1 Petero 1:8 - Indagano Inyaaya mu-Chijita

⁸ Emwe muchaariga okumurora, nawe mumwendere. Ka wone, noorwo kutyo mutakumurora woori, nawe omumwikirisya. Kurwa ejo, omukonderwa rikonderwa rinu ritakwayikwa na rinu riijuuye rikusyo,

INDAGANO INYA:YA

⁸ Yesu Kristo niwe unu omwenda nakabee mucari kumurora. Niwe unu nakabee mutakumurora woryanu, ke:nu omumwikirisya, nimusandaba kusandaba kunu kutakwaikwa, na kunu kwijuye rikusyo,

1 Petero 1:8 Iomraidhean Croise

Matayo 10:37

Omuunu woonewoone unu keenda esemwene amwi nyiramwene okukira anye, oyo ateeyire okubha omwiyigisibhwa waani. Ka wone, omuunu woonewoone unu keenda omwana waaye amwi omuyaasya waaye okukira anye, oyo wone ateeyire okubha omwiyigisibhwa waani.

Yowana 14:15

“Araabha mukanyeenda, murigwata ebhiraagiro bhyani.

Yowana 14:21

Omuunu woonewoone unu kaamenya na okugwata ebhiraagiro bhyani, oyo niwe aanyendere. Na omuunu unu aanyendere, Raata waani arimwenda. Na anye nirimwenda na okwiyeresya ku‑mwene.”

Yowana 14:24

Nawe omuunu woonewoone unu atakunyenda, atakugwata emisango jaani. Emisango jinu omuungwa jitari jaani, tari ni ja Raata unu antumire kw‑imwe.

Yowana 16:22

Emwe wone ku‑mwanya gunu musurumbaaye. Nawe niribhaaja‑ko rindi, na murikonderwa mu‑myoyo jeemwe. Atari‑wo omuunu unu arisoosya rikonderwa eryo mu‑myoyo jeemwe.

Yowana 20:29

Yeesu ˆnaamusubhya ati, “Weekirisya kwa okubha wandora. Bhari na amabhando bhanu bhanyikirisiisye noorwo bhachaari okundora.”

Yowana 8:42

Yeesu ˆnaabhasubhya ati, “Araabha Nyamuwanga akabheeye ari Somwana, mwakanyendere, kwa okubha nisookere ku‑mwene, ka woori niri anu. Anye ꞉niteejire ku‑bhuturo bhwani, tari Nyamuwanga niwe ꞉aantumire.

Ebikorwa 16:34

ˆNaakuma Pawuro na Siira iika ewaaye, ˆnaabhayaana ebhiryo. ˆNaakonderwa muno aamwi na abhaanu bhaaye bhoone, kwa okubha ꞉bheekirisiisye Nyamuwanga.

Barumi 14:17

Okubha emisango ja bhusibhusi mu‑bhukama bhwa Nyamuwanga kutari kurya amwi okunywa, nawe ni kukora eja obhurengeresi imbere ya Nyamuwanga, okubha na omurembe na rikonderwa. Ejo joone ejiturikana ku‑bhusakisi bhwa Mwoyo Mweru.

Barumi 15:13

Nyamuwanga niwe echiiyikanya ati arikora joone jinu ꞉aachiragire. Kurwa ejo, enibhasabhirwa ati, abhayaane rikonderwa ryone na omurembe omwanya gunu omugenderera okumwikirisya. Awo niwo muribha na obhwiyikanyo obhunene, muribha nabhwo ku‑managa ga Mwoyo Mweru.

1 Bakorinto 16:22

Omuunu woonewoone unu atakwenda Raatabhugenyi Yeesu, eeyiimwe. Raatabhugenyi weeswe iija!

2 Bakorinto 1:22

na okuchituura‑ko orunabho kwa okuchiyaana Mwoyo Mweru mu‑myoyo jeeswe, korereki abhe echigwatirisyo cha joone jinu Nyamuwanga arichiyaana.

2 Bakorinto 12:4

꞉aagegerwe ˆnaasirwa mu‑Paradiiso. Eyo niyo ꞉oonguuwe emisango ja okuruguusya muno jinu omuunu atakutura okwayika, ka wone ateeyire okujaayika.

