1 Petero 4:13 - Indagano Inyaaya mu-Chijita

¹³ Nawe mukondererwe ati omunyaaka rwa kutyo Kirisito ꞉aanyaakire. Mukonderwe woori, korereki mubhe na risandabha ryone, omwanya gunu arisubha na rikusyo ryaye niriswerurwa abhwerubhweru.

INDAGANO INYA:YA

¹³ Nawe mukonderwega okuba musangiye mu kunya:sibwa kwa Kristo, korereki mukonderwe no kusandabira mu kusweruka kwa rikusyo ryae.

1 Petero 4:13 Iomraidhean Croise

Matayo 16:27

Okubha anye Omwana wa Omuunu, niriija aamwi na bhamaraayika bhaani mw‑ikusyo rya Raata waani. Niwo niririya bhuri muunu okuruubhana na ebhikorwa bhyaye.

Matayo 25:21

“Mwami waaye ˆnaamubhwira ati, ‘Ukorere kisi muno. Awe uri mugaya wa ekisi na omwiyikanyibhwa! Wamaabha omwiyikanyibhwa ku‑bhitooto bhinu ꞉naakuyaaye, kurwa ejo enija okukukora okubha omwangarisi wa obhuniibhi bhwafu. Nuuwuuje chikonderwe aamwi.’

Matayo 25:23

“Mwami waaye ˆnaamubhwira ati, ‘Ukorere kisi muno. Awe uri mugaya wa ekisi na omwiyikanyibhwa! Wamaabha omwiyikanyibhwa ku‑bhitooto bhinu ꞉naakuyaaye, kurwa ejo enija okukukora okubha omwangarisi wa obhuniibhi bhwafu. Nuuwuuje chikonderwe aamwi.’

Matayo 25:31

Yeesu ˆnaagenderera okwayika na abheeyigisibhwa bhaaye, ˆnaabhabhwira ati, “Omwanya gunu anye Omwana wa Omuunu niriija mw‑ikusyo ryani, aamwi na bhamaraayika abheeru bhoone, niwo niriinyanja rwa omukama ku‑chitebhe chaani cha rikusyo.

Matayo 25:34

“Niwo anye Omukama, niribhwira abhaanu bhanu bhari orubhaara rwani rwa ebhuryo ati, ‘Muuje, emwe bhanu Raata waani ayaaye amabhando. Mwingire mu‑bhukama bhunu Nyamuwanga abheeraabhiiye okusookerera bhunu ꞉aabhumbire echaaro.

Matayo 5:12

Mwichuke ati, nikwo kutyo abhaanu bhaanyaasyaga wone abharagi bhanu bhaariga bhari‑wo kara. Mukondererwega na okusandabha muno, kwa okubha Nyamuwanga abhabhiikiiye echiyaanwa echinene mu‑rwire.”

Mariko 8:38

Okubha omuunu woonewoone unu arindorera jiswaro anye, na emisango jaani, kw‑iyimbo rinu ribhiibhi, rinu abhaanu bhatari bheeyikanyibhwa imbere ya Nyamuwanga, anye Omwana wa Omuunu wone nirirorera omuunu oyo jiswaro, omwanya gunu niriija na bhamaraayika abheeru mw‑ikusyo rya Raata.”

Ruuka 17:30

“Nikwo kutyo jiribha orusuku runu anye Omwana wa Omuunu nirisubha ku‑chaaro anu, Nyamuwanga arinswerurwa.

Ebikorwa 16:25

Yejire yaakinga mu‑bhwire agati, Pawuro na Siira bhaasabhwaga na okumwimbira Nyamuwanga jinyimbo ja okumukusya, enu abhabhoywa abheejaabho nibhabhategeresyaga.

Ebikorwa 5:41

Niwo jitumwa nibhasooka mw‑ibharaja rikuru rirya bhakondeeywe, kwa okubha ꞉bhaabharire ati bhaariga bheeyire okugaywa inguru ya risiina rya Yeesu.

Barumi 5:3

Noorwo ebhinyaasyo bhyonebhyone bhikabha nibhichiija‑ko, eswe chirigenderera okukonderwa, kwa okubha echimenya ati ebhinyaasyo ebhichireetera obhwigumiirisya.

Barumi 8:17

Mbe, araabha chiri bhaana bha Nyamuwanga, chaabha abhanjusi bhaaye. Chiriramira omwandu gweswe aamwi na Kirisito. Nawe chinu echikenwa kw‑iswe woori ni ati, chisangire mu‑bhinyaasyo aamwi na Kirisito, korereki eswe wone chisangire aamwi nage mw‑ikusyo ryaye.

