1 Petero 2:1 - Indagano Inyaaya mu-Chijita

¹ Mbe, musige obhujabhi bhwone, obhujigi bhwone, obhwirimaanya, orwiso noorwo okuroma oweejaanyu.

INDAGANO INYA:YA

¹ Mbe mutega kura orwango rwone no burigerige bwone, no rurimi, na rifuwa, no kwaika kubi:bi kwone.

1 Petero 2:1 Iomraidhean Croise

Matayo 15:7

Emwe abheerimaanya! Kasi jinu omuragi Iisaya ꞉aaragire inguru yeemwe, ni ja echimari.

Matayo 23:28

Nikwo kutyo emwe wone, anja omubhonekana okubha abhaanu abharengeresi imbere ya Nyamuwanga, nawe echimari ni ati mu‑myoyo jeemwe mwijuuye obhwirimaanya na obhunyamuke.

Matayo 24:51

Niwo omwami waaye arimuyaana jimbuma muno na okumwesa anu abheerimaanya bhari. Omwo nimwo abhaanu bhaririraga na okuguguna ameeno.”

Matayo 7:5

Omwirimaanya awe! Nuusoosye okwamba echuura chinu chiri mu‑riiso ryawo. Niwo owutura okurora kisi na okusoosya akabhambo kanu kari mu‑riiso rya oweejaanyu.

Mariko 12:15

Nawe Yeesu ꞉aamenyere obhwirimaanya bhwebhwe, ˆnaabhabhwira ati, “Mbawo omuregeeja okunteganya? Mundeetere idinaari niyirore.”

Ruuka 11:44

Jiribhabhona emwe, kwa okubha muri rwa ebhituuro bhinu bhitakubhonekana wuri, ka abhaanu abhatura‑ko nibhabhitaja okumenya wuri ati ni musiro.”

Ruuka 12:1

Omwanya ogwo, abhaanu ebhiwumbi na ebhiwumbi, bhaariga bheekofyanyiisye eyo, nibhakingira okutajana. Yeesu ˆnaamba okubhwira abheeyigisibhwa bhaaye ati, “Mwikenge obhwirimaanya bhwa Abhafarisaayo kwa okubha obhwirimaanya obhwo obhuswirana rwa echifwimbya.

Ruuka 6:42

Angu, owutura kutiki okubhwira oweejaanyu ati, ‘Weejaasu, siga nikusoosye akabhambo kanu kari mu‑riiso ryawo,’ keenu awe omwene utakurora echuura chinu chiri mu‑riiso ryawo? Omwirimaanya awe! Nuusoosye okwamba echuura chinu chiri mu‑riiso ryawo, niwo owutura okurora kisi na okusoosya akabhambo kanu kari mu‑riiso rya oweejaanyu.

Yowana 1:47

Yeesu ejire aarora Natanayeri ˆnaamuujaga‑ko, ˆnaayika ati, “Ringira, oyo niwe Omuyisirayeeri wa echimari, unu atari‑mo bhurigerige bhwonebhwone.”

Barumi 1:29

Bheejuuywe ebhibhiibhi bhyafubhyafu, abhakora obhujabhi bhwafubhwafu, ka wone abheesigombera ebhiinu bhyone na abheenda inyombo. Bheejuuywe orwiso, obhwiti na obhukungirisi. Abhaayika orubheeyi, bhari na obhwira obhubhiibhi, ni bharomi bha abhaanu,

1 Bakorinto 14:20

Abhayiri bhaani mu‑riikirisya, mwasiga okwiganirisya rwa abhaana abharera, tari mwiganirisyega rwa abhaanu abhakuru. Nawe inguru ya obhubhiibhi, mubhe rwa abhaana abharera.

1 Bakorinto 5:8

Woori, chaasiga okukora ichikukuru ya Okwambuka kwa echifwimbya cha kara, nikwo okwayika ati kwa obhunyamuke na obhubhiibhi, tari chiikore kwa emikaate jinu jitakutuurwa‑mo echifwimbya, nikwo okwayika ati mu‑mutima gwa ekisi na mu‑chimari.

2 Bakorinto 12:20

Enuubhaya ati, omwanya gunu niribhaaja‑ko, amwi niribhasongʼana muri na akatungiiywe kanu katakunkondisya. Eryo ririreterera nikore jinu jitaribhakondera emwe. Enuubhaya ati enitura okubhasongʼana muri na inyombo, orwiso, risungu, orwango, okuromana, okwitemeeka, orwikuuya na injogere.

