2 Bakorinto 10:1 - Indagano Inyaaya mu-Chijita

¹ Mbe, anye Pawuro omwene, enibheerembeeresya mu‑bhwikeeya na mu‑bhworooro bhwa Kirisito. Nawe abhaanu abhandi abhaayika ati, anye enibhaga mworooro omwanya gunu owubha niri aamwi na emwe na enibhaga omururu omwanya gunu owubha niri kura na emwe.

INDAGANO INYA:YA

¹ Nawe anye Paulo enibaremberesya kurwo bufura no bwororo bwa Kristo, anye unu ndi mwikeya wora naba aamwi nemwe, nawe nikaba nitariyo ndi muba:si kwimwe.

2 Bakorinto 10:1 Iomraidhean Croise

Matayo 11:29

Anye niri mworooro, ka wone niri mwikeeya. Kurwa ejo, mwitwike ingurwema yaani, mwiyigire okusooka kw‑anye, niwo niribhayaana omurembe mu‑myoyo jeemwe.

Matayo 21:5

“Bhwira abhaanu bha omusi gwa Sayuuni ati, ‘Ringira, omukama weemwe kaaja kw‑imwe, ni mworooro, kaaja ariinyire ku‑sikiri, ka isikiri eyo ichaari chinyara.’”

Ebikorwa 8:32

Ebhikaame Ebhyeru bhinu omukuru oyo aariga ˆnaasoma, nibhyo bhinu, “꞉Aatangasiibhwe rwa inaama inu eyija okwitwa. ꞉Aajibhiiye jibhijibhi, rwa kutyo omwana wa inaama eyijibhira omwanya gunu eyitemwa‑ko obhufufi.

Barumi 10:20

Ka wone, omuragi Iisaya ꞉aayikire kwa ribhaasi emisango ja Nyamuwanga ati, “Abhaanu bhanu bhatakunyenja, nibho bhaandora. Abhaanu bhanu bhatakubhuusirisya emisango jaani, nibho neeswerura ku‑bheene.”

Barumi 12:1

Woori abhayiri bhaani, mumenyere kutyo Nyamuwanga kaachifwira echigongo. Kurwa ejo mbe, enibheerembeeresya ati, mwisoosye obhurame bhwemwe ku‑Nyamuwanga. Mubhe rwa ebhyogo bhinu bhiri ebhiwanga na ebhyeru, bhinu ebhimukondisya. Eyo niyo injira ya echimari ya okumuramya.

Barumi 15:15

Noorwo kutyo, naabhakaamira emisango ejindi mu‑nyarubha inu kwa ribhaasi, korereki nibheechukye emisango ejo. Naakora kutyo, kwa okubha Nyamuwanga anaaye obhwitiriranya,

1 Bakorinto 2:3

Omwanya ogwo naariga nijorobhokere, naariga ninuubhaya, okukingira okuyarara muno.

1 Bakorinto 4:10

Abhaanu bhaafu abhachirora ati chiri bhamuumu, kwa okubha echikorera emirimu Kirisito, nawe emwe omwirora ati muri abha obhwengeeso kwa okubha omuruubha Kirisito. Eswe echibhonekana ati chiri bhajorobhoke, nawe emwe omwirora ati muri na amanaga. Eswe echigaywa, nawe emwe omwirora ati muri na echibharo.

1 Bakorinto 4:21

Woori, omwenda nikore kutiki? Angu, nibhaaje‑ko na isimbo, tere niije mu‑ryenda na mu‑bhworooro?

2 Bakorinto 10:10

Enaayika kutyo, kwa okubha abhandi abhaayika ati, “Jinyarubha ja Pawuro, jiri na emisango emikomeeye, ka wone ni misango emiruru. Nawe omwanya gunu kaabha ari aamwi na eswe, kaabha atari na amanaga, ka wone emisango jaaye, ejibha jitari na obhugajuro.”

2 Bakorinto 10:2

Enibheerembeeresya ati, nikabhaaja‑ko eyo, musige okunkora nibhe omururu. Enaayika kutyo, kwa okubha nimenyere ati enitura okubha omururu ku‑bhaanu bhoone bhanu abheetogera ati, eswe chiikaaye rwa abhaanu abhandi bha mu‑chaaro munu.

2 Bakorinto 10:7

Emwe omuringira era jinu ejibhonekana mu‑meeso geemwe! Omuunu woonewoone unu keerora ati omwene ni muunu wa Kirisito, eechuke ati, eswe wone chiri bhaanu bha Kirisito, rwa omwene.

2 Bakorinto 11:21

Enirora jiswaro okwayika ati, eswe ꞉chitaabhakoreeye ejo, kwa okubha eswe chiri bhajorobhoke muno! Woori naayika rwa omumuumu ati, araabha ari‑wo omuunu unu ari na ribhaasi rya okwikuuya inguru ya gwonegwone, anye wone niri na ribhaasi rya okwikuuya inguru ya omusango ogwo.

