2 Bakorinto 11:1 - Indagano Inyaaya mu-Chijita

¹ Noorwo araabha enaayika rwa omumuumu, enisabhwa muntegeresye‑wo kutooto. Mbe woori, muntegeresye!

INDAGANO INYA:YA

¹ Enenda munyigumirisisye kuto:to mu bumu:mu. Mbe munyigumirisisye.

2 Bakorinto 11:1 Iomraidhean Croise

Matayo 17:17

Yeesu ˆnaayika ati, “Emwe muri bhaanu bha riyimbo rinu ritari na eriikirisya na rinu rinyamukire! Niribha na emwe okukingira rusuku ri? Niribheegumiirisya okukingira omwanya ki? Mureete omwana oyo anu!”

Ebikorwa 18:14

Pawuro ejire eenda okwibhagira era kutya, Gaariyo ˆnaabhwira Abhayawudi ati, “Emwe Abhayawudi mukabheeye nimusitaaka omuunu unu inguru ya obhujabhi amwi okukora echikayo echibhiibhi, jikabheeye ja ekisi okubhategeresya.

Ebikorwa 26:29

Pawuro ˆnaamusubhya ati, “Jikabha emisango emityari, amwi emyafu, enisabhwa Nyamuwanga inguru yaawo na inguru ya abhaanu bhoone bhanu abhantegeresya reero ati mubhe rwa kutyo niri, nawe musige okubhoywa na amaseega ganu.”

1 Bakorinto 1:21

Enaayika kutyo, kwa okubha Nyamuwanga, ku‑bhwengeeso bhwaye, ꞉aaramuuye ati abhaanu bhatakutura okumusombookerwa okutura ku‑bhwengeeso bhwebhwe abheene. Tari Nyamuwanga ꞉eendere okuchungura bhanu abhamwikirisya okutura ku‑misango jinu echiraasya. Emisango ejo, abhaanu bhanu bhatakumenya Nyamuwanga, abhaayika ati ni ja echimuumu.

1 Bakorinto 3:18

Omuunu woonewoone agati yeemwe aasiga okwijiga ati ari na obhwengeeso. Araabha omuunu aakeerora ati ari na obhwengeeso ku‑chaaro chinu, abhe ˆneekora ati ni mumuumu korereki abhone obhwengeeso bhwa echimari.

1 Bakorinto 4:10

Abhaanu bhaafu abhachirora ati chiri bhamuumu, kwa okubha echikorera emirimu Kirisito, nawe emwe omwirora ati muri abha obhwengeeso kwa okubha omuruubha Kirisito. Eswe echibhonekana ati chiri bhajorobhoke, nawe emwe omwirora ati muri na amanaga. Eswe echigaywa, nawe emwe omwirora ati muri na echibharo.

1 Bakorinto 4:8

Woori omwirora ati mwigutire! Omwirora ati muri bhaniibhi! Omwirora ati muri bhakama, noorwo kutyo eswe chitari bhakama! Ni akiri mukabheeye abhakama chimari, korereki eswe chitunge aamwi na emwe!

2 Bakorinto 11:19

Emwe omwirora wuti muri bheengeeso, nikwo okukora omwigumiirisya abhaanu abhamuumu kwa okukondererwa.

2 Bakorinto 11:21

Enirora jiswaro okwayika ati, eswe ꞉chitaabhakoreeye ejo, kwa okubha eswe chiri bhajorobhoke muno! Woori naayika rwa omumuumu ati, araabha ari‑wo omuunu unu ari na ribhaasi rya okwikuuya inguru ya gwonegwone, anye wone niri na ribhaasi rya okwikuuya inguru ya omusango ogwo.

2 Bakorinto 11:4

Enaayika kutyo, kwa okubha emwe muri bhaangu okuramira omuunu unu kaaja okuraasya emisango inguru ya Yeesu, jinu jitaasyanyiisye na jinu eswe ꞉chaaraasiisye. Ka wone, omuramira omwoyo ogundi, amwi emisango ejindi bhwangubhwangu era, noorwo kutyo ejitaasyanya na jinu ꞉mwaramiiye okusooka kw‑iswe.

2 Bakorinto 12:11

Naayika rwa omumuumu, nawe emwe neemwe mwareterera naayike kutyo. Emwe mwariga nimwendwa munkuuye. Noorwo araabha enibhonekana ati, niteeyire, anye nitari mutooto okukira bhanu abheerora wuti nibho jitumwa jingʼuru.

2 Bakorinto 5:13

Araabha echibhonekana wuti chisarire, ni inguru ya Nyamuwanga, araabha obhwenge bhweswe bhukobhere, ni inguru yeemwe.

Baeburania 5:2

Omugabhisi omukuru kaatura okufwira echigongo ebhibhiibhi bhya abhaanu abhandi bhinu bhaariga nibhakora okumenya wuri, kwa okubha omwene wone ni mukosi wa ebhibhiibhi.