1 Petero 5:8 - Indagano Inyaaya mu-Chijita

⁸ Mwiyingirire na okutengeeja, omwanya gwone. Okubha omusoko weemwe, Syetaani, keeyinda enu na erya rwa itare inu eyiruuta, niiyenja omuunu wa okusingaarisya.

INDAGANO INYA:YA

⁸ Mutengeje, okuba omuremo wemwe Syetani ke:indainda rwa intare inu eibu:ta ni:yenja unu irarya.

1 Petero 5:8 Iomraidhean Croise

Matayo 13:39

Omusoko unu ꞉eejire okubhibha amagorogoro ni Syetaani omwene. Omwanya gwa okugesa ni bhuteero bhwa echaaro chinu, na abhagesi ni bhamaraayika bha Nyamuwanga.

Matayo 24:42

Mbe mwiyangarire, kwa okubha mutakumenya ati ni rusuku ri runu anye Raatabhugenyi weemwe niriija.

Matayo 25:41

“Niwo, niribhwira bhanu bhari rubhaara rwani rwa ebhumoosi ati, ‘Musooke anu, emwe bhanu Nyamuwanga eeyiimire! Mugende mu‑muriro gwa akajaanende koone gunu Nyamuwanga eeraabhire inguru ya Syetaani na bhamaraayika bhaaye.

Matayo 4:1

Neeya Yeesu ˆnaatangasibhwa na Mwoyo Mweru okuja mw‑ibhara, korereki aregeejibhwe na Syetaani.

Matayo 4:11

Niwo Syetaani ˆnaasiga Yeesu awo. Awoawo, bhamaraayika bha Nyamuwanga nibhaaja okumufurubhendera.

Mariko 4:15

Abhaanu abhandi abhasusana na amayaru ga ku‑njira, anu omusango gwa Nyamuwanga ogubhibhwa. Omwanya gunu abhaguungwa era, Syetaani kaaja, na okusoosya‑mo omusango ogwo mu‑mitima jeebhwe.

Ruuka 21:34

“Mwikenge! Emyoyo jeemwe jaasiga okwisigomba kukora jitungwa jimbiibhi, obhunanamba, obhukorwa, na echibhabhuko cha obhurame. Mukarema okutengeeja, orusuku rwa okusubha anye Omwana wa Omuunu ruribhatakya!

Ruuka 21:36

Kurwa ejo, mubhega mutengeejere omwanya gwone! Mugenderere okusabhwa Nyamuwanga, korereki abhayaane obhuturo bhwa okwiruka joone jinu jirikorekana, na mwimereeguru imbere yaani, anye Omwana wa Omuunu.”

Ruuka 22:31

Yeesu ˆnaayika ati, “Simooni awe, Simooni awe, tegeresya! Nuumenye kisi ati, Syetaani eekirisiibhwe okubharegeeja emwe bhoone. Aribhakora rwa kutyo omuunu kaawungura obhuro.

Yowana 8:44

Emwe muri bhaanu bha Syetaani, oyo niwe esomwana! Niyo isonga omwenda okukora jinu esomwana keegomba. Syetaani ni mwiti okusookerera ku‑bhwambiro. Atakwenda echimari kata, kwa okubha echimari echo, chitari‑mo mu‑mwoyo gwaye. Omwene ni mubheeyi, na akatungiiywe kaaye ni kubheeya, ka wone niwe esemwene orubheeyi.

2 Bakorinto 2:11

korereki Syetaani aasiga okuchiyiga, kwa okubha chimenyere kisi obhurigerige bhwaye.

Baefeso 4:27

Musige okuyaana Syetaani omwanya gwa okubharegeeja, korereki mukore ebhibhiibhi.

Baefeso 6:11

Mugege ebhigwato bhyone bhya Nyamuwanga, korereki muture okuyingirira obhurigerige bhwa Syetaani na okwimereeguru tiritiri.

1 Timoteo 2:15

Nawe omugasi arichungurwa ku‑njira ya orwibhuro rwaye, akagenderera okwikomeesya mu‑riikirisya, mu‑ryenda, mu‑bhweru na okwiyingirira.

1 Timoteo 2:9

Kutyokutyo, eneenda abhagasi wone, bhafware emyenda jinu jiiyire ku‑bhagasi, bhabhe na jitungwa ja ekisi na bheeyingirire. Bhasige okwinojoorya kwa okusuka jifwiri, amwi kwa okufwara ebhiinu bhya jinaaryo na bhinu ebhibharangisya, amwi emyenda ja obhugusi obhurambu.

1 Timoteo 3:11

Abhagasi bheebhwe wone, bhabhe abha jitungwa ja ekisi, bhasige okubha abharomi bha abhaanu, bhabhe bha okwiyingirira, ka wone, bhabhe abheeyikanyibhwa mu‑misango joone.

1 Timoteo 3:2

Mbe, bhuri mwangarisi wa rikanisa, abhe omuunu unu atari‑ko esoro. Abhe murume wa omugasi umwi era, abhe omwiyingirisi, ka wone abhe na obhwengeeso, omuunu unu kaayaanwa echibharo, omufura na abhe omuunu unu kaamenya okwiyigisya.

