2 Bakorinto 11:2 - Indagano Inyaaya mu-Chijita

² Anye enibhafuyira, rifuwa rinu erisooka ku‑Nyamuwanga, kwa okubha muri rwa omuyarajuma, unu ꞉naasandiiye obhuko omurume umwi, omurume oyo niwe Kirisito.

INDAGANO INYA:YA

² Okuba enibafuira na rifuwa rya Nyamuanga, okuba nabatwaranyisye no murume umwi, nibare:te ku Kristo rwo muyara unu e:baririye.

2 Bakorinto 11:2 Iomraidhean Croise

Yowana 3:29

Omumura unu ari na omwenga niwe omutwasi. Anye niri rwa omusaani wa omutwasi, niimereeguuyu ku‑mbari yaaye, na enikonderwa okuungwa jinu omutwasi kaayika. Chimari musango gunu gwankondisya muno.

Barumi 7:4

Abhayiri bhaani, emisango ejo nikwo kutyo jiri kw‑imwe wone. Noorwo emwe mutakubhoywa rindi na ebhiraagiro bhya Muusa, kwa okubha mufuuwe aamwi na Kirisito ku‑musarabha. Woori emwe muri bhaanu bha Kirisito unu ꞉aasuuruuywe okusooka mu‑bhafuuwe, korereki obhurame bhweswe bhubhe na amatwasyo ga ekisi inguru ya Nyamuwanga.

1 Bakorinto 4:15

kwa okubha noorwo kutyo muri na abheeyigisya bhaafu muno bhanu abhabhaangarira mu‑Kirisito, esomwana ni umwi. Anye naariga niri esomwana mu‑Kirisito Yeesu, kwa okubharaasisya Emisango ja Ekisi.

2 Bakorinto 4:14

Chimenyere ati Nyamuwanga unu ꞉aasuuruuye Raatabhugenyi Yeesu, arichisuurura eswe wone rwa kutyo ꞉aasuuruuye Yeesu. Nyamuwanga arichireeta eswe na emwe imbere yaaye omwene.

Bagalatia 4:11

Eniyaya muno inguru yeemwe. Eyiturikana ati omurimu gwani gwone gunu ꞉naakorere kw‑imwe, ni gwa okufwirwa‑mo era.

Bafilipi 1:8

Nyamuwanga niwe kaamenya ati enaayika echimari kutyo eniigomba okubhugana aamwi na emwe rindi, niri na eryenda riryarirya rwa kutyo Kirisito Yeesu kaabheenda.

Bakolosai 1:28

Kirisito niwe echiraasya omwanya gunu echikengya na okwiyigisya abhaanu bhoone mu‑bhwengeeso bhwone. Echimuraasya, korereki chireete abhaanu bhoone imbere ya Nyamuwanga bharumateene echinyamwoyo okuruubhana na okubha na obhumwi na Kirisito.

1 Batesalonika 2:11

Omwichuka ati, omwanya gunu chaariga chiri kw‑imwe, chaakoreraga bhuri umwi weemwe rwa kutyo omwibhusi wa echirume kaakorera abhaana bhaaye. Chaariga nichibhakomeesya emyoyo, okubhasimbiisya na okubheerembeeresya,

Obhusweruro 14:4

Abhaanu abho nibho abharuubha Omwana wa Inaama woonewoone anu kaaja. Ka wone, ꞉bhateejabhiyasiisye na abhagasi, okubha bhaariga bhari bhimura. ꞉Bhaagurirwe okusooka agatigati ya abhaanu abhandi, nibhasoosibhwa wone okubha echoogo cha ebhigeswa cha okwamba ku‑Nyamuwanga na ku‑Mwana wa Inaama.