1 Petero 2:21 - Indagano Inyaaya mu-Chijita

²¹ Omukenwa mwigumiirisye kutyo, kwa okubha noorwo Kirisito omwene ꞉aanyaasiibhwe inguru yeemwe. Ejire aakora kutyo, ꞉aabhasigiiye echijekekanyo, korereki muruubhe orugere rwaye.

INDAGANO INYA:YA

²¹ Okuba ebyo nibyo mwabirikiririywe. Okuba Kristo one anya:si:bwe kurwemwe, nabasigira eco kurorerako, korereki muru:be orugere rwae.

1 Petero 2:21 Iomraidhean Croise

Matayo 10:38

Omuunu unu atakwenda okugega omusarabha gwaye na okunduubha, oyo ateeyire okubha omwiyigisibhwa waani.

Matayo 11:29

Anye niri mworooro, ka wone niri mwikeeya. Kurwa ejo, mwitwike ingurwema yaani, mwiyigire okusooka kw‑anye, niwo niribhayaana omurembe mu‑myoyo jeemwe.

Matayo 16:24

Mbe, Yeesu ˆnaabhwira abheeyigisibhwa bhaaye ati, “Omuunu woonewoone unu keenda okunduubha, keendwa eeyigaane omwene, abhature omusarabha gwaye, anduubhe.

Ruuka 24:26

Angu, jaariga jiteenderwe Kirisito okubhona ebhinyaasyo ebhyo, niwo eengire mw‑ikusyo ryaye?”

Yowana 13:15

Naabheeresya echijekekanyo, korereki emwe wone mubhega nimukora rwa kutyo anye naabhakorera.

Yowana 16:33

Naabhabhwira ejo joone, korereki mubhe na omurembe mu‑myoyo jeemwe, kwa okubha muri na obhumwi na anye. Ku‑chaaro anu muribhona ebhinyaasyo bhyafu, nawe mwasiga okuyaya, kwa okubha anye ꞉naayigire echaaro.”

Ebikorwa 14:22

Bhuri rubhaara, bhaariga nibhasimbiisya abheeyigisibhwa na okubhakomeeresya ati bhagenderere okurumatana mu‑riikirisya ryebhwe. Nibhabhabhwira ati, ni bhusibhusi chiture mu‑nyaako nyafu korereki chiingire mu‑bhukama bhwa Nyamuwanga.

Ebikorwa 17:3

ˆnaabheeresyaga abhwerubhweru ati, Kirisito aariga akenerwe anyaasibhwe na okwitwa na ati ni bhusibhusi asuuruke okusooka mu‑bhafuuwe. Pawuro ˆnaagenderera okubhabhwira ati, “Kirisito unu enibhabhwira omusango gwaye, niwe Yeesu.”

Ebikorwa 9:16

Anye omwene enija okumweresya kutyo arinyaasibhwa muno inguru ya risiina ryani.”

Barumi 8:29

Chimenyere ejo, kwa okubha, bhanu Nyamuwanga ꞉aamenyere okusookerera ku‑bhwambiro, ꞉aaramuuye noorwo echaaro chichaari okubhumbwa ati bhabhe rwa Omwana waaye Yeesu Kirisito kutyo ari. ꞉Aaramuuye kutyo, korereki Omwana waaye abhe omutangati agati ya abhayiri bhaafu.

1 Bakorinto 11:1

Kutyo mubhega nimunduubha, rwa kutyo anye wone eniruubha Kirisito.

Baefeso 5:2

Murame mwendeene, nimuruubhaga echijekekanyo cha Kirisito. Okubha omwene ꞉aacheendere na okwisoosya inguru ya ebhibhiibhi bhyeswe, ˆnaabha echiyaanwa na echoogo echa ebhirange ku‑Nyamuwanga.

Bafilipi 2:5

Obhukarariiye bhwemwe bhubhe bhuryabhurya bhunu aariga ari nabhwo Kirisito Yeesu.

