1 Petero 2:6 - Indagano Inyaaya mu-Chijita

⁶ Okubha mu‑Bhikaame Ebhyeru jikaamirwe ati, “Murore, enituura ribhuyi rinene rya orufuka mu‑musi gwa Sayuuni, ka wone niryo ribhuyi rya obhurambu obhunene rinu ꞉naasorere. Omuunu woonewoone unu ariikirisya unu ari ribhuyi eryo atariiswasibhwa noorwo na akatyari!”

INDAGANO INYA:YA

⁶ Okuba binu byandikirwe biriwo binu ebyaika ati, Rora, enitu:ra mu Sayuni ebui ekuru erya ku sonde, rinu risorerwe ne ryo bugusi burambu. Mbe unu mwamwikirisya atariswasibwa na katyari.

1 Petero 2:6 Iomraidhean Croise

Matayo 12:18

“Ringira, unu niwe omukosi waani unu nisorere. Unu niwe omwendwa waani unu kaankondisya omwoyo gwani. Nirimuyaana Mwoyo gwani, korereki araasye obhuchungusi ku‑bhaanu bha amaanga goone.

Mariko 12:10

Kasi, muchaariga okusoma jinu jikaamirwe mu‑Bhikaame Ebhyeru bhinu? Jikaamirwe ati, ‘Ribhuyi rinu abhoombaki ꞉bhaaremere, niryo ryabha ribhuyi rinene rya orufuka.

Ruuka 20:17

Neeya, Yeesu ˆnaabharingira nekeneke, ˆnaabhabhuusya ati, “Mbe, obhugajuro bhwa Ebhikaame bhinu niki? ‘Ribhuyi rinu abhoombaki ꞉bhaaremere, niryo ryabha ribhuyi rinene rya orufuka.’

Ruuka 23:35

Abhaanu bhaariga bheemereeguuyu awo, nibharoraga jinu jaariga nijikorekana. Abhakuru bha Abhayawudi nibhamusiijaaka nibhaayikaga ati, “Mbawo aawonʼyaga abhandi! Mbe, woori eewonʼye omwene, araabha chimari niwe Kirisito omusorwa wa Nyamuwanga.”

Yowana 7:38

Jikaamirwe mu‑Bhikaame Ebhyeru ati, omuunu woonewoone unu kaanyikirisya, ‘emimiro ja amanji ganu agasoosya obhuwanga jiriwurura okusooka mu‑mwene.’”

Ebikorwa 1:16

“Abhayiri bhaasu mu‑riikirisya, emisango jinu ꞉jaakaamirwe mu‑Bhikaame Ebhyeru inguru ya Yuuda jaariga jiri bhusibhusi jikuumire. Ejo ꞉jaaragirwe na Mwoyo Mweru okutura mu‑kanwa aka omukama Dawudi inguru yaaye, unu ꞉aatangasiisye bhanu ꞉bhaagwatire Yeesu.

Barumi 10:11

Ebhikaame Ebhyeru ebhyayika ati, “Bhuri muunu unu kaamwikirisya, atariiswasibhwa wuri.”

Baefeso 1:4

Okubha, Nyamuwanga ꞉aachisorere chibhe na obhumwi na Kirisito, noorwo achaari okubhumba echaaro, korereki mu‑ryenda ryaye chibhe abheeru bhanyamburwa esoro mu‑meeso gaaye.

Baefeso 2:20

Muri rwa inju inu yumbakirwe ku‑rufuka rwa jitumwa na abharagi. Kirisito Yeesu omwene, ari rwa ribhuyi rinene rya orufuka.

2 Timoteo 3:16

Ebhikaame Ebhyeru bhyone ebhisooka ku‑Nyamuwanga. Kurwa ejo, bhiiyire okwiyigisisya abhaanu echimari, okweresya abhaanu ebhibhiibhi bhyebhwe, okugonya abhaanu korereki bhasige ebhibhiibhi bhyebhwe na okwiyigisya abhaanu okukora ja obhurengeresi imbere ya Nyamuwanga.

1 Petero 2:4

Mbe, mufogere ku‑Yeesu, omwene ari rwa ribhuyi riwanga rya okuumbakira. Ribhuyi eryo, abhaanu ꞉bhaariremere, nawe niryo Nyamuwanga ꞉aasorere, ka wone riri na obhurambu obhunene mu‑meeso gaaye.

1 Petero 2:8

Ka wone, “Ribhuyi eryo ni rya okwikuujura‑ko, ni rutare rwa okugwisya abhaanu.” Abhaanu abheekuujura‑ko, kwa okubha bhatakugayuka omusango gwa Nyamuwanga. Ka wone nikwo kutyo bhaariga bhakarariiywe okusookerera kara.

2 Petero 1:20

Nawe, okukira ejo, mwichuke ati bhutari‑wo obhuragi bhwa Ebhikaame Ebhyeru bhunu abharagi ꞉bhayobhoowe okuruubhana na obhwiganirisya bhwebhwe abheene.

2 Petero 3:16

Ku‑nyarubha jaaye joone kaayikira emisango ejo. Jiri‑wo emisango ejindi jinu ni bhikomeeye okujisombookerwa ku‑nyarubha jaaye ejo. Emisango ejo, abhaanu bhanu bhatakusombookerwa na bhatarumateene mu‑riikirisya, abhajiyabhya, rwa kutyo abhayabhya Ebhikaame Ebhyeru ebhindi. Mu‑kukora kutyo, abheereterera okusingaarika.