1 Petero 3:18 - Indagano Inyaaya mu-Chijita

¹⁸ Kirisito omwene ꞉aanyaakire rumwi era inguru ya ebhibhiibhi bhya abhaanu bhanu bhatari bha rirenga, korereki achigwatanye na Nyamuwanga. Nawe omwene aariga ari murengeresi. ꞉Eetirwe echinyamubhiri, nawe ˆnaakorwa omuwanga ku‑bhuturo bhwa Mwoyo Mweru.

INDAGANO INYA:YA

¹⁸ Okuba na Kristo one anya:sibwe rumwi era kurwe bibi:bi. Omurenge:resi nanya:sibwa kubwa banu batari barenge:resi, korereki acire:te ku Nyamuanga. E:tirwe mu mubiri, nawe nakorwa muanga mu mwoyo.

1 Petero 3:18 Iomraidhean Croise

Matayo 27:19

Bhunu Piraato aariga eenyanjire ku‑chitebhe chaaye cha indamu, omugasi waaye ˆnaamutumira omusango ati, “Waasiga okukorera omuunu oyo echibhiibhi choonechoone kwa okubha atari na echikayo. Naanyaaka muno mu‑ngeta mu‑chirooto inguru yaaye.”

Matayo 27:24

Piraato ejire aamenya ati atakutura okuyindura obhwiganirisya bhwa abhaanu bharya ka wone ꞉bhaambire injogere, ˆnaagega amanji ˆneesaabha amabhoko gaaye imbere yeebhwe. Niwo ˆnaabhabhwira ati, “Anye nitari na echikayo choonechoone ku‑rufu rwa omuunu omurengeresi unu. Omusango gunu gubhe inguru yeemwe abheene!”

Yowana 16:10

Aribheeresya ati anye niri murengeresi, kwa okubha enigenda ku‑Raata na mutarindora rindi.

Ebikorwa 22:14

“ˆNaagenderera okumbwira ati, ‘Nyamuwanga wa bhasaaja weeswe akusorere, korereki umenye okwenda kwaye, urore Omurengeresi waaye na okuungwa obhuraka bhwaye omwene.

Ebikorwa 3:14

Yeesu aariga ari mweru na omurengeresi, nawe emwe ꞉mwamuremere, nimusabhwa Piraato ati, omwiti asuruumurwe.

Barumi 1:4

nawe kwa Mwoyo Mweru, Nyamuwanga ꞉aasorere Omwana waaye okubha owa obhuturo bhwone kwa okumusuurura okusooka mu‑bhafuuwe. Yeesu Kirisito oyo, niwe Raatabhugenyi weeswe.

Barumi 4:25

Nyamuwanga ꞉aasoosiisye Yeesu, korereki afwe inguru ya ebhibhiibhi bhyeswe, ˆnaamusuurura okusooka mu‑bhafuuwe, korereki eswe chibharwe okubha abharengeresi imbere yaaye.

Barumi 5:2

Ku‑njira ya okwikirisya Yeesu, Nyamuwanga achiyaaye obhwitiriranya bhwaye. Noorwo woori echigenderera okuramira obhwitiriranya obhwo. Echikonderwa muno, kwa okubha echiiyikanya ati chirisangira aamwi na Nyamuwanga mw‑ikusyo ryaye.

Barumi 8:11

Mwoyo Mweru unu eekaaye mu‑myoyo jeemwe, niwe Mwoyo wa Nyamuwanga unu ꞉aasuuruuye Kirisito Yeesu okusooka mu‑bhafuuwe. Kurwa ejo, Nyamuwanga ariyaana obhuwanga emibhiri jeemwe jinu ejifwa, ku‑managa ga Mwoyo Mweru unu eekaaye mu‑myoyo jeemwe.

Barumi 8:3

Ebhiraagiro bhya Muusa bhyariga bhitari na amanaga ga okuchiyaana obhwitaage, ku‑songa ya obhusimukwa bhweswe bhwa echibhiibhi. Nawe chinu ebhiraagiro ebhyo ꞉bhyataamiibhwe okukora, Nyamuwanga ꞉aachikorere. ꞉Aatumire Omwana waaye omwene, aaje kw‑iswe ku‑chaaro anu ari na omubhiri rwa eswe abha ebhibhiibhi, korereki eesoosye rwa echoogo inguru ya ebhibhiibhi bhyeswe. Kwa okukora kutyo, Nyamuwanga ꞉aayaaye Yeesu ebhitiibha inguru ya ebhibhiibhi bhya abhaanu,

2 Bakorinto 1:24

Chinu eneenda okwayika ni ati, chitakwenda okutunga eriikirisya ryemwe, okubha murumateene mu‑riikirisya. Tari, eswe chiri bhakosi bha emirimu aamwi na emwe, inguru ya rikonderwa ryemwe.

