2 Bakorinto 1:12 - Indagano Inyaaya mu-Chijita

¹² Mbe, eswe echiikuuya ku‑musango gumwi. Emitima jeeswe ejichibhambaarira ati, chiikaaye kwa obhurengeresi na okwa obhwiyikanyibhwa bhunu obhusooka ku‑Nyamuwanga. ꞉Chitaakorere kutyo okuruubhana na obhwengeeso bhwa echinyamuunu, tari ku‑bhwitiriranya bhwa Nyamuwanga. Nikwo kutyo chiikaaye ku‑chaaro anu, na chimwichimwi mu‑bhungwani bhweswe na emwe.

INDAGANO INYA:YA

¹² Okuba okwikuya kweswe, no kwaika kwe mitima jeswe ni kunu ati, cariga niciribata mu:si mu bweru na mu cimari imbere ya Nyamuanga, tari mu bwenge bwo mubiri, nawe ni mu cigongo ca Nyamuanga, no kukira muno cabaga kutyo kwimwe.

2 Bakorinto 1:12 Iomraidhean Croise

Ebikorwa 23:1

Pawuro ˆnaaringira nekeneke abhaanu bha mw‑ibharaja eryo, ˆnaabhabhwira ati, “Emwe abhayiri bhaasu, nikumisiisye emirimu jaani ku‑Nyamuwanga, omutima gwani ni mweru pee okukingira reero inu.”

Ebikorwa 24:16

Kurwa ejo, eniikomeesya siku joone okubha na omutima omweru imbere ya Nyamuwanga na imbere ya abhaanu.

Barumi 9:1

Kirisito kaamenya ati chinu enaayika woori, ni chimari era. Noorwo omutima gwani gunu ogutangasibhwa na Mwoyo Mweru wone ogumbambaarira ati, nitakwayika orubheeyi.

1 Bakorinto 1:17

Kirisito ꞉ataantumire okubhatiija abhaanu. ꞉Aantumire okuraasya Emisango ja Ekisi, okwiyikanya wuri obhwengeeso bhwani bhwa okwayika kisi, korereki orufu rwa Kirisito ku‑musarabha rwasiga okubhusya amanaga gaarwo.

1 Bakorinto 12:8

Mwoyo kaayaana omuunu owumwi okwayika emisango ja obhwengeeso, owundi Mwoyo oyooyo kaamuyaana okwayika emisango ja obhumenyi.

1 Bakorinto 15:10

Nawe obhwitiriranya bhwa Nyamuwanga nibhwo bhukorere anye okubha itumwa. Obhwitiriranya bhwaye kw‑anye bhwariga bhutari bhwa kutyo era, kwa okubha okutura ku‑bhwitiriranya obhwo, nikorere emirimu okukira jitumwa joone. ꞉Nitaakorere ejo ku‑bhuturo bhwani omwene, tari Nyamuwanga ku‑bhwitiriranya bhwaye niwe ꞉aakorere emirimu aamwi na anye.

1 Bakorinto 2:13

Ka wone chitakwayika emisango jinu chiiyigisiibhwe na obhwengeeso bhwa abhaanu, tari misango jinu chiiyigisiibhwe na Mwoyo wa Nyamuwanga. Echiyobhoora emisango ja Mwoyo wa Nyamuwanga ku‑bhanu bhari na Mwoyo oyo.

1 Bakorinto 4:4

kwa okubha nitakurora echikayo choonechoone mu‑mwoyo gwani. Nawe okwo kutari kwayika ati niri murengeresi. Raatabhugenyi Yeesu niwe kaandamura.

1 Bakorinto 5:8

Woori, chaasiga okukora ichikukuru ya Okwambuka kwa echifwimbya cha kara, nikwo okwayika ati kwa obhunyamuke na obhubhiibhi, tari chiikore kwa emikaate jinu jitakutuurwa‑mo echifwimbya, nikwo okwayika ati mu‑mutima gwa ekisi na mu‑chimari.

2 Bakorinto 1:17

Angu, omwitogera ati ꞉naaramuuye okuyindura obhutinge bhwani bhwa okuuja kw‑imwe, kwa okubha niri muunu wa okuyindukayinduka? Amwi omwitogera ati enitangasibhwa na obhwiganirisya bhwani era, nikwo okukora enaayika ati, “Cha” niniiya ninaayika ati, “Wuri”?

