1 Petero 3:21 - Indagano Inyaaya mu-Chijita

²¹ Amanji ago, ni chijekekanyo cha obhubhatiijo bhwemwe, kwa okubha omwanya gunu omubhatiijibhwa, eyeeresya ati Nyamuwanga kaabhachungura ku‑njira ya obhusuuruko bhwa Yeesu Kirisito. Obhubhatiijo obhwo, bhutari bhwa okusoosya‑ko riiko ku‑mibhiri jeemwe, tari ni kubha na omutima omweru ku‑Nyamuwanga.

INDAGANO INYA:YA

²¹ Nemwe one woryanu omuonyibwa mu cijekekanyo ce:ja:bo eco, nikwo okubatijibwa, tari kuso:syao riko ku mubiri, nawe ni kusabwa omutima gwe kisi ku Nyamuanga, kurwo kusu:ka kwa Yesu Kristo.

1 Petero 3:21 Iomraidhean Croise

Matayo 28:19

Mbe, mugende ku‑bhaanu bha amaanga goone mubhakore okubha abheeyigisibhwa bhaani. Mugende mukore kutyo kwa okubhabhatiija kw‑isiina rya Raata, na erya Omwana na erya Mwoyo Mweru,

Mariko 16:16

Omuunu woonewoone unu anyikirisiisye na okubhatiijibhwa, arichungurwa. Nawe, omuunu woonewoone unu aremere okunyikirisya, ariramurwa.

Yowana 13:9

Simooni Peetero ˆnaamusubhya ati, “Raatabhugenyi awe, araabha ni kutyo, siga okunyosya amaguru era, tari nuunyosye mabhoko gaani na omutwe gwani wone.”

Ebikorwa 16:33

Omwanya ogwoogwo gwa mu‑ngeta, omusirikare ˆnaagega Pawuro na Siira, ˆnoosya ebhiwuta bhyebhwe, ˆnaabhatiijibhwa awoawo aamwi na abhaanu bhaaye bhoone.

Ebikorwa 2:38

Peetero ˆnaabhabhwira ati, “Bhuri umwi weemwe ate ebhibhiibhi bhyaye, na abhatiijibhwe kw‑isiina rya Yeesu Kirisito, korereki afwirwe echigongo ebhibhiibhi bhyaye, emwe omuja okuyaanwa echiyaanwa cha Mwoyo Mweru.

Ebikorwa 22:16

Woori owurindirira ki? Imereeguru! Ubhatiijibhwe, weesibhwe ebhibhiibhi bhyawo, usabhwe Nyamuwanga akufwire echigongo.’

Ebikorwa 8:36

Omwanya gunu bhaariga nibhagenderera na orugendo ku‑njira eyo, nibhakinga anu gaariga gari amanji. Omukuru oyo ˆnaabhwira Firipo ati, “Rora, anu gari‑wo amanji! Niki chinu echinganya okubhatiijibhwa?” [

Ebikorwa 8:37

Firipo ˆnaamubhwira ati, “Ukeekirisya Yeesu Kirisito kwa omwoyo gwawo gwone, owutura okubhatiijibhwa.” ˆNaamubhwira ati, “Eniikirisya ati, Yeesu Kirisito ni Mwana wa Nyamuwanga.”]

Barumi 5:14

Woori, abhaanu bhoone bha omwanya ogwo, bhaariga nibhafwa. Orufu ꞉rwabhatungire, noorwo kutyo ꞉bhataakorere echibhiibhi cha okunyamura echiraagiro rwa chinu Adaamu ꞉aakorere. Mbe, Adaamu aariga ari chijekekanyo cha Yeesu Kirisito unu aakeejire omwanya gundi.

1 Bakorinto 12:13

Enaayika kutyo, kwa okubha eswe bhoone, chibhe Abhayawudi amwi abhaanu bhanu bhatari Bhayawudi, chibhe abhagaya amwi abheetaage, ꞉chaabhatiijiibhwe mu‑Mwoyo umwi na okuyaanwa Mwoyo umwi oyo, korereki chibhe omubhiri gumwi.

1 Bakorinto 4:6

Abhayiri bhaani mu‑riikirisya, naayika emisango ejo joone inguru yaani na Apooro, korereki chibhe echijekekanyo kw‑imwe. Okuruubhana na echijekekanyo echo, musombookerwe jinu ejaayikwa mu‑nyaayika inu ati, “Mwasiga okusaagirisya jinu ꞉jaakaamirwe mu‑Bhikaame Ebhyeru.” Araabha omuruubha inyaayika eyo, ataribha‑wo omuunu woonewoone unu arikuuyisya omuunu umwi na okugaya owundi.

