1 Petero 2:23 - Indagano Inyaaya mu-Chijita

²³ Omwene ejire aafumwa, ꞉ataasubhiisye efumo. Ejire aanyaasibhwa, ꞉ataakangiisye okusubhya orusiima. Tari ꞉aasigire joone ku‑Nyamuwanga, omuramusi omurengeresi.

INDAGANO INYA:YA

²³ Wejire bamufuma, atasubaga kufuma. Wejire anya:sibwa atakangire, nawe e:teeo ku Unu katema eci:na mu burenge:resi.

1 Petero 2:23 Iomraidhean Croise

Ruuka 23:41

Eswe chaaramurwa kwa obhurengeresi, gunu nigwo omuyeero gwa jinu ꞉chaakorere. Nawe omuunu unu, atakorere echibhiibhi choonechoone.”

Ruuka 23:46

Yeesu ˆnaamura obhuraka ˆnaarira ati, “Raata awe! Enituura omwoyo gwani mu‑mabhoko gaawo.”

Ruuka 23:9

Yeroode ˆnaabhuusya Yeesu misango myafu. Nawe Yeesu ꞉ataamusubhiisye omusango gwonegwone.

Ebikorwa 17:31

Kurwa ejo ꞉aateeye‑wo orusuku runu ariramura abhaanu bhoone kwa echimari, ku‑njira ya omusorwa waaye. ꞉Eeresiisye abhaanu bhoone echimari cha ejo kwa okumusuurura omuunu oyo okusooka mu‑bhafuuwe.”

Ebikorwa 4:29

Raatabhugenyi, ringira ebhikangyo bhyebhwe, nuuchiyaane obhuturo eswe abhakosi bhaawo, chiraasye omusango gwawo kwa ribhaasi nene.

Ebikorwa 7:59

Omwanya gunu bhaariga nibhabhuma Tefwano na amabhuyi, ˆnaasabhwa Nyamuwanga ˆnaayikaga ati, “Raatabhugenyi Yeesu, nuuramire omwoyo gwani!”

Ebikorwa 9:1

Ku‑mwanya ogwo, Saawuri ꞉aagendereeye na ebhikangyo bhyaye, bhya okwita abheeyigisibhwa bha Raatabhugenyi Yeesu. ˆNaagenda ku‑mugabhisi omukuru,

Barumi 2:5

Awe uri na echigundu, ka wone owurema okuta ebhibhiibhi bhyawo. Kurwa ejo mbe, owiibhiikira ebhitiibha ku‑rusuku runu Nyamuwanga arisoosya indamu yaaye ya obhurengeresi.

Baefeso 6:9

Emwe abhaami wone, mukorerega abhagaya bheemwe kutyokutyo. Mwasiga okubhakanga, okubha mumenyere ati, emwe na abheene muri na Raatabhugenyi umwi era mu‑rwire. Omwene oyo, atari na isoroore ku‑bhaanu.

2 Batesalonika 1:5

Mbe, ejo joone ejeeresya ati, obhuramusi bhwa Nyamuwanga ni bhwa echimari. Nyamuwanga aaramura ati, emwe mwiyire mwingire mu‑bhukama bhwaye. Nikwo okukora, emwe omunyaaka inguru ya obhukama bhwaye.

2 Timoteo 1:12

Anye eninyaaka inguru ya ejo. Nawe nitakwiswara, okubha enimumenya unu niikirisiisye. Ka wone enimenya ati, echimari chinu ꞉aanaaye, kaachibhiika kisi okukingira orusuku rwa okusubha kwaye.

2 Timoteo 4:8

Woori nirindirira era okuyaanwa orutengya rwa okurama kwa obhurengeresi. Raatabhugenyi Yeesu, omuramusi wa rirenga, arinaana orusuku runu arisubha. Orutengya orwo nitariyaanwa anye era, tari na abhandi bhoone bhanu abharindirira kwa obhwiro okusubha kwaye.

Baeburania 12:3

Mwiganirisye kutyo Yeesu ꞉eegumiirisiisye kutyo abhakosi bha ebhibhiibhi bhaariga nibhamuyingirira, kutyo mwasiga okufwa omutima na okuyigwa okwikirisya Nyamuwanga.

1 Petero 3:9

Mwasiga okuriya omuunu echibhiibhi ku‑chibhiibhi, amwi efumo kwa efumo, nawe musabhirane amabhando. Okubha mubhirikiiywe okukora ejo, korereki muyaanwe amabhando.

1 Petero 4:19

Kurwa ejo, bhanu abhanyaaka okuruubhana na okwenda kwa Nyamuwanga, bhamenye ati Nyamuwanga niwe Omubhumbi omwiyikanyibhwa. Kurwa ejo, bheetuure mu‑mabhoko gaaye, nibhagendereraga okukora ja ekisi.

Obhusweruro 19:11

Nejire neeya, nindora orwire rwigukire. Ringira, ifwaraasi iinyeru na unu aariga ayiriinyire‑ko kaatogwa ati, “Mwiyikanyibhwa” na “Owa Echimari.” Niwe kaaramura na okurwana riremo kwa obhurengeresi.