1 Petero 2:2 - Indagano Inyaaya mu-Chijita

^2-3 Woori mwamarire okurabha na okumenya ati Raatabhugenyi Yeesu ni wa ekisi. Mbe mubhe rwa abhaana abharera kutyo abhakena amata, emwe wone mubhe na obhwiro bhwa amata ga ekisi ga echinyamwoyo, korereki ku‑managa gaago murumatane mu‑bhuchungusi bhwemwe.

INDAGANO INYA:YA

² Mube rwa ba:na baja:re banu abamara okwiburwa, nimurigira amata go mwoyo ganu gatarimo burigerige, korereki gabakusye okukinga ku mweruro.

1 Petero 2:2 Iomraidhean Croise

Matayo 18:3

ˆNaabhabhwira ati, “Ni chimari enibhabhwira ati, araabha mukarema okuyinduka na okubha rwa abhaana abharera, mutaringira mu‑bhukama bhwa mu‑rwire noorwo na akatyari.

Matayo 19:14

Yeesu ˆnaabhwira abheeyigisibhwa bhaaye ati, “Musige abhaana abharera bhaaje kw‑anye! Musige okubhagaanya, kwa okubha obhukama bhwa mu‑rwire ni bhwa abhaanu bhoone bhanu bhari rwa abhaana bhanu.”

Mariko 10:15

Ni chimari enibhabhwira ati, woonewoone unu atakwikirisya obhukama bhwa Nyamuwanga rwa omwana omurera, ataringira mu‑bhukama obhwo noorwo na akatyari.”

Ruuka 18:17

Ni chimari enibhabhwira ati, omuunu woonewoone unu atakwikirisya obhukama bhwa Nyamuwanga rwa omwana omutooto, omuunu oyo atakutura okwingira mu‑bhukama bhwa Nyamuwanga.”

Barumi 6:4

Omwanya gunu ꞉chaabhatiijiibhwe, chaariga wuti chifuuwe na okusiikwa aamwi nage, korereki rwa kutyo Kirisito ꞉aasuuruuywe okusooka mu‑bhafuuwe ku‑managa maafu ga Raata Nyamuwanga, nyabhuriko, noorwo eswe chiture okurama obhurame obhuyaaya.

1 Bakorinto 14:20

Abhayiri bhaani mu‑riikirisya, mwasiga okwiganirisya rwa abhaana abharera, tari mwiganirisyega rwa abhaanu abhakuru. Nawe inguru ya obhubhiibhi, mubhe rwa abhaana abharera.

Baefeso 2:21

Inju yoone eyumbakwa kisi ku‑mwene, igwatane aamwi okukingira okubha Riyekaru eryeru ku‑Raatabhugenyi.

Baefeso 4:15

Nawe, chibhwiranega na okukora echimari mu‑ryenda, echikura mu‑bhuri musango na okubha rwa Kirisito unu ari omutwe.

2 Batesalonika 1:3

Woori, abhayiri bheeswe, echikenwa chisiime Nyamuwanga bhuri rusuku ku‑songa yeemwe. Jiiyire chikore kutyo, kwa okubha eriikirisya ryemwe eriiyongesya muno, ka wone, eryenda ryemwe erigenderera okwiyongesya kw‑imwe abheene kwa abheene.

1 Petero 1:23

kwa okubha mwibhuuywe rwa kabhiri. Okwibhurwa okwo, kutakusooka ku‑bheesomwana, abheene abhafwa, tari mwibhuuywe kwa omusango omuwanga gwa Nyamuwanga, ogwene ogugenderere okubha gwa echimari akajaanende koone.

2 Petero 3:18

Tari mugenderere okukura mu‑bhwitiriranya bhwa Raatabhugenyi na Omuchungusi weeswe Yeesu Kirisito, na mu‑kumumenya. Omwene akusibhwe, woori na akajaanende koone. Jibhe kutyo.