1 Petero 2:9 - Indagano Inyaaya mu-Chijita

⁹ Nawe emwe muri rwibhuro orusorwa, muri bhugabhisi bhwa echikama, echise cha abheeru, abhaanu bhanu mwawuuywe na Nyamuwanga, korereki muraasye ebhikorwa bhyaye ebhikuru. Omwene ꞉aabhabhirikiiye okusooka mu‑chisuute, mwingire mu‑bhweru bhwaye bhwa okuruguusya.

INDAGANO INYA:YA

⁹ Nawe emwe muri rwiburo rusorwa, muri bagabisi be cikama, abo ruganda rweru, ka muri ba:nu bo butunge, korereki mukumusyega ebyo bwana bya Unu ababirikiye okuso:ka mu cisu:te mwingire mu bweru bwae obwo kurugu:ra.

1 Petero 2:9 Iomraidhean Croise

Matayo 4:16

Abhaanu bhanu bheekaaye mu‑chisuute, bhaarora obhweru bhwafu, na bhanu bheekaaye mw‑irengesi rya orufu, bhaamurikirwa obhweru.”

Matayo 5:16

Nikwo kutyo, obhweru bhwemwe obhukenwa bhumurikirega abhaanu, korereki bharore ebhikorwa bhyemwe bhya ekisi, bhakusye Esomwana unu ari mu‑rwire.

Ruuka 1:79

ka wone bhumurikire abhaanu bhoone bhanu bheekaaye mu‑chisuute, na mw‑irengesi rya orufu. Arichitangasya okutura ku‑njira ya omurembe.”

Yowana 17:19

Eniisoosya okukukorera emirimu ku‑songa yeebhwe, korereki abheene wone bheesibhwe mu‑chimari.

Ebikorwa 20:28

Woori, mubhega mwiyangariiye na murinde ebhise bhyone bhya abheekirisya, kwa okubha Mwoyo Mweru, abhateeye‑wo mubhe abhaangarisi. Mwangarire abheekirisya abho, kwa okubha Nyamuwanga ꞉aabhagurire kwa isagama ya omwana waaye.

Ebikorwa 26:18

Ubheegure ameeso, bhasooke mu‑chisuute bheengire mu‑bhweru. Ka wone bhasooke mu‑mabhoko ga Syetaani, bhayindukire Nyamuwanga, korereki kwa okwikirisya, bhafwirwe echigongo ebhibhiibhi bhyebhwe, bhabhe aamwi na abheeru abhandi bhoone.’

Ebikorwa 26:28

Neeya Agiriipa ˆnaasubhya Pawuro ati, “Owitogera ati kwa emisango jaawo emityari jinu, owutura okunkora nibhe Omukirisito?”

Barumi 9:24

Abhaanu abho neeswe, bhanu ꞉aabhirikiiye. ꞉Ataabhirikiiye Abhayawudi era, tari noorwo bhanu bhatari Bhayawudi.

1 Bakorinto 3:17

Woori, araabha omuunu akanyamura riyekaru rya Nyamuwanga, omuunu oyo, Nyamuwanga arimunyamura, kwa okubha riyekaru rya Nyamuwanga ni ryeru, na riyekaru eryo niwe emwe.

Baefeso 1:14

Mwoyo Mweru oyo, niwe echigwatirisyo cha omwandu gwaye kw‑iswe bhanu chiri bhaana bhaaye. Omusango ogwo, ogweresya abhwerubhweru ati Nyamuwanga aryerura chimwi abhaanu bhoone bhanu abhamwiyikanya. Chimukuuye inguru ya rikusyo ryaye!

Baefeso 1:6

Kurwa ejo, echikuuya Nyamuwanga inguru ya rikusyo rya obhwitiriranya bhwaye, bhunu achiyaaye ku‑njira ya Omwana waaye omwendwa.

