2 Bakorinto 11:7 - Indagano Inyaaya mu-Chijita

⁷ ꞉Neekeeyiisye ku‑njira ya okuraasya Emisango ja Ekisi ja Nyamuwanga kw‑imwe nitari na omuyeero, korereki nibhariinyagisye. Angu, ꞉naakorere echibhiibhi ku‑musango ogwo?

INDAGANO INYA:YA

⁷ ?Tere amwi nanyamuye wejire ne:keya korereki emwe mukusibwe? Okuba nabasimuriye Ebigambo byo bwana ebya Nyamuanga nitana muye:ro.

2 Bakorinto 11:7 Iomraidhean Croise

Ebikorwa 20:33

꞉Niteegombere jipirya ja omuunu woonewoone, noorwo inaaryo, noorwo emyenda jaaye.

Ebikorwa 20:34

Emwe abheene mumenyere kisikisi ati naariga ninkora emirimu kwa amabhoko gaani, okubhona jipirya ja okugura ebhiinu bhyone bhinu anye aamwi na abheejaasu chaakenaga.

Barumi 1:1

Inyarubha inu, niikaamire anye Pawuro, omukosi wa Kirisito Yeesu. Anye ꞉naabhirikiiywe nibhe itumwa yaaye, na okusorwa na Nyamuwanga nibhega nindaasya Emisango jaaye ja Ekisi.

1 Bakorinto 9:12

Araabha abhandi bheeyire okubhona ebhiinu rwa ebhyo okusooka kw‑imwe, woori eswe, chiteeyire muno okuyaanwa ebhiinu ebhyo? Nawe eswe ꞉chitaatongere bhinu chiiyire okuyaanwa na emwe, tari cheegumiirisya mu‑joone, korereki chaasiga okuyingirira abhaanu okwikirisya Emisango ja Ekisi inguru ya Kirisito.

1 Bakorinto 9:6

Amwi naanye na Bharinaabha era bhanu echeendwa okukora emirimu korereki chibhone ebhiinu inguru ya obhurame bhweswe?

2 Bakorinto 10:1

Mbe, anye Pawuro omwene, enibheerembeeresya mu‑bhwikeeya na mu‑bhworooro bhwa Kirisito. Nawe abhaanu abhandi abhaayika ati, anye enibhaga mworooro omwanya gunu owubha niri aamwi na emwe na enibhaga omururu omwanya gunu owubha niri kura na emwe.

2 Bakorinto 10:16

Awo niwo echitura okuraasya Emisango ja Ekisi mu‑bhyaro ebhindi kura na emwe, enu omusango ogwo guchaariga okuraasibhwa‑mo. Kutyo, chitariikuuya inguru ya omurimu gunu gukorerwe na abhaanu abhandi mu‑mbaara ejindi.

2 Bakorinto 12:13

Gutari‑wo omusango gwonegwone gunu ꞉naakorere mu‑makanisa agandi, gunu nitakorere kw‑imwe. ꞉Naataamiibhwe okukora omusango gumwi era, anye nitaabheeye omugugu kw‑imwe. Araabha obhwo nibhwo obhubhiibhi bhwani, munfwire echigongo!

2 Bakorinto 2:12

Mbe, omwanya gunu ꞉naakingire mu‑musi gwa Turoowa okuraasya Emisango ja Ekisi inguru ya Kirisito, ꞉naasongeene Raatabhugenyi aanyiguriiye orwigi, korereki nikore emirimu jaaye eyo.

1 Batesalonika 2:9

Woori, abhayiri bheeswe, omwichuka okwikomeesya kweswe na okunyaaka kweswe, kutyo chaakoraga emirimu mu‑ngeta na mu‑mwisi. ꞉Chaakorere kutyo, korereki omwanya gunu echiraasya Emisango ja Ekisi okusooka ku‑Nyamuwanga, chisige okunyaasya omuunu woonewoone kw‑imwe.

2 Batesalonika 3:8

ka wone ꞉chitaariye ebhiryo bhya omuunu woonewoone, chitasoosisye jipirya. Chaariga nichikora emirimu kwa obhwikomeesya mu‑ngeta na mu‑mwisi, korereki chisige okunyaasya omuunu woonewoone mw‑imwe.