2 Bakorinto 4:18

Kutyo, chitakuringira ebhiinu bhinu ebhibhonekana, tari bhinu bhitakubhonekana, kwa okubha bhinu ebhibhonekana ni bhya kasinjeeke era, nawe bhinu bhitakubhonekana, ni bhya akajaanende.

2 Bakorinto 5:7

Chiikaaye ku‑njira ya eriikirisya, jitari ku‑njira ya okurora kwa ameeso.

2 Bakorinto 9:15

Chisiimega Nyamuwanga ku‑chiyaanwa echinene cha okuruguusya, chinu achiyaaye.

Bagalatia 5:22

Nawe araabha chikatangasibhwa na Mwoyo Mweru, chiribha na ritwasyo ryaye. Ritwasyo eryo ni eryenda, rikonderwa, omurembe, okwigumiirisya, obhwa ekisi, obhufura, okwiyikanyibhwa,

Bagalatia 5:6

Mbe araabha chiri na obhumwi na Kirisito Yeesu, okutendwa amwi okurema okutendwa kutari na obhugajuro bhwonebhwone. Echiinu cha bhusibhusi ni riikirisya ryeswe rinu erikora emirimu mu‑ryenda.

Baefeso 3:19

Enibhasabhirwa ku‑Nyamuwanga mubhe na obhuturo bhwa okumenya eryenda rya Kirisito, noorwo kutyo ni nene muno mutakutura okurisombookerwa ryone kisi. Enisabhwa kutyo, korereki mwijusibhwe obhurame bhunu bhukuumiiye okusooka ku‑Nyamuwanga.

Baefeso 6:24

Obhwitiriranya bhubhe na abhaanu bhoone bhanu abheenda Raatabhugenyi weeswe Yeesu Kirisito mu‑ryenda rinu ritari na obhuteero.

Bafilipi 1:25

Chimari eniiyikanya inguru ya omusango ogwo, kurwa ejo, enimenya ati nirigenderera okwikara ku‑chaaro anu. Niribha aamwi na emwe bhoone, korereki nibhasakire murumatane na okukondererwa mu‑riikirisya ryemwe.

Bafilipi 3:3

Eswe neeswe chitenderwe echinyamwoyo kwa okubha Mwoyo wa Nyamuwanga kaachisakira kutyo jiiyire chiramye Nyamuwanga. Eswe echikuuyisya Kirisito Yeesu na okumwiyikanya. Ka wone chitakwiyikanya ebhikorwa bhyeswe bhya echinyamubhiri korereki chibhone obhuchungusi,

Bafilipi 4:4

Mukonderwe siku joone kwa okubha emwe muri na obhumwi na Raatabhugenyi Yeesu, enaayika rindi ati mukonderwe!

Baeburania 11:1

Mbe, eriikirisya ni kubha na echimari cha emisango jinu echiiyikanya. Ka wone ni kwikirisya kata ati emisango jinu chitakurora woori ni ja chimari.

Baeburania 11:27

Eriikirisya niryo ꞉ryakorere Muusa ˆnaasooka mu‑chaaro cha Miisiri, okuubhaya wuri risungu rya omukama. ꞉Eegumiirisiisye kwa okubha aariga ari wuti kaarora Nyamuwanga unu atakubhonekana.

1 Petero 1:6

Mbe mukondererwe muno emisango ejo, noorwo kutyo ku‑mwanya mufuyi gunu, omutura okusurumbara inguru ya amaregeejo maafu ga bhuri mbaga.

1 Petero 2:7

Kw‑imwe bhanu omwikirisya ribhuyi eryo, ni rya obhurambu bhunene. Nawe, ku‑bhanu bhatakwikirisya, “Ribhuyi rinu abhoombaki ꞉bhaaremere, niryo ryabha ribhuyi rinene rya orufuka.”

1 Petero 5:4

Mbe, Omureefi Omukuru wa rikanisa aribha aswerurwa, muriyaanwa orutengya rwa rikusyo runu rutakunyamuka.