Barumi 8:18

Anye enirora ati, ebhinyaasyo bhyeswe bhya omwanya gunu, chitari chiinu, nikabhiinganyirisya na rikusyo rinu Nyamuwanga arichiyaana ku‑mwanya gunu oguuja.

2 Bakorinto 1:5

Rwa kutyo ebhinyaasyo ebhifura kw‑iswe inguru ya Kirisito, nikwo kutyo Nyamuwanga kaagenderera okuchifungʼamya okutura ku‑Kirisito.

2 Bakorinto 1:7

Obhwiyikanyo bhweswe kw‑imwe ni bhunene, kwa okubha chimenyere ati, kutyo emwe omunyaaka rwa eswe, nikwo kutyo omufungʼamibhwa rwa eswe.

2 Bakorinto 4:10

Siku joone emibhiri jeeswe jiri mu‑ngʼanga ya okufwa rwa Yeesu, korereki obhuwanga bhwa Yeesu bhubhuurisibhwe ku‑mibhiri jeeswe.

2 Bakorinto 4:17

Enaayika kutyo, kwa okubha ebhinyaasyo bhyeswe ni bhyangu na ni bhya kasinjeeke era. Ka wone, ebhichireetera rikusyo rya akajaanende koone. Rikusyo eryo ni ryafu muno, okukira ebhinyaasyo bhyone.

Bafilipi 3:10

Enikena nisombookerwe Kirisito muno na okubha na amanaga ganu Kirisito aariga ari nago omwanya gwa okusuuruka kwaye. Enikena obhumwi bhunu obhusooka mu‑kunyaaka rwa kutyo omwene ꞉aanyaakire, korereki nisusane nage mu‑kufwa kwaye.

Bakolosai 1:24

Woori enikondererwa ebhinyaasyo bhinu enibhona inguru yeemwe. Mu‑mubhiri gwani enisangira ebhinyaasyo bhya Kirisito inguru ya omubhiri gwaye, omubhiri ogwo, niryo rikanisa.

2 Timoteo 2:12

Araabha echiigumiirisya, chiritunga aamwi nage. Araabha echimurema, omwene wone arichirema.

1 Petero 1:13

Kurwa ejo, mubhe mutengeejere na mwiyangariiye ku‑jinu omuja okukora na mubhe mwiyingiriiye. Mutuure obhwiyikanyo bhwemwe bhwone mu‑bhwitiriranya bhunu muriramira, orusuku runu Yeesu Kirisito ariswerurwa.

1 Petero 2:21

Omukenwa mwigumiirisye kutyo, kwa okubha noorwo Kirisito omwene ꞉aanyaasiibhwe inguru yeemwe. Ejire aakora kutyo, ꞉aabhasigiiye echijekekanyo, korereki muruubhe orugere rwaye.

1 Petero 5:1

Woori, enaayika na emwe abhakaruka bha rikanisa. Anye niri omukaruka oweejaanyu, unu ꞉neeroreeye omwene kutyo Kirisito ꞉aanyaasiibhwe. Ka wone, anye niri omusangisi oweejaanyu wa rikusyo rinu riri yeeyi okuswerurwa. Kurwa ejo, enibheerembeeresya emwe,

1 Petero 5:10

Nyamuwanga wa obhwitiriranya bhwone, ꞉aabhabhirikiiye korereki musangire aamwi nage mw‑ikusyo ryaye rya akajaanende koone, aamwi na Kirisito. Omunyaaka kwa omwanya mutooto era, nawe Nyamuwanga omwene aribhakomeesya, aribhayaana amanaga na okubhakuumisya.

Yuuda 1:24

Nyamuwanga niwe owa obhuturo bhwa okubhaangarira, korereki mwasiga okwikuujura. Ka wone, kaatura okubheemereegusyu mw‑ikusyo ryaye, nimusandabhaga muno, mutaabha‑ko esoro.

Obhusweruro 1:7

Muringire! Ariija ari ku‑meere! Abhaanu bhoone bharimurora, noorwo bhanu ꞉bhaamusomere, wone bharimurora. Jingʼanda joone mu‑chaaro jiririra inguru yaaye. Chimari nikwo kutyo jiribha. Jibhe kutyo.

Obhusweruro 1:9

Anye Yowana niri omuyiri waanyu mu‑riikirisya. Echisangira aamwi mu‑bhwigumiirisya ebhinyaasyo inguru ya Yeesu na obhukama bhwaye. Naariga nisirirwe kw‑isinga rinu eritogwa ati Paatimo. ꞉Naasirirwe kw‑isinga eryo rwa omubhoywa ku‑songa ya okuraasya omusango gwa Nyamuwanga na okusoosya obhubhambaasi inguru ya Yeesu.