1 Batesalonika 3:3

꞉Chaakorere kutyo, korereki omuunu woonewoone asige okufwa omutima inguru ya ebhinyaasyo bhinu. Emwe abheene mumenyere ati, echikenwa chiture mu‑bhinyaasyo.

1 Batesalonika 4:2

Echibheerembeeresya mukore kutyo, kwa okubha mumenyere kisi amaragiriro ganu ꞉chaabharagiriiye ku‑bhuturo bhwa Raatabhugenyi Yeesu.

2 Timoteo 3:12

Nyabhuriko, bhoone bhanu abheekirisya Kirisito Yeesu na abhakena okurama na okuramya Nyamuwanga, bharinyaasibhwa.

Baeburania 2:10

Nyamuwanga niwe ꞉aabhumbire ebhiinu bhyone na okubhikora bhibhe kutyo bhiri. ꞉Jaamukondeeye areete abheekirisya bhaafu mw‑ikusyo ryaye, kurwa ejo ꞉aakuumisiisye Yeesu ku‑njira ya okunyaasibhwa, korereki abhe obhusimukwa bhwa obhuchungusi.

1 Petero 1:20

Echaaro noorwo chichaari okubhumbwa, Nyamuwanga omwene aariga aamarire okumwawura ku‑bhukarariiye obhwo. Nawe ˆnaarindirira okukingira jisiku ja obhuteero jinu, ˆnaamubhuurisya abhwerubhweru ku‑bhaanu bhoone. Ejo joone, ꞉jaakorekeene ku‑songa yeemwe.

1 Petero 2:24

Yeesu omwene ꞉aagegere ebhibhiibhi bhyeswe ku‑mubhiri gwaye, ˆnaabhambwa ku‑musarabha. ꞉Aakorere kutyo, korereki chisige okutungwa rindi na ebhibhiibhi, tari chiikare nichikondisya Nyamuwanga. Mu‑kuwutaasibhwa kwa Yeesu, emwe ꞉mwawosiibhwe.

1 Petero 3:18

Kirisito omwene ꞉aanyaakire rumwi era inguru ya ebhibhiibhi bhya abhaanu bhanu bhatari bha rirenga, korereki achigwatanye na Nyamuwanga. Nawe omwene aariga ari murengeresi. ꞉Eetirwe echinyamubhiri, nawe ˆnaakorwa omuwanga ku‑bhuturo bhwa Mwoyo Mweru.

1 Petero 3:9

Mwasiga okuriya omuunu echibhiibhi ku‑chibhiibhi, amwi efumo kwa efumo, nawe musabhirane amabhando. Okubha mubhirikiiywe okukora ejo, korereki muyaanwe amabhando.

1 Petero 4:1

Mbe, Kirisito ꞉aabhwene ebhinyaasyo ku‑mubhiri gwaye, emwe wone mubhe mwimaririiye okubhona ebhinyaasyo rwa omwene. Enaayika kutyo, kwa okubha omuunu unu eekirisiisye okunyaaka echinyamubhiri, atakutura okugenderera okutungwa na ebhibhiibhi.

1 Petero 4:13

Nawe mukondererwe ati omunyaaka rwa kutyo Kirisito ꞉aanyaakire. Mukonderwe woori, korereki mubhe na risandabha ryone, omwanya gunu arisubha na rikusyo ryaye niriswerurwa abhwerubhweru.

1 Yoana 2:6

Omuunu unu kaayika ati ari na obhumwi na Nyamuwanga, kaakenwa akore rwa kutyo Yeesu aariga ˆnaakora.

1 Yoana 3:16

Mbe, Kirisito ejire aachifwira ꞉aacheeresiisye kutyo eryenda rya echimari riri. Eswe wone kutyokutyo, echikenwa chiikirisye noorwo okufwira abheejaasu.

Obhusweruro 12:11

Woori abheekirisya abheejaasu bhaayigire Syetaani ku‑sagama ya Omwana wa Inaama na ku‑bhubhambaasi bhunu bhasoosiisye. Okubha ꞉bhateeganire obhurame bhwebhwe, bhaariga bhatengeejere noorwo okufwa.