Baefeso 4:31

Musigane na obhururu bhwone, risungu, okubhiyirwa, inyombo, amafumo, aamwi na obhujabhi bhwone.

1 Batesalonika 2:3

Emisango jinu echibhakomeeresya jitari ja orubheeyi, amwi obhwira obhubhiibhi noorwo chitakukena okubhajiga.

1 Timoteo 3:11

Abhagasi bheebhwe wone, bhabhe abha jitungwa ja ekisi, bhasige okubha abharomi bha abhaanu, bhabhe bha okwiyingirira, ka wone, bhabhe abheeyikanyibhwa mu‑misango joone.

Tiito 2:3

Kutyokutyo abhakwekuru wone, ubheeyigisye bhabhe na jitungwa jinu ejikusya Nyamuwanga. Bhasige okubha abharomi bha abhaanu, bhasige okubha abhakorwa, tari abhakenwa bheeyigisye ameeyigisyo ga ekisi.

Baeburania 12:1

Mbe, kwa okubha chiri na echise echinene echo cha abhabhambaasi bhanu bhachisingiiye, chisoosye‑wo joone jinu ejichiyingirira na okusiga ebhibhiibhi bhinu bhichumiriiye‑ko. Ka wone chiikomeesye okukora jinu Nyamuwanga ateeye imbere yeeswe, rwa omuunu unu kaabhirima muno mu‑bhwigumiirisya.

Yakobo 1:21

Kurwa ejo, musige ebhibhiibhi na ebhikorwa ebhibhiibhi bhyone. Mwikirisye kwa obhworooro omusango gunu Nyamuwanga ꞉aayambire mu‑myoyo jeemwe, kwa okubha ogwo, nigwo ogutura okubhachungura.

Yakobo 3:14

Nawe mukabha na orwiso, obhururu na orwango mu‑mitima jeemwe, musige okwikuuya ati muri na obhwengeeso, noorwo musige okwayika orubheeyi inguru ya echimari.

Yakobo 4:11

Bhayiri bhaani, musigega okuromana, kwa okubha unu kaaroma oweejaabho, amwi okuramura oweejaabho, oyo niwe kaabha agayire ebhiraagiro bhya Nyamuwanga. Omwanya gunu owikora okubha omuramusi wa ebhiraagiro keenu awe utari omuramusi waabhyo, niwo owubha utakubhigayuka, waabha omuramusi wa okuramura ebhiraagiro.

Yakobo 4:5

Mbe, musige okwitogera ati Ebhikaame Ebhyeru bhikaamirwe emisango ja kutyo era, ati, Mwoyo unu Nyamuwanga ꞉aateeye mu‑mutima jeeswe kaachiisigombera okukingira okuchifuyira muno.

Yakobo 5:9

Abhayiri bhaani mu‑riikirisya, musige okujujuumirana abheene kwa abheene korereki mutariramurwa. Mwangarire! Omuramusi wa ebhiraagiro ari yeeyi okusubha.

1 Petero 2:16

Mwikare rwa abhaanu bhanu bhari na obhwitaage, nawe mu‑bhwitaage obhwo, mwasiga okukora ebhibhiibhi. Mwikare rwa kutyo Nyamuwanga kaakena abhakosi bhaaye bheekare.

1 Petero 2:22

Omwene ꞉ataakorere echibhiibhi choonechoone, noorwo ꞉ataayikire orubheeyi rwonerwone.

1 Petero 3:10

Rwa kutyo jikaamirwe mu‑Bhikaame Ebhyeru ati, “Omuunu akeenda okubha na obhuwanga na rikonderwa, asige okuroma abheejaabho noorwo okubhabheeyeresya.

1 Petero 4:2

Ku‑njira eyo, jisiku jaaye joone jinu jisigaaye omwene okwikara ku‑chaaro kunu, ariikara rwa kutyo Nyamuwanga keenda, kutari okuruubha obhurigire bhwa echinyamuunu.

1 Petero 4:4

Abhaanu bhanu bhatakwikirisya Nyamuwanga, abharuguura omwanya gunu abharora ati, mutakusangira aamwi nabho rindi okukora ebhibhiibhi, kurwa ejo, abhabhafuma.

Obhusweruro 14:5

Bhaariga bhachaari wone okwayika orubheeyi, noorwo bhaariga bhatari‑ko esoro ryoneryone.