1 Petero 4:16 - Indagano Inyaaya mu-Chijita

¹⁶ Omuunu woonewoone akanyaaka kwa okubha ni muruubhirisya wa Kirisito, asige okurora jiswaro. Tari akuuye Nyamuwanga, kwa okubha omuunu oyo, kaabhirikirwa kw‑isiina rya Kirisito.

INDAGANO INYA:YA

¹⁶ Nawe omu:nu wo:ne akanya:sibwa okuba ni Mukristo, asigega kwiswara, nawe akusyega Nyamuanga kurwa risi:na eryo.

1 Petero 4:16 Iomraidhean Croise

Ebikorwa 11:26

Ejire aamubhona, ˆnaamureeta Atiyookiya awo. Bharinaabha na Saawuri nibheekara na abheekirisya bharya omuguuga gwone, nibheeyigisyaga abhaanu bhaafu muno. Atiyookiya awo, niwo abheeyigisibhwa bha Yeesu ꞉bhaambire okutogwa ati, Abhakirisito.

Ebikorwa 26:28

Neeya Agiriipa ˆnaasubhya Pawuro ati, “Owitogera ati kwa emisango jaawo emityari jinu, owutura okunkora nibhe Omukirisito?”

Ebikorwa 28:22

Nawe eswe chaakeendere okuungwa jinu uri najo, kwa okubha chimenyere ati obhumwi bhwawo bhwa idiini obhwayikwa kubhiibhi bhuri rubhaara.”

Ebikorwa 5:41

Niwo jitumwa nibhasooka mw‑ibharaja rikuru rirya bhakondeeywe, kwa okubha ꞉bhaabharire ati bhaariga bheeyire okugaywa inguru ya risiina rya Yeesu.

Bafilipi 1:20

Enirindirira kwa obhwira bhunene na okwiyikanya ati, nitariiswasibhwa ku‑njira yooneyoone irya. Woori rwa kutyo jaariga jiri siku joone, nirigenderera okubha na ribhaasi nene korereki Kirisito akusibhwe ku‑joone jinu enikora, nibhe niri muwanga amwi niniitwa.

Bafilipi 1:29

Okubha mutayaaywe echibharo cha okwikirisya Kirisito era, tari muyaaywe wone echibharo cha okunyaasibhwa ku‑songa yaaye.

2 Timoteo 1:12

Anye eninyaaka inguru ya ejo. Nawe nitakwiswara, okubha enimumenya unu niikirisiisye. Ka wone enimenya ati, echimari chinu ꞉aanaaye, kaachibhiika kisi okukingira orusuku rwa okusubha kwaye.

Yakobo 2:7

Itari ati, nibho abho abhafuma risiina rya ekisi rya Yeesu Kirisito unu emwe muri abhaana bhaaye?

1 Petero 2:12

Mubhe na jitungwa ja ekisi agatigati ya abhaanu bhanu bhatakwikirisya Nyamuwanga, korereki araabha abhabhakuurisya ati, muri bhajabhi, bhaakarora ebhikorwa bhyemwe bhya ekisi, bhakusye Nyamuwanga ku‑songa yeemwe, orusuku rwa okusubha kwaye.

1 Petero 4:11

Omuunu woonewoone unu kaaraasya, araasye rwa omuunu unu kaaraasya emisango ja Nyamuwanga chimari. Unu kaasakira abhaanu abhandi, abhasakire ku‑bhuturo bhunu Nyamuwanga amuyaaye, korereki Nyamuwanga akusibhwe ku‑misango joone, okutura ku‑Yeesu Kirisito. Omwene oyo, ayaanwe rikusyo na obhuturo akajaanende koone. Jibhe kutyo.

1 Petero 4:14

Araabha mukafumwa ku‑songa ya risiina rya Kirisito, mumenye ati muyaaywe amabhando. Omusango ogwo, ogweresya ati Mwoyo wa Nyamuwanga owa rikusyo ari aamwi na emwe.

1 Petero 4:19

Kurwa ejo, bhanu abhanyaaka okuruubhana na okwenda kwa Nyamuwanga, bhamenye ati Nyamuwanga niwe Omubhumbi omwiyikanyibhwa. Kurwa ejo, bheetuure mu‑mabhoko gaaye, nibhagendereraga okukora ja ekisi.