1 Petero 4:8 - Indagano Inyaaya mu-Chijita

⁸ Okukira ejo joone, mwendane muno, kwa okubha obhwendani obhubhisa obhwafu bhwa ebhibhiibhi.

INDAGANO INYA:YA

⁸ Okukira jo:ne mukome:rega okwendana, okuba okwenda nikwo okuswikira ebibi:bi byafu.

1 Petero 4:8 Iomraidhean Croise

1 Bakorinto 13:1

Noorwo nikaayika mu‑nyaayika ja abhaanu na mu‑nyaayika ja bhamaraayika, nawe araabha nitari na eryenda, enibha rwa omuunu unu kaamwaya era, inyaayika yaani eyo, ni ya kutyo era.

1 Bakorinto 13:4

Eryenda erikora omuunu eegumiirisye, abhe owa ekisi, atakubha na orwiso, atakwikuuya, ka wone atakubha na echigundu.

Bakolosai 3:14

Okukira ejo joone mwendane, kwa okubha eryenda niryo eribhagwatanya emwe bhoone mu‑bhumwi bhunu bhukuumiiye.

1 Batesalonika 3:12

Raatabhugenyi abhoongesye eryenda, korereki mugenderere okwendana muno emwe abheene kwa abheene, mwende wone abhaanu abhandi bhoone, rwa kutyo eswe wone echibheenda.

2 Batesalonika 1:3

Woori, abhayiri bheeswe, echikenwa chisiime Nyamuwanga bhuri rusuku ku‑songa yeemwe. Jiiyire chikore kutyo, kwa okubha eriikirisya ryemwe eriiyongesya muno, ka wone, eryenda ryemwe erigenderera okwiyongesya kw‑imwe abheene kwa abheene.

1 Timoteo 1:5

Obhukarariiye bhwa amaragiriro ago ni ati abheekirisya bheendane kwa omwoyo gwa ekisi, mu‑mutima mweru na mu‑riikirisya rya echimari.

Baeburania 13:1

Mugenderere okwendana abheene kwa abheene rwa abhayiri mu‑riikirisya.

Yakobo 5:12

Abhayiri bhaani mu‑riikirisya, okukira joone, mwasiga okurayira ku‑rwire, ku‑chaaro, noorwo ku‑chiinu choonechoone chirya. Mwayikega ati ni chimari jikabha jiri chimari na mwayikega ati ni wuri jikabha jiri wuri. Araabha mukakora kutyo, mutariramurwa.

Yakobo 5:20

mumenye ati, unu kaasubhya owa ebhibhiibhi okusooka mu‑bhibhiibhi bhyaye, kaabha awoniisye omwoyo gwa omuunu oyo okusooka mu‑rufu na okufwirwa echigongo ebhibhiibhi bhyaye ebhyafu.

1 Petero 1:22

Mbe, kwa okubha omuruubha ameeyigisyo ga echimari inguru ya Yeesu, emyoyo jeemwe jeesiibhwe. Woori mukomeerega okwenda abheejaanyu mu‑mwoyo gwa echimari,

3 Yoana 1:2

Woori, omwendwa waani, enikusabhirwa ubhe na amabhando maafu mu‑bhurame bhwawo. Ka wone enikusabhirwa ubhe na obhuwanga bhwa omubhiri gwawo, rwa bhunu uri nabhwo mu‑mutima gwawo.