2 Bakorinto 1:12

Mbe, eswe echiikuuya ku‑musango gumwi. Emitima jeeswe ejichibhambaarira ati, chiikaaye kwa obhurengeresi na okwa obhwiyikanyibhwa bhunu obhusooka ku‑Nyamuwanga. ꞉Chitaakorere kutyo okuruubhana na obhwengeeso bhwa echinyamuunu, tari ku‑bhwitiriranya bhwa Nyamuwanga. Nikwo kutyo chiikaaye ku‑chaaro anu, na chimwichimwi mu‑bhungwani bhweswe na emwe.

2 Bakorinto 7:1

Woori, abheendwa bhaani, Nyamuwanga ꞉aaragire okuchiyaana ejo joone. Kurwa ejo, chiiyesye kwa okusigana na obhujabhi bhwone, bhwa echinyamubhiri na obhwa echinyamwoyo. Chibhe abheeru ku‑misango joone, ku‑njira ya okuramya Nyamuwanga.

Bagalatia 3:27

Emwe bhoone bhanu ꞉mwabhatiijiibhwe, muri na obhumwi na Kirisito, muri wuti mufwaye Kirisito.

Baefeso 5:26

꞉Aakorere kutyo, korereki aryesye kwa okuryosya mu‑manji ga obhubhatiijo na ku‑njira ya omusango gwa Nyamuwanga.

Bakolosai 2:12

Omwanya gunu ꞉mwabhatiijiibhwe, ꞉mwafuuwe, nimusiikwa aamwi na Kirisito. Nimwiya nimusuuruka aamwi nage, kwa okubha ꞉mweekirisiisye amanaga ga Nyamuwanga unu ꞉aamusuuruuye okusooka mu‑bhafuuwe.

1 Timoteo 1:5

Obhukarariiye bhwa amaragiriro ago ni ati abheekirisya bheendane kwa omwoyo gwa ekisi, mu‑mutima mweru na mu‑riikirisya rya echimari.

1 Timoteo 6:12

Komeera okurwana kisi riremo rya eriikirisya, korereki wiibhonere obhuwanga bhwa akajaanende. Obhuwanga obhwo nibhwo ꞉waabhirikiriiywe. Awe omwene ꞉waasoosiisye obhubhambaasi bhwa echimari imbere ya abhabhambaasi bhaafu.

Baeburania 10:22

Kurwa ejo chifogere imbere ya Nyamuwanga chiri na emyoyo emyeru na eriikirisya rya echimari, okubha Nyamuwanga eesiisye emitima jeeswe emijabhi ku‑njira ya isagama ya Yeesu, na oosiisye emibhiri jeeswe na amanji ameeru.

Baeburania 11:19

Bhurayimu ꞉eekirisiisye ati Nyamuwanga ari na obhuturo noorwo bhwa okusuurura Isaaka okusooka mu‑bhafuuwe. Bhurayimu ꞉aabhwene rindi Isaaka unu aariga ari wuti afuuwe, ˆnaasuururwa.

Baeburania 13:18

Mugenderere okuchisabhirwa. Chimenyere chimari ati emitima jeeswe ni myeru, kwa okubha cheendere okukora jinu jiri ja obhurengeresi ku‑bhaanu bhoone.

Baeburania 9:14

Nawe isagama ya Kirisito iri na amanaga muno okukira orwamba rwa jityanyi ejo! Omwene ꞉eesoosiisye ku‑Nyamuwanga ku‑bhuturo bhwa Mwoyo wa akajaanende koone, korereki abhe echoogo chinu chitari na esojorero ryoneryone. Isagama yaaye niyo eyicheesya emitima jeeswe inguru ya ebhikorwa bhinu ebhireeta orufu, korereki chikorere emirimu Nyamuwanga omuwanga.

Baeburania 9:24

Kirisito ꞉ateengiiye Ayeeru a Ayeeru anu oombakirwe na omuunu. Orubhaara orwo ni chijekekanyo cha orubhaara rwa echimari runu ruri mu‑rwire. Tari omwene ꞉eengiiye mu‑rwire orwene. Eyo niyo kaachisabhirwa woori imbere ya Nyamuwanga.

1 Petero 1:3

Akusibhwe Nyamuwanga, Esemwene Raatabhugenyi weeswe Yeesu Kirisito. Ku‑chigongo chaaye echaafu, ꞉aachiibhuuye rwa kabhiri ku‑njira ya okusuurura Yeesu Kirisito okusooka mu‑bhafuuwe. Kurwa ejo, chibhwene obhwiyikanyo obhwa obhuwanga.

1 Petero 3:16

Mubhega na emitima emyeru, korereki bhanu abhabhakuurisya amabhiibhi bhaakarora akatungiiywe keemwe ka ekisi ku‑Kirisito, bheesware.