1 Petero 1:7 - Indagano Inyaaya mu-Chijita

⁷ Amaregeejo ago, agaregeeja eriikirisya ryemwe, korereki ribhonekane ati ni rya echimari. Noorwo inaaryo, inu eyitura okusingaarika, eyochiibhwa mu‑muriro korereki wone iregeejibhwe. Nyabhuriko, eriikirisya ryemwe rinu riri na obhurambu obhunene okukira inaaryo, ni bhusibhusi wone riregeejibhwe, ribhonekane ati ni rya echimari. Awo niwo, Yeesu Kirisito aribhakuuya, aribhayaana rikusyo na echibharo, orusuku runu ariswerurwa.

INDAGANO INYA:YA

⁷ Korereki okusakwa kwo kwikirisya kwemwe kuboneke kuri no kusi:ma, na rikusyo ne cibaro mu kusweruka kwa Yesu Kristo. Okusakwa kwo kwikirisya ni kwa kisi okukira okwa ijaabu inu eiwao nakabee eisakwa mu muriro.

1 Petero 1:7 Iomraidhean Croise

Matayo 19:28

Yeesu ˆnaabhasubhya ati, “Ni chimari enibhabhwira ati, anye Omwana wa Omuunu niriinyanja rwa omukama ku‑chitebhe chaani cha rikusyo mu‑chaaro echiyaaya. Niwo emwe wone bhanu munduubhire, muriinyanja ku‑bhitebhe bhya obhutungi ekumi na bhibhiri, okuramura jingʼanda ekumi na ebhiri ja Abhayisirayeeri.

Matayo 25:21

“Mwami waaye ˆnaamubhwira ati, ‘Ukorere kisi muno. Awe uri mugaya wa ekisi na omwiyikanyibhwa! Wamaabha omwiyikanyibhwa ku‑bhitooto bhinu ꞉naakuyaaye, kurwa ejo enija okukukora okubha omwangarisi wa obhuniibhi bhwafu. Nuuwuuje chikonderwe aamwi.’

Matayo 25:23

“Mwami waaye ˆnaamubhwira ati, ‘Ukorere kisi muno. Awe uri mugaya wa ekisi na omwiyikanyibhwa! Wamaabha omwiyikanyibhwa ku‑bhitooto bhinu ꞉naakuyaaye, kurwa ejo enija okukukora okubha omwangarisi wa obhuniibhi bhwafu. Nuuwuuje chikonderwe aamwi.’

Ruuka 12:33

Mugusye ebhiinu bhyemwe, jiyera jinu omuja okubhona okuruubhana na ebhiinu ebhyo, muyaane abhataka. Mwibhariirire jisagwa jinu jitakunyamuka, na okwibhiikira ebhibhiikwa mu‑rwire anu bhitakugeruka‑ko. Eyo niwo omwifi atakukinga, korereki eebhe, noorwo amayeenje gatakunyamura.

Ruuka 17:30

“Nikwo kutyo jiribha orusuku runu anye Omwana wa Omuunu nirisubha ku‑chaaro anu, Nyamuwanga arinswerurwa.

Yowana 12:26

Omuunu woonewoone unu kaankorera emirimu, jeenderwe anduubhe. Ka wone orubhaara rwonerwone anu anye niri, niwo omukosi waani wone kaja okubha. Raata kaja okuyaana echibharo omuunu woonewoone unu kaankorera emirimu.”

Yowana 5:44

Emwe mwendere okukuuyibhwa na abheejaanyu, nawe mutakwikomeesya okuyenja echibharo chinu echisooka ku‑Nyamuwanga omwene. Woori, omutura kutiki okunyikirisya?

Ebikorwa 8:20

Peetero ˆnaamusubhya ati, “Singaarika awe na jipirya jaawo, kwa okubha owitogera ati echiyaanwa cha Nyamuwanga echibhonekana kwa okugurwa na jipirya!

Barumi 2:10

Nawe abhaanu bhoone bhanu abhakora emisango ja ekisi, bharibha na jikuma, echibharo na omurembe, okwambira ku‑Bhayawudi okukingira ku‑bhaanu bhanu bhatari Bhayawudi.

Barumi 2:29

Wuri! Omuyawudi wa echimari ni unu kaagayuka Nyamuwanga kwa omwoyo gwaye gwone. Okutendwa kwa echimari okukorwa mu‑mwoyo na Mwoyo Mweru, kutari kwa okuruubha ebhiraagiro bhya Muusa. Omuunu rwa oyo, atakuramira jikuma okusooka ku‑bhaanu, tari arikuuywa na Nyamuwanga omwene.

