1 Petero 5:9 - Indagano Inyaaya mu-Chijita

⁹ Mbe, mureme Syetaani, murumatane mu‑kwikirisya Nyamuwanga. Mumenye ati, abheekirisya abheejaanyu ku‑chaaro choone, wone abhanyaaka rwa emwe.

INDAGANO INYA:YA

⁹ Oyo mumuingirire murumire mu kwikirisya kwemwe, okuba mumenyere ati jinya:ko ejo ejo jiswirire aba:na banyu banu bari mu ca:ro co:ne.

1 Petero 5:9 Iomraidhean Croise

Ruuka 22:32

Nawe, naakusabhirwa ku‑Nyamuwanga, korereki eriikirisya ryawo ryasiga okugeruka‑ko. Omwanya gunu urinsubha‑ko, ukomeesye abheejaanyu.”

Yowana 16:33

Naabhabhwira ejo joone, korereki mubhe na omurembe mu‑myoyo jeemwe, kwa okubha muri na obhumwi na anye. Ku‑chaaro anu muribhona ebhinyaasyo bhyafu, nawe mwasiga okuyaya, kwa okubha anye ꞉naayigire echaaro.”

Ebikorwa 14:22

Bhuri rubhaara, bhaariga nibhasimbiisya abheeyigisibhwa na okubhakomeeresya ati bhagenderere okurumatana mu‑riikirisya ryebhwe. Nibhabhabhwira ati, ni bhusibhusi chiture mu‑nyaako nyafu korereki chiingire mu‑bhukama bhwa Nyamuwanga.

1 Bakorinto 10:13

Amaregeejo ganu gaabhabhona, gari rwa ganu abhaanu abhandi abhabhona bhuri rusuku. Nyamuwanga ni mwiyikanyibhwa, omwene atakuja okubhasiga muregeejibhwe okukira obhuturo bhwemwe. Omwanya gunu emwe omuregeejibhwa, Nyamuwanga kaja okubhayaana obhuturo bhwa okwigumiirisya na okubheeresya injira ya okusooka omwo.

Baefeso 4:27

Musige okuyaana Syetaani omwanya gwa okubharegeeja, korereki mukore ebhibhiibhi.

Baefeso 6:16

Aamwi na ejo joone, mugege ingubha ya eriikirisya, inu irikora muture okusimya ebhisasi bhyone bhya omuriro gwa emisimu ja Omubhiibhi urya.

Bakolosai 2:5

Enaayika ejo noorwo kutyo nitari aamwi na emwe echinyamubhiri, nawe niri aamwi na emwe echinyamwoyo. Enikonderwa, kwa okubha enuungwa inguru ya obhumwi bhwemwe na okurumatana kwa eriikirisya ryemwe ku‑Kirisito.

1 Batesalonika 3:3

꞉Chaakorere kutyo, korereki omuunu woonewoone asige okufwa omutima inguru ya ebhinyaasyo bhinu. Emwe abheene mumenyere ati, echikenwa chiture mu‑bhinyaasyo.

1 Timoteo 6:12

Komeera okurwana kisi riremo rya eriikirisya, korereki wiibhonere obhuwanga bhwa akajaanende. Obhuwanga obhwo nibhwo ꞉waabhirikiriiywe. Awe omwene ꞉waasoosiisye obhubhambaasi bhwa echimari imbere ya abhabhambaasi bhaafu.

2 Timoteo 3:12

Nyabhuriko, bhoone bhanu abheekirisya Kirisito Yeesu na abhakena okurama na okuramya Nyamuwanga, bharinyaasibhwa.

2 Timoteo 4:7

Nirwanire riremo kisi, orugendo rwani nirumarire kisi, ka wone eriikirisya ryani nirigwatiriiye ngʼanyangʼanya.

Baeburania 11:33

Okuruubhana na eriikirisya ryebhwe, abhaanu abho ꞉bhaarwanire riremo na abhakama bha ebhyaro ebhindi, nibhayiga. ꞉Bhaakorere emisango ja obhurengeresi na okuramira jinu Nyamuwanga ꞉aaragire. Bhaariga bhari na obhuturo bhwa okubhumbatanya eminwa ja jiitare.

Baeburania 12:8

Nyamuwanga kaayaana ebhitiibha abhaana bhaaye bhoone. Kurwa ejo, araabha Nyamuwanga atakubhayaana ebhitiibha, mumenye ati muri rwa bhaana bha mu‑masanga, mutari bhaana bhaaye.

Yakobo 4:7

Mbe, mugayukega Nyamuwanga. Nawe mubhe nimuyingirira Syetaani, niwo aribheeruka.

1 Petero 1:6

Mbe mukondererwe muno emisango ejo, noorwo kutyo ku‑mwanya mufuyi gunu, omutura okusurumbara inguru ya amaregeejo maafu ga bhuri mbaga.

1 Petero 2:21

Omukenwa mwigumiirisye kutyo, kwa okubha noorwo Kirisito omwene ꞉aanyaasiibhwe inguru yeemwe. Ejire aakora kutyo, ꞉aabhasigiiye echijekekanyo, korereki muruubhe orugere rwaye.

1 Petero 3:14

Nyamuwanga aribhayaana amabhando araabha omunyaaka kwa okubha omukora ja obhurengeresi. Kurwa ejo, musige okuyaya noorwo musige okuubhaya bhanu abhabhanyaasya, tari mukusye Raatabhugenyi Yeesu Kirisito mu‑myoyo jeemwe.

1 Petero 4:13

Nawe mukondererwe ati omunyaaka rwa kutyo Kirisito ꞉aanyaakire. Mukonderwe woori, korereki mubhe na risandabha ryone, omwanya gunu arisubha na rikusyo ryaye niriswerurwa abhwerubhweru.

Obhusweruro 1:9

Anye Yowana niri omuyiri waanyu mu‑riikirisya. Echisangira aamwi mu‑bhwigumiirisya ebhinyaasyo inguru ya Yeesu na obhukama bhwaye. Naariga nisirirwe kw‑isinga rinu eritogwa ati Paatimo. ꞉Naasirirwe kw‑isinga eryo rwa omubhoywa ku‑songa ya okuraasya omusango gwa Nyamuwanga na okusoosya obhubhambaasi inguru ya Yeesu.

Obhusweruro 6:11

Niwo abhaanu bhoone bhanu ꞉bheetirwe, nibhayaanwa emingiro jiinyeru. Nibhabhwirwa ati, bharindirire‑wo katungu katooto, okukingira abhakosi bheejaabho, bhanu bhari abhayiri bheebhwe mu‑riikirisya, wone bheetwe rwa kutyo abheene ꞉bheetirwe. Niwo obhukumi bhwebhwe obhuja okukuumira.

Obhusweruro 7:14

Niimusubhya ati, “Mwami waani, awe naawe umenyere.” ˆNaambwira ati, “Abhaanu abho nibho ꞉bhaayigire ebhinyaasyo bhinene bhirya. ꞉Bhaafurire emingiro jeebhwe mu‑sagama ya Omwana wa Inaama, nijeera pee.