omuyiri weeswe, korereki aaje okukomeesya emyoyo jeemwe na okubhasimbiisya inguru ya eriikirisya ryemwe. Omwene ni mukosi weejaasu wa Nyamuwanga, wa okuraasya Emisango ja Ekisi inguru ya Kirisito.