Baefeso 3:21

Yee, akusibhwe kw‑ikusyo ryaye rinu eribhonekana mw‑ikanisa na ku‑Kirisito Yeesu noorwo ku‑mayimbo goone, akajaanende koone. Jibhe kutyo.

Bafilipi 3:14

Eniikomeesya okubhirima korereki ku‑bhuteero nibhone obhuyigi na okuyaanwa echiyaanwa. Echiyaanwa echo nibhwo obhubhirikisi bhwa Nyamuwanga bhwa okwingira mu‑rwire ku‑njira ya Kirisito Yeesu.

Bakolosai 1:13

Achichunguuye okusooka mu‑bhutungi bhwa echisuute, achifurusiisye okusooka omwo na okuchiingisya mu‑bhukama bhwa Omwana waaye omwendwa.

2 Timoteo 1:9

Omwene ꞉aachichunguuye, ˆnaachibhirikira chibhe abhaana bhaaye abheeru. ꞉Ataakorere kutyo kwa okubha ati ebhikorwa bhyeswe ni bhya ekisi, tari ꞉aakorere kutyo mu‑kwenda kwaye na obhwitiriranya bhwaye. ꞉Aachiyaaye obhwitiriranya obhwo inguru ya Kirisito Yeesu, noorwo achaari okubhumba echaaro.

Tiito 2:14

Omwene ꞉aasoosiisye obhurame bhwaye inguru yeeswe, korereki acheerure okusooka mu‑bhibhiibhi bhyone. ꞉Aacheesiisye, korereki chibhe abhaanu bhaaye omwene, bhanu echiigomba okukora ebhikorwa bhya ekisi.

1 Petero 1:2

Kara awo, Raata Nyamuwanga ꞉aatangatire okubhamenya, ˆnaabhasora, Mwoyo waaye ˆnaabhakora mubhe bheeru, korereki mugayuke Yeesu Kirisito na okwesibhwa mu‑sagama yaaye. Obhwitiriranya na omurembe okusooka ku‑Nyamuwanga bhyongesibhwe kw‑imwe.

1 Petero 2:5

Mumenye ati, emwe wone muri rwa amabhuyi amawanga, Nyamuwanga kaabhoombaka mubhe inju ya echinyamwoyo. Ka wone abhawuuwe na okubhakora mubhe abhagabhisi bhanu abhasoosya ebhyogo bhya echinyamwoyo bhinu ebhimukondisya ku‑njira ya Yeesu Kirisito.

1 Petero 4:11

Omuunu woonewoone unu kaaraasya, araasye rwa omuunu unu kaaraasya emisango ja Nyamuwanga chimari. Unu kaasakira abhaanu abhandi, abhasakire ku‑bhuturo bhunu Nyamuwanga amuyaaye, korereki Nyamuwanga akusibhwe ku‑misango joone, okutura ku‑Yeesu Kirisito. Omwene oyo, ayaanwe rikusyo na obhuturo akajaanende koone. Jibhe kutyo.

Obhusweruro 1:6

Achikorere okubha obhukama bhwa abhagabhisi korereki chikorere emirimu Nyamuwanga, Esemwene. Omwene ayaanwe rikusyo na obhuturo akajaanende koone! Jibhe kutyo.

Obhusweruro 20:6

Obhusuuruko bhurya bhwa abhaana bha Nyamuwanga nibhwo obhusuuruko bhwa okwamba. Bhari na amabhando bhanu bharisuuruka mu‑bhusuuruko obhwo, ka wone nibho abheeru bha Nyamuwanga. Okubha okufwa kwa kabhiri kutaribha na amanaga inguru yeebhwe. Abho bharibha abhagabhisi bha Nyamuwanga na Kirisito, bharitunga aamwi nage ku‑mwanya ogwo gwa emiguuga chiwumbi chimwi.

Obhusweruro 5:10

Awe ꞉waakorere abhaanu abho, bhabhe obhukama bhwa abhagabhisi, bhakorere Nyamuwanga emirimu, wone bharitunga ku‑chaaro.”