1 Petero 5:3 - Indagano Inyaaya mu-Chijita

³ Mwasiga okubha abhareefi abharuru ku‑bhanu omutangasya, tari rwa kutyo mwikaaye, mubhe echijekekanyo cha ekisi ku‑bheene.

INDAGANO INYA:YA

³ Mutatungira managa obutunge bwemwe, nawe mubega co kurorerwako kwiijo.

1 Petero 5:3 Iomraidhean Croise

Yowana 13:15

Naabheeresya echijekekanyo, korereki emwe wone mubhega nimukora rwa kutyo anye naabhakorera.

Ebikorwa 20:28

Woori, mubhega mwiyangariiye na murinde ebhise bhyone bhya abheekirisya, kwa okubha Mwoyo Mweru, abhateeye‑wo mubhe abhaangarisi. Mwangarire abheekirisya abho, kwa okubha Nyamuwanga ꞉aabhagurire kwa isagama ya omwana waaye.

1 Bakorinto 11:11

Nawe mu‑kubha na obhumwi na Raatabhugenyi, omugasi keeyikanya omurume, omurume wone keeyikanya omugasi.

1 Bakorinto 3:5

Mbe woori, Apooro niga? Ka Pawuro niga? Eswe chiri bhakosi bhanu Nyamuwanga ꞉aachitumire okubhasakira korereki mumwikirisye. Bhuri umwi kaakora emirimu jinu ꞉aayaaywe na Raatabhugenyi.

1 Bakorinto 3:9

Enaayika kutyo kwa okubha emirimu jinu anye na Apooro echikora ni ja Nyamuwanga, keemwe muri sambu ryaye, ka wone muri inju yaaye.

2 Bakorinto 1:24

Chinu eneenda okwayika ni ati, chitakwenda okutunga eriikirisya ryemwe, okubha murumateene mu‑riikirisya. Tari, eswe chiri bhakosi bha emirimu aamwi na emwe, inguru ya rikonderwa ryemwe.

2 Bakorinto 4:5

Eswe chitakuraasya emisango jeeswe, tari chiraasya ati Yeesu Kirisito ni Raatabhugenyi, ka eswe chiri bhakosi bheemwe inguru yaaye.

Bafilipi 3:17

Abhayiri bhaani, bhoone muruubhe jitungwa jaani. Ka wone mwiyigire okusooka ku‑bhaanu bhanu abharuubha jitungwa jeeswe.

Bafilipi 4:9

Mugenderere okukora jinu ꞉mweeyigiiye, jinu ꞉mwaramiiye, jinu ꞉mwoonguuwe okusooka kw‑anye na jinu ꞉mwarorere ninkora. Niwo, Nyamuwanga unu kaabhayaana omurembe arigenderera okubha aamwi na emwe.

1 Batesalonika 1:7

Kurwa ejo, noorwo emwe mwabheeye echijekekanyo cha ekisi, ku‑bheekirisya bhoone bha mu‑mukoowa gwa Makedooniya na ogwa Akaaya.

2 Batesalonika 3:9

Omwanya gunu chaakoraga kutyo, jitari ati chaariga chiteeyire okukena echiinu kw‑imwe, nawe ꞉chaakorere kutyo korereki chibhe chijekekanyo kw‑imwe, mwiyigire.

1 Timoteo 4:12

Omuunu woonewoone asige okukugaya, kwa okubha ati uchaari musigaji, tari wiikomeesye okubha echijekekanyo cha ekisi ku‑bheekirisya mu‑nyaayika, mu‑tungwa, mu‑ryenda, mu‑riikirisya na mu‑bhwima.

Tiito 2:7

Awe wone, ku‑misango ejo joone, ubhe echijekekanyo cha okwiyikanyibhwa cha ebhikorwa bhya ekisi. Mu‑meeyigisyo gaawo, weeresye echimari na echibharo.

1 Petero 2:9

Nawe emwe muri rwibhuro orusorwa, muri bhugabhisi bhwa echikama, echise cha abheeru, abhaanu bhanu mwawuuywe na Nyamuwanga, korereki muraasye ebhikorwa bhyaye ebhikuru. Omwene ꞉aabhabhirikiiye okusooka mu‑chisuute, mwingire mu‑bhweru bhwaye bhwa okuruguusya.