2 Bakorinto 13:4 - Indagano Inyaaya mu-Chijita

⁴ Ni chimari ati Kirisito ꞉aabhambirwe ku‑musarabha rwa omuunu omujorobhoke, nawe woori, ni muwanga ku‑bhuturo bhwa Nyamuwanga. Nyabhuriko eswe wone chiri bhajorobhoke rwa kutyo Kirisito aariga ari, nawe omuja okuchirora chiri bhaanga aamwi na omwene ku‑bhuturo bhwa Nyamuwanga.

INDAGANO INYA:YA

⁴ Okuba nakabee abambirwe atana managa, nawe ni muanga kurwa managa ga Nyamuanga. Okuba mu mwene eswe one citana managa, nawe kwimwe ciri baanga aamwi nage kurwa managa ga Nyamuanga.

2 Bakorinto 13:4 Iomraidhean Croise

Yowana 10:18

Atari‑wo omuunu unu kaatura okunsoosisya‑wo obhuwanga bhwani. Anye omwene naanye enibhusoosya‑wo. Niri na obhuturo bhwa okubhusoosya‑wo, ka wone niri na obhuturo bhwa okubhuramira rindi. Nikwo kutyo Raata waani ꞉aandagiriiye okukora.”

Ebikorwa 2:36

Peetero ˆnaamariisya kwa okwayika ati, “Kurwa ejo, Abhayisirayeeri bhoone ni bhusibhusi bhamenye echimari ati, Nyamuwanga akorere Yeesu okubha Raatabhugenyi na Kirisito. Oyo, niwe emwe ꞉mwabhambire ku‑musarabha!”

Ebikorwa 3:16

“Omumenya kisi omuunu unu omurora anu kutyo aariga aremaaye. Omwene aawosibhwa kwa okwikirisya Yeesu. Risiina rya Yeesu eryo na eriikirisya ku‑mwene, niyo isonga aabhona obhuwanga imbere yeemwe.

Barumi 1:4

nawe kwa Mwoyo Mweru, Nyamuwanga ꞉aasorere Omwana waaye okubha owa obhuturo bhwone kwa okumusuurura okusooka mu‑bhafuuwe. Yeesu Kirisito oyo, niwe Raatabhugenyi weeswe.

Barumi 14:9

Kirisito ꞉aafuuwe na okusuuruka, korereki abhe Raatabhugenyi wa abhaanu bhoone, abhafuuwe na abhaanga.

Barumi 6:4

Omwanya gunu ꞉chaabhatiijiibhwe, chaariga wuti chifuuwe na okusiikwa aamwi nage, korereki rwa kutyo Kirisito ꞉aasuuruuywe okusooka mu‑bhafuuwe ku‑managa maafu ga Raata Nyamuwanga, nyabhuriko, noorwo eswe chiture okurama obhurame obhuyaaya.

1 Bakorinto 1:25

Emisango jinu abhaanu abharora ati ni bhumuumu bhwa Nyamuwanga, ejikira obhwengeeso bhwa abhaanu. Ka emisango jinu abharora ati ni bhujorobhoke bhwa Nyamuwanga, jiri na amanaga okukira amanaga ga abhaanu.

1 Bakorinto 15:43

Ogusiikwa omubhiri gunu gugayirwe, nawe gunu ogusuuruka guri na rikusyo. Ogusiikwa omubhiri omujorobhoke, nawe ogusuuruka gunu guri na amanaga.

1 Bakorinto 2:3

Omwanya ogwo naariga nijorobhokere, naariga ninuubhaya, okukingira okuyarara muno.

1 Bakorinto 6:14

Ka wone, Nyamuwanga arichisuurura kwa amanaga gaaye, rwa kutyo ꞉aasuuruuye Raatabhugenyi okusooka mu‑bhafuuwe.

2 Bakorinto 10:10

Enaayika kutyo, kwa okubha abhandi abhaayika ati, “Jinyarubha ja Pawuro, jiri na emisango emikomeeye, ka wone ni misango emiruru. Nawe omwanya gunu kaabha ari aamwi na eswe, kaabha atari na amanaga, ka wone emisango jaaye, ejibha jitari na obhugajuro.”

2 Bakorinto 12:10

Enikondererwa obhujorobhoke bhwani, ka wone enikondererwa amafumo, jimbuma, jinyaako, na ebhinyaasyo, bhinu ebhimbona inguru ya Kirisito. Enikondererwa, kwa okubha omwanya gunu enibha niri mujorobhoke, niwo enibha niri na amanaga.

2 Bakorinto 13:9

Eswe echikonderwa kwa okubha chiri bhajorobhoke, nawe emwe muri na amanaga. Echisabhwa Nyamuwanga abhasakire mubhega mukuumiiye mu‑riikirisya.

Bafilipi 3:10

Enikena nisombookerwe Kirisito muno na okubha na amanaga ganu Kirisito aariga ari nago omwanya gwa okusuuruka kwaye. Enikena obhumwi bhunu obhusooka mu‑kunyaaka rwa kutyo omwene ꞉aanyaakire, korereki nisusane nage mu‑kufwa kwaye.

Baeburania 5:7

Omwanya gunu Yeesu aariga ari ku‑chaaro anu, ꞉aasabhirwe na okwirembeeresya muno Nyamuwanga, ka wone ꞉aamuuwe obhuraka ˆnaarira amasiga mogomogo ku‑Nyamuwanga unu ari na obhuturo bhwa okumuchungura okusooka mu‑rufu. Inguru ya okwikeeya kwaye, Nyamuwanga ˆnaamuungwa.

1 Petero 3:18

Kirisito omwene ꞉aanyaakire rumwi era inguru ya ebhibhiibhi bhya abhaanu bhanu bhatari bha rirenga, korereki achigwatanye na Nyamuwanga. Nawe omwene aariga ari murengeresi. ꞉Eetirwe echinyamubhiri, nawe ˆnaakorwa omuwanga ku‑bhuturo bhwa Mwoyo Mweru.

1 Petero 3:22

Omwene ꞉aagendere mu‑rwire na woori eenyanjire orubhaara rwa ebhuryo rwa Nyamuwanga. Kaatunga bhamaraayika, ebhibhumbwa bhyone ebhya obhuturo na ebhya amanaga.