2 Bakorinto 11:3

Nawe woori enuubhaya ati, rwa kutyo Aawa ꞉aajigirwe na injoka irya indigendige, na emwe wone mwasiga okujigwa, nimusiga okwenda Kirisito mu‑bhwiyikanyibhwa na omutima omweru.

2 Bakorinto 2:17

Eswe chitari rwa abhaanu abhandi abhaafu, bhanu abharaasya omusango gwa Nyamuwanga kwa okugusuruja, korereki bheebhonere‑mo omuriiro. Tari eswe, ku‑managa ga Kirisito, echiraasya omusango gwa Nyamuwanga kwa obhwiyikanyibhwa bhwone imbere ya Nyamuwanga, kwa okubha omwene niwe ꞉aachitumire.

2 Bakorinto 4:2

Chiremere kata okukora emisango ja imbisike na eja jiswaro. Chitakujiga abhaanu, noorwo chitakusaasya omusango gwa Nyamuwanga na orubheeyi. Tari, echiimenyegesya mu‑kwayika echimari abhwerubhweru, korereki abhaanu bhoone bhamenye mu‑mitima jeebhwe ati, eswe chiri bhaanu bha echimari imbere ya Nyamuwanga.

2 Bakorinto 8:8

Nitakwayika ejo korereki nibharagirire, tari eneenda okurora araabha eryenda ryemwe ni rya echimari, kwa okweresya kutyo abhandi abheekomeesya okusakira.

Bagalatia 6:4

Nawe bhuri muunu aringire jitungwa jaaye omwene. Araabha omuunu kaakora ja ekisi, niwo kaatura okwikuuya inguru ya emisango ja ekisi jinu akorere, noorwo aasiga okwiringʼaanya na emisango jinu omuunu owundi akorere.

Baefeso 6:14

Mbe, mwimereeguru mwibhoyere echimari rwa rikebhete mu‑bhibhunu na okufwara obhurengeresi rwa ingubha ya echuuma ku‑bhifubha,

Bafilipi 1:10

korereki mubhe na obhuturo bhwa okwawura jinu jiri ja ekisi. Awo niwo muribha na emitima myeru, ka wone muribha mutari na esoro okukingira orusuku rurya Kirisito arisubha.

1 Batesalonika 2:10

Emwe omumenya, Nyamuwanga wone kaamenya ati, bhunu ꞉cheekaaye kw‑imwe abheekirisya, itungwa yeeswe yaariga iri ya ekisi na eya obhurengeresi, ka wone chaariga chitari na esoro.

1 Timoteo 1:5

Obhukarariiye bhwa amaragiriro ago ni ati abheekirisya bheendane kwa omwoyo gwa ekisi, mu‑mutima mweru na mu‑riikirisya rya echimari.

Tiito 2:7

Awe wone, ku‑misango ejo joone, ubhe echijekekanyo cha okwiyikanyibhwa cha ebhikorwa bhya ekisi. Mu‑meeyigisyo gaawo, weeresye echimari na echibharo.

Baeburania 13:18

Mugenderere okuchisabhirwa. Chimenyere chimari ati emitima jeeswe ni myeru, kwa okubha cheendere okukora jinu jiri ja obhurengeresi ku‑bhaanu bhoone.

Yakobo 4:6

Nawe Nyamuwanga kaachiyaana obhwitiriranya bhwafu, nikwo okukora jikaamirwe mu‑Bhikaame Ebhyeru ati, “Nyamuwanga kaayaajana na abha echigundu, tari bhanu abheekeeya, kaabhayaana obhwitiriranya.”

1 Petero 3:16

Mubhega na emitima emyeru, korereki bhanu abhabhakuurisya amabhiibhi bhaakarora akatungiiywe keemwe ka ekisi ku‑Kirisito, bheesware.

1 Petero 3:21

Amanji ago, ni chijekekanyo cha obhubhatiijo bhwemwe, kwa okubha omwanya gunu omubhatiijibhwa, eyeeresya ati Nyamuwanga kaabhachungura ku‑njira ya obhusuuruko bhwa Yeesu Kirisito. Obhubhatiijo obhwo, bhutari bhwa okusoosya‑ko riiko ku‑mibhiri jeemwe, tari ni kubha na omutima omweru ku‑Nyamuwanga.