1 Petero 5:2 - Indagano Inyaaya mu-Chijita

² mubhe abhareefi bha ekisi ku‑bheekirisya bhanu ꞉mwayaaywe na Nyamuwanga. Ka wone, mubhaangarire mu‑mutima gwa ekisi, kutari kwa okusinyiirisibhwa, kutyo nikwo Nyamuwanga keenda. Musige okukora emirimu jeemwe kwa okurigira jipirya, tari okusooka mu‑mitima jeemwe joone.

INDAGANO INYA:YA

² Mure:bega nijo rya Nyamuanga rinu riri mwimwe, nimuriro:jaro:ja, tari kurwo kusinyirisibwa, nawe mu kwenda, rwa kutyo Nyamuanga kenda, amwi tari kurwo kurigira amabona go burigerige, nawe no mutima gunu gumaririye.

1 Petero 5:2 Iomraidhean Croise

Ruuka 12:32

“Emwe echise echitooto, mwasiga okuubhaya, kwa okubha Esomwana keenda okubhayaana obhukama bhwaye.

Ebikorwa 20:29

“Nimenyere ati omwanya gunu nirisigana na emwe, abhaanu abharuru bhariija okwiyingisya mw‑imwe. Bharikora rwa kutyo emisege ejiingira mu‑naama na bhataribhafwira echigongo wuri.

Ebikorwa 21:13

Nawe omwene ˆnaachisubhya ati, “Ni kurwa ki omurira, omwenda okunyita omwoyo. Niikirisiisye, kutari okubhoywa era Yerusareemu awo, tari noorwo okufwa inguru ya risiina rya Raatabhugenyi Yeesu.”

Barumi 1:15

Kurwa ejo, eniisigomba muno niije okuraasya Emisango ja Ekisi noorwo kw‑imwe Ruumi eyo.

1 Bakorinto 9:7

Ni musirikare ki unu kaagenda mw‑iremo kwa okwiriyira omwene? Ni murimi ki unu kaayamba emijabhiibhu mw‑isambu ryaye, ˆnaasiga okurya amatwasyo gaaryo? Ka wone ni mureefi ki unu kaareebha ebhitunganwa, ka ˆnaasiga okunywa amata ga ebhitunganwa ebhyo?

1 Timoteo 3:3

Asige okubha omukorwa, asige okubha omurwani, tari abhe mworooro, abhe omwendi wa omurembe na asige okubha na inamba imbiibhi ya okubhona jipirya.

1 Timoteo 3:8

Abhasakisi bha rikanisa wone, bhabhe na jitungwa ja ekisi, bhasige okubha abhabheeyi, bhasige okubha abhakorwa, bhasige okubha na inamba imbiibhi ya okubhona jipirya.

Tiito 1:11

Abho abhasingaarisya eriikirisya rya abhaanu mu‑misi myafu. Abheeyigisya emisango jinu jiteeyire, korereki bheebhonere jipirya ku‑njira imbiibhi eyo.

Tiito 1:7

Okubha omukaruka wa rikanisa, ni mwangarisi wa emirimu ja Nyamuwanga. Kutyo, kaakenʼywa abhe muunu unu atari‑ko esoro. Asige okubha na echigundu, asige okubha na risungu, asige okubha omukorwa, asige okubha omurwani, ka wone asige okubha na inamba imbiibhi ya okubhona jipirya.

Tiito 2:14

Omwene ꞉aasoosiisye obhurame bhwaye inguru yeeswe, korereki acheerure okusooka mu‑bhibhiibhi bhyone. ꞉Aacheesiisye, korereki chibhe abhaanu bhaaye omwene, bhanu echiigomba okukora ebhikorwa bhya ekisi.

Tiito 3:1

Ubhe nuwichukya abhaanu bhabhe na echibharo ku‑bhatungi na ku‑bhatangasya bhoone na okubhagayuka. Ni bhusibhusi wone, bhabhega bhatengeejere okukora bhuri echikorwa cha ekisi.

Filemoni 1:14

Nawe woori naarora ati, itari kisi okukora gwonegwone awe utanyikirisiisye. Nitakwenda okukusinyiirisya ati unsakire, tari eneenda ukore ja ekisi mu‑kwenda kwawo omwene.

Baeburania 12:15

Mwiyangarirega, korereki omuunu woonewoone aasiga okugerukirwa obhwitiriranya bhwa Nyamuwanga. Ka wone, aasiga okwibhuka omuunu agati yeemwe unu ari rwa riiti riruru. Omuunu rwa oyo kaja okubhanyaasya, na okujabhiyasya abhaanu bhaafu.

2 Petero 2:3

Mu‑kurigira kwebhwe kwa ebhiinu, bharibha nibhabhabhwira jingani ja orubheeyi, korereki bhabhone chinu abheenda okutura kw‑imwe. Nawe okusookerera kara, indamu yeebhwe yeerabhirwe na chimari bharisingaarisibhwa!