2 Timoteo 4:17

Nawe Raatabhugenyi Yeesu aariga ari aamwi na anye. ꞉Aanaaye amanaga ga okuraasya Emisango joone ja Ekisi, korereki abhaanu bhoone bhanu bhatari Bhayawudi wone bhajuungwe. Ka wone Yeesu ꞉aamonʼyiisye okusooka mu‑rufu, kwa okubha naariga wuti niri mu‑kanwa ka itare.

Tiito 1:8

Tari abhe mufura, abhe omwendi wa ja ekisi, abhe na obhwengeeso, abhe omurengeresi, abhe omweru, abhe na obhuturo bhwa okwiyingirira omwene.

Tiito 2:12

Obhwitiriranya obhwo, obhuchiiyigisya okurema ebhibhiibhi na obhurigire bhwa echaaro, korereki chirame obhurame bhwa okwiyingirira, bhwa obhurengeresi na obhwa okuramya Nyamuwanga ku‑chaaro cha woori chinu.

Tiito 2:2

Iyigisya abhakaruka, bhabhe abheeyingirisi, bhabhe bha echibharo, bhabhe na obhwengeeso, bhabhe bharumateene chimwichimwi mu‑riikirisya, mu‑ryenda na mu‑bhwigumiirisya.

Tiito 2:4

Ku‑njira eyo, abhaja okwiyigisya abhagasi abhatooto, okwenda abharume bheebhwe na abhaana bheebhwe.

Tiito 2:6

Nyabhuriko abhasigaji, ubhasimbiisye korereki bheeyingirirega.

Yakobo 4:7

Mbe, mugayukega Nyamuwanga. Nawe mubhe nimuyingirira Syetaani, niwo aribheeruka.

1 Petero 1:13

Kurwa ejo, mubhe mutengeejere na mwiyangariiye ku‑jinu omuja okukora na mubhe mwiyingiriiye. Mutuure obhwiyikanyo bhwemwe bhwone mu‑bhwitiriranya bhunu muriramira, orusuku runu Yeesu Kirisito ariswerurwa.

1 Petero 4:7

Obhuteero bhwa emisango joone, bhuri yeeyi. Kurwa ejo, mwiyingirire na okwiyangarira mu‑misango joone, korereki mubhe na obhuturo bhwa okusabhwa.

Obhusweruro 12:10

Mbe, ninuungwa obhuraka obhunene okusooka mu‑rwire nibhwayika ati, “Woori, Nyamuwanga weeswe achungura abhaana bhaaye. Ku‑bhuturo bhwaye ambisya obhukama bhwaye! Eeresya obhuturo bhwa Kirisito waaye. Okubha omubhuusi wa abheekirisya abheejaasu eeserwe ku‑chaaro, omwene aariga ˆneemereeguru imbere ya Nyamuwanga okubhabhuura mu‑ngeta na mu‑mwisi.

Obhusweruro 12:12

Kurwa ejo, mukonderwe, emwe bhoone bhanu mwikaaye inguru mu‑rwire eyo! Jaabhabhona emwe bhanu mwikaaye ku‑chaaro na ebhibhumbwa bhya mu‑nyanja, okubha Syetaani eeserwe emwaro eyo agatigati yeemwe. Abhiyiriwe muno, kwa okubha kaamenya ati jisiku jaaye ni nooto.”

Obhusweruro 12:9

Riyoka eryo, niryeswa ku‑chaaro anu. Eryo, niyo injoka ya kara irya, inu eyitogwa ati, Mubheeyeresya amwi Syetaani. Eyijiga abhaanu bhoone ku‑chaaro bhakore ebhibhiibhi. Chimari ryeserwe ku‑chaaro anu aamwi na bhamaraayika bhaaryo.

Obhusweruro 20:10

Syetaani unu aabhajigaga, aryeswa mu‑nyanja ya omuriro omururu gwa emisimu ja echibhiriiti. Omwo nimwo ꞉ryeeserwe rityanyi rirya na omuragi omubheeyi urya. Abho bhoone bharinyaasibhwa omwo mu‑ngeta na mu‑mwisi, akajaanende koone.

Obhusweruro 20:2

ˆNaagwata riyoka rirya, injoka irya ya kara inu eyitogwa ati Mubheeyeresya amwi Syetaani, ˆnaaribhoya kwa riseega eryo na okuryesa mu‑ryobho rinu ritari na obhuteero. ˆNeegara orwigi rwa eryobho eryo na okurutuura‑ko orunabho. Omubheeyeresya oyo, ni bhusibhusi ariikara mu‑ryobho eryo emiguuga chiwumbi chimwi. Ku‑mwanya ogwo ataribha na obhuturo bhwa okujiga abhaanu ku‑chaaro anu. Aribha emiguuga chiwumbi chimwi jaawa, ariigurirwa kwa omwanya mufuyi era.