2 Bakorinto 11:30

Araabha neenderwe okwikuuya, enija okwikuuya inguru ya obhujorobhoke bhwani.

2 Bakorinto 12:5

Woori inguru ya omuunu rwa oyo, enija okwikuuya. Nawe nitariikuuya inguru yaani omwene, tari inguru ya obhujorobhoke bhwani era.

2 Bakorinto 3:12

Mbe, kwa okubha obhwo nibhwo obhwiyikanyo bhweswe, echikora kwa ribhaasi.

2 Bakorinto 5:20

Mbe, Kirisito achitumire okukora emirimu jaaye, na okutura kw‑iswe Nyamuwanga keerembeeresya abhaanu ati, bhagwatanyibhwe nage. Echibhasabhwa inguru ya Kirisito ati, mugwatanyibhwe na Nyamuwanga.

2 Bakorinto 6:1

Woori, kwa okubha echikora emirimu aamwi na Nyamuwanga, echibheerembeeresya ati, obhwitiriranya bhwa Nyamuwanga bhunu muramiiye, mwasiga okubhusiga bhubhure kutyo era.

2 Bakorinto 7:4

Enaayika na emwe kwa ebhaasi nene, ka wone eniikuuya muno inguru yeemwe. Mwanfungʼamya muno na mwakora nibhe na rikonderwa enene, noorwo kutyo echinyaasibhwa muno.

Bagalatia 4:13

Mumenyere ati obhurwaye bhunu naariga nirwaye ku‑bhwambiro, nibhwo ꞉bhwakorere nimbona omwanya gwa okubharaasisya Emisango ja Ekisi.

Bagalatia 5:2

Mutegeresye chinu anye Pawuro enibhabhwira! Araabha mukeekirisya okutendwa rindi inguru ya okuruubha ebhiraagiro bhya Muusa, awo Kirisito ataribha na obhugajuro bhwonebhwone kw‑imwe.

Baefeso 3:1

Kurwa ejo, anye Pawuro enibhasabhirwa. Anye niri omubhoywa wa Kirisito Yeesu inguru ya obhukosi bhwani kw‑imwe, emwe bhanu mutari Bhayawudi.

Baefeso 4:1

Kurwa ejo, anye unu niri mubhoywa inguru ya obhukosi bhwani ku‑Raatabhugenyi, enibheerembeeresya ati, murame ku‑njira inu iiyire obhubhirikisi bhunu Nyamuwanga abhabhirikiriiye.

Bafilipi 4:5

Obhworooro bhwemwe bhumenyekane ku‑bhaanu bhoone. Raatabhugenyi Yeesu ari yeeyi.

Bakolosai 1:23

Nawe mwenderwe okugenderera okwikirisya Emisango ja Ekisi murumateene na okubha na amanaga. Mwasiga okwikirisya abhandi bhabhakongye okusiga obhwiyikanyo bhunu ꞉mwabhwene omwanya gunu ꞉mwoonguuwe Emisango ja Ekisi. Emisango ja Ekisi ejo, jiraasiibhwe ku‑bhaanu bhoone ku‑chaaro anu, anye Pawuro nibheeye omukosi waajo.

2 Batesalonika 3:17

Anye Pawuro enibhakaamira obhukeesya omwanya gunu kwa okubhoko kwani omwene. Echo nicho echibharikisyo ku‑nyarubha jaani joone, nikwo kutyo enikaamaga.

Filemoni 1:19

Anye Pawuro, naakaama kwa okubhoko kwani omwene ati, nirikuriya. Nitakukena okukwichukya ati enikutonga, kwa okubha okuruubhana na okuraasya kwani, awe ꞉waachungukire.

Filemoni 1:9

Inguru ya eryenda ryawo kw‑anye, naarora ati, ni kisi muno nikusabhwe. Anye Pawuro, omukaruka na omubhoywa inguru ya okuraasya Emisango ja Ekisi ja Kirisito Yeesu,

1 Petero 2:11

Abheendwa, emwe muri rwa abhagenyi na abhayitingʼani ku‑chaaro kunu. Kurwa ejo, enibheerembeeresya ati, mwikenge obhurigire bhwa emibhiri jeemwe bhunu obhuyaajana na emitima jeemwe.

Obhusweruro 1:9

Anye Yowana niri omuyiri waanyu mu‑riikirisya. Echisangira aamwi mu‑bhwigumiirisya ebhinyaasyo inguru ya Yeesu na obhukama bhwaye. Naariga nisirirwe kw‑isinga rinu eritogwa ati Paatimo. ꞉Naasirirwe kw‑isinga eryo rwa omubhoywa ku‑songa ya okuraasya omusango gwa Nyamuwanga na okusoosya obhubhambaasi inguru ya Yeesu.