2 Bakorinto 13:4

Ni chimari ati Kirisito ꞉aabhambirwe ku‑musarabha rwa omuunu omujorobhoke, nawe woori, ni muwanga ku‑bhuturo bhwa Nyamuwanga. Nyabhuriko eswe wone chiri bhajorobhoke rwa kutyo Kirisito aariga ari, nawe omuja okuchirora chiri bhaanga aamwi na omwene ku‑bhuturo bhwa Nyamuwanga.

2 Bakorinto 5:21

Kirisito aariga atari na echibhiibhi choonechoone, nawe Nyamuwanga ꞉aamubharire rwa owa ebhibhiibhi inguru yeeswe, korereki eswe chibharwe okubha abharengeresi imbere ya Nyamuwanga okutura ku‑Kirisito.

Bagalatia 1:4

Kirisito ꞉aasoosiisye obhurame bhwaye, inguru ya okusoosya‑wo ebhibhiibhi bhyeswe, korereki achichungure okusooka mu‑bhibhiibhi bhyone bhya echaaro chinu cha woori. ꞉Aakorere kutyo, okuruubhana na okwenda kwa Nyamuwanga Raata weeswe.

Bagalatia 3:13

Kirisito ꞉aacheeruuye okusooka mu‑chiyiimo cha ebhiraagiro kwa okugega echiyiimo echo, inguru yeeswe. Ebhikaame Ebhyeru ebhyayika ati, “Woonewoone unu abhambirwe ku‑musarabha, eeyiimirwe.”

Baefeso 3:12

Mbe, mu‑kubha na obhumwi na Kirisito na ku‑njira ya eriikirisya ryeswe ku‑mwene, chiri na obhuturo, obhwitaage na ribhaasi rya okufogerera Nyamuwanga.

Tiito 2:14

Omwene ꞉aasoosiisye obhurame bhwaye inguru yeeswe, korereki acheerure okusooka mu‑bhibhiibhi bhyone. ꞉Aacheesiisye, korereki chibhe abhaanu bhaaye omwene, bhanu echiigomba okukora ebhikorwa bhya ekisi.

Baeburania 10:10

Woori, kwa okubha Yeesu aariga ˆnaakora okwenda kwa Nyamuwanga, Nyamuwanga kaacheesya ebhibhiibhi bhyeswe ku‑njira ya Yeesu Kirisito okwisoosya rumwi okubha echoogo.

Baeburania 9:14

Nawe isagama ya Kirisito iri na amanaga muno okukira orwamba rwa jityanyi ejo! Omwene ꞉eesoosiisye ku‑Nyamuwanga ku‑bhuturo bhwa Mwoyo wa akajaanende koone, korereki abhe echoogo chinu chitari na esojorero ryoneryone. Isagama yaaye niyo eyicheesya emitima jeeswe inguru ya ebhikorwa bhinu ebhireeta orufu, korereki chikorere emirimu Nyamuwanga omuwanga.

Baeburania 9:26

Araabha jikabheeye jitari kutyo, mbe, akeenderwe okunyaaka kwiya kaafu okusookerera okubhumbwa kwa echaaro. Nawe woori mu‑siku ja obhuteero jinu, eejire na okwisoosya okubha echoogo rumwi era, korereki achisoosye‑ko ebhibhiibhi bhyeswe.

Baeburania 9:28

Nyabhuriko Kirisito ꞉aasoosiibhwe okubha echoogo rumwi era, korereki asoosye‑wo ebhibhiibhi bhya abhaanu bhaafu. Kirisito ariija rwa kabhiri, nawe omwanya ogwo atariija okusoosya‑wo ebhibhiibhi. Tari ariija okuchungura abhaanu bhanu abhamurindirira mu‑bhwikomeesya.

Yakobo 5:6

꞉Mwaramuuye na okwita abhaanu abharengeresi, bhanu bhaariga bhatakuyaajana na emwe.

1 Petero 3:19

ˆNaagenda anu emyoyo ja abhafuuwe jibhoyerwe, ˆnaabharaasisya omusango gwa Nyamuwanga.

1 Petero 4:1

Mbe, Kirisito ꞉aabhwene ebhinyaasyo ku‑mubhiri gwaye, emwe wone mubhe mwimaririiye okubhona ebhinyaasyo rwa omwene. Enaayika kutyo, kwa okubha omuunu unu eekirisiisye okunyaaka echinyamubhiri, atakutura okugenderera okutungwa na ebhibhiibhi.

1 Petero 4:6

Okubha inu niyo isonga abhaanu bhanu bharafuuwe, ꞉bhaaraasisiibhwe Emisango ja Ekisi, korereki noorwo kutyo ꞉bhaaramuuywe echinyamubhiri rwa abhandi, bhabhe abhaanga ku‑bhuturo bhwa Mwoyo Mweru, rwa kutyo Nyamuwanga ari.

1 Yoana 1:9

Tari, araabha chikata ebhibhiibhi bhyeswe, Nyamuwanga kaachifwira echigongo ebhibhiibhi bhyeswe na okucheesya obhujabhi bhwone, kwa okubha omwene ni mwiyikanyibhwa ka wone ni murengeresi.