1 Petero 2:19 - Indagano Inyaaya mu-Chijita

¹⁹ Ni musango gwa kisi muno ku‑Nyamuwanga, mukeegumiirisya ebhinyaasyo bhinu bhitari bhya rirenga, bhinu omubhona inguru ya okumuyaana echibharo, omwene aribhayaana amabhando.

INDAGANO INYA:YA

¹⁹ Okuba cinu nico ecisi:mwa, omu:nu unu kanya:sibwa kutyo era, ake:gumirisya okwasibwa okuba ke:cuka Nyamuanga.

1 Petero 2:19 Iomraidhean Croise

Ruuka 6:32

“Mbe mukeenda era bhanu abhabheenda emwe, angu omubha mukorere ja ekisi ki? Noorwo abha ebhibhiibhi, wone abheenda abhaanu bhanu abhabheenda era!

Yowana 15:21

Nawe abhaja okubhakorera joone ejo kwa okubha omunduubha, ka wone kwa okubha bhatakumenya unu antumire.

Ebikorwa 11:23

Bharinaabha ejire aakinga eyo, ˆnaarora kutyo Nyamuwanga ꞉aayaaye abhaanu abho obhwitiriranya bhwaye. ˆNaakondererwa muno, ˆnaabhakomeeresya ati bhagenderere okugayuka Raatabhugenyi Yeesu mu‑myoyo jeebhwe.

Barumi 13:5

Kurwa ejo, omukenwa okuyaana echibharo abhatangasya bha echaaro. Mwasiga okubhayaana echibharo era ku‑songa ya okuubhaya risungu rya Nyamuwanga, tari mubhayaane echibharo kwa okubha omumenya kisi mu‑mitima jeemwe ati, Nyamuwanga keenda mukorega kutyo.

1 Bakorinto 15:10

Nawe obhwitiriranya bhwa Nyamuwanga nibhwo bhukorere anye okubha itumwa. Obhwitiriranya bhwaye kw‑anye bhwariga bhutari bhwa kutyo era, kwa okubha okutura ku‑bhwitiriranya obhwo, nikorere emirimu okukira jitumwa joone. ꞉Nitaakorere ejo ku‑bhuturo bhwani omwene, tari Nyamuwanga ku‑bhwitiriranya bhwaye niwe ꞉aakorere emirimu aamwi na anye.

2 Bakorinto 1:12

Mbe, eswe echiikuuya ku‑musango gumwi. Emitima jeeswe ejichibhambaarira ati, chiikaaye kwa obhurengeresi na okwa obhwiyikanyibhwa bhunu obhusooka ku‑Nyamuwanga. ꞉Chitaakorere kutyo okuruubhana na obhwengeeso bhwa echinyamuunu, tari ku‑bhwitiriranya bhwa Nyamuwanga. Nikwo kutyo chiikaaye ku‑chaaro anu, na chimwichimwi mu‑bhungwani bhweswe na emwe.

2 Bakorinto 8:1

Woori abhayiri bheeswe mu‑riikirisya, echeenda chibhabhwire kutyo obhwitiriranya bhwa Nyamuwanga ꞉bhwakorere emirimu mu‑bhaanu bha mu‑makanisa ga mu‑mukoowa gwa Makedooniya.

2 Timoteo 1:12

Anye eninyaaka inguru ya ejo. Nawe nitakwiswara, okubha enimumenya unu niikirisiisye. Ka wone enimenya ati, echimari chinu ꞉aanaaye, kaachibhiika kisi okukingira orusuku rwa okusubha kwaye.

Baeburania 10:2

Araabha ebhyogo ebhyo bhyakabheeye bhibheesiisye chimari ebhibhiibhi bhyebhwe, bhataakagendereeye okwiyungwa mu‑mitima jeebhwe ati ni bhakosi bha ebhibhiibhi. Ka wone bhakabheeye bhaasigire okusoosya ebhyogo bhyebhwe, kwa okubha Nyamuwanga akabheeye aabheesiisye rumwi era.

1 Petero 2:20

Ni chibharo ki chinu omubhona araabha mukeegumiirisya okuyaanwa ebhitiibha inguru ya ebhibhiibhi bhinu omukora? Nawe mukeegumiirisya ebhinyaasyo bhinu omubhona inguru ya okukora ja ekisi, ni musango gwa kisi muno ku‑Nyamuwanga.

1 Petero 4:15

Nawe, omuunu woonewoone kw‑imwe aasiga okunyaasibhwa kwa okubha ati ni mwiti, ni mwifi, ni mukosi wa ebhibhiibhi amwi omusokanya wa abhaanu.