1 Petero 2:25 - Indagano Inyaaya mu-Chijita

²⁵ Okubha mwariga muri rwa jinaama jinu jibhurire, nawe woori, mwasubhire ku‑Mureefi na ku‑Mwangarisi wa emyoyo jeemwe.

INDAGANO INYA:YA

²⁵ Okuba mwariga muri rwa jina:ma jinu jiburire, nawe woryanu mwasubire ku Mure:fi no Muro:ji we myoyo jemwe.

1 Petero 2:25 Iomraidhean Croise

Matayo 18:12

“Omurora kutiki? Araabha omuunu ari na jinaama egana rimwi, imwi kw‑ijo niibhura‑ko, arikora kutiki? Itari ati arisiga jinaama jirya makumi gataanu na gana na etaanu na ena (99) mu‑chiima, ˆnaagenda okuyenjeresya inaama imwi irya ibhurire?

Matayo 9:36

Yeesu ejire aarora ebhise bhya abhaanu, ˆnaabhafwira echigongo, kwa okubha bhaariga bhaayigirwe, na bhaariga bhatari na omuunu wa okubhasakira. Abhaanu abho, bhaariga bhari rwa jinaama jinu jitari na omureefi.

Ebikorwa 20:28

Woori, mubhega mwiyangariiye na murinde ebhise bhyone bhya abheekirisya, kwa okubha Mwoyo Mweru, abhateeye‑wo mubhe abhaangarisi. Mwangarire abheekirisya abho, kwa okubha Nyamuwanga ꞉aabhagurire kwa isagama ya omwana waaye.

Baeburania 13:20

Nyamuwanga omwene, niwe kaachiyaana omurembe. ꞉Aasuuruuye Raatabhugenyi weeswe Yeesu, unu ari Mureefi Omukuru wa jinaama, kwa okubha ꞉eetire isagama yaaye inu eyeeresya chimari indagano ya kajaanende koone.

Baeburania 3:1

Mbe, abhayiri bhaani mu‑riikirisya, emwe bhanu Nyamuwanga abhirikiiye aamwi na eswe okubha abhaanu bhaaye, mwiganirisye inguru ya Yeesu. Omwene oyo niwe Itumwa ya Nyamuwanga ka wone niwe Omugabhisi Omukuru wa emisango jinu echiikirisya.

Baeburania 5:2

Omugabhisi omukuru kaatura okufwira echigongo ebhibhiibhi bhya abhaanu abhandi bhinu bhaariga nibhakora okumenya wuri, kwa okubha omwene wone ni mukosi wa ebhibhiibhi.

1 Petero 3:20

Emyoyo ejo, ni ja abhaanu bhanu ꞉bhataagayukire Nyamuwanga kara awo, omwanya gunu Nuuwu aariga achaakonja ingarabha. Nyamuwanga ꞉eegumiirisiisye ebhibhiibhi bhyebhwe okukingira omwanya gunu ingarabha ꞉yaamarirwe okukonjwa. Mu‑ngarabha omwo, nimwo ꞉bheengiiye abhaanu bhatooto era, abhaanu bhataanu na bhasatu, bhanu ꞉bhaawonere okusingaarika mu‑manji.

1 Petero 5:4

Mbe, Omureefi Omukuru wa rikanisa aribha aswerurwa, muriyaanwa orutengya rwa rikusyo runu rutakunyamuka.