Barumi 2:7

Nyamuwanga ariyaana obhuwanga bhwa akajaanende koone abhaanu bhanu abheegumiirisya mu‑kukora ja ekisi okuyigwa wuri, inguru ya okuyenja rikusyo na echibharo na obhuwanga bhunu bhutakunyamuka okusooka ku‑mwene.

Barumi 8:19

Ebhiinu bhyone bhinu ꞉bhyabhumbirwe, ebhirindirira kwa obhwiro bhwafu omwanya gunu Nyamuwanga ariswerura abhaana bhaaye.

1 Bakorinto 3:13

na obhwa ekisi bhwa emirimu ja bhuri muunu bhuribhonekana abhwerubhweru. Orusuku rurya rwa indamu emirimu joone jiribha abhweru, kwa okubha emirimu ja bhuri muunu, jiriregeejwa kwa omuriro.

1 Bakorinto 4:5

Woori, mwasiga okuramura abhaanu omwanya guchaari kukinga, rindirira okukingira orusuku runu Raatabhugenyi Yeesu ariija. Omwene niwe arituura abhweru ebhiinu bhyone bhinu bhibhisirwe mu‑chisuute na okweresya bhinu bhiri mu‑myoyo ja abhaanu. Niwo bhuri muunu aribhona jikuma jinu jimwiyire, okusooka ku‑Nyamuwanga.

Yakobo 1:12

Ari na ribhando omuunu unu keegumiirisya omwanya gunu kaaregeejibhwa, kwa okubha omwanya gunu ariyiga amaregeejo ago, Nyamuwanga arimuyaana orutengya rwa obhuwanga bhwa akajaanende runu ꞉aaragire okuyaana bhoone bhanu abhamwenda.

1 Petero 1:13

Kurwa ejo, mubhe mutengeejere na mwiyangariiye ku‑jinu omuja okukora na mubhe mwiyingiriiye. Mutuure obhwiyikanyo bhwemwe bhwone mu‑bhwitiriranya bhunu muriramira, orusuku runu Yeesu Kirisito ariswerurwa.

1 Petero 1:5

Emwe, Nyamuwanga kaabhaangarira ku‑managa gaaye, kwa okubha mwikirisiisye Yeesu Kirisito. Obhwangarisi obhwo, obhugenderera okukingira anu obhuchungusi bhuribhonekana ku‑mwanya gwa obhuteero.

1 Petero 2:4

Mbe, mufogere ku‑Yeesu, omwene ari rwa ribhuyi riwanga rya okuumbakira. Ribhuyi eryo, abhaanu ꞉bhaariremere, nawe niryo Nyamuwanga ꞉aasorere, ka wone riri na obhurambu obhunene mu‑meeso gaaye.

1 Petero 2:7

Kw‑imwe bhanu omwikirisya ribhuyi eryo, ni rya obhurambu bhunene. Nawe, ku‑bhanu bhatakwikirisya, “Ribhuyi rinu abhoombaki ꞉bhaaremere, niryo ryabha ribhuyi rinene rya orufuka.”

1 Petero 4:12

Abheendwa bhaani, mwasiga okuruguura inguru ya ebhinyaasyo ebhiruru kabhukabhu bhinu ebhisookerera mw‑imwe okuregeeja eriikirisya ryemwe. Mwasiga okurora wuti ni chiinu chigenyi chinu echibhabhona.

1 Petero 4:13

Nawe mukondererwe ati omunyaaka rwa kutyo Kirisito ꞉aanyaakire. Mukonderwe woori, korereki mubhe na risandabha ryone, omwanya gunu arisubha na rikusyo ryaye niriswerurwa abhwerubhweru.

1 Petero 5:1

Woori, enaayika na emwe abhakaruka bha rikanisa. Anye niri omukaruka oweejaanyu, unu ꞉neeroreeye omwene kutyo Kirisito ꞉aanyaasiibhwe. Ka wone, anye niri omusangisi oweejaanyu wa rikusyo rinu riri yeeyi okuswerurwa. Kurwa ejo, enibheerembeeresya emwe,

2 Petero 1:1

Inyarubha inu niikaamire anye Simooni Peetero, omukosi na itumwa ya Yeesu Kirisito. Enikaamira emwe bhanu muyaaywe eriikirisya riryarirya rya obhurambu rinu eswe wone chibhwene, okutura rirenga rya Nyamuwanga na Omuchungusi weeswe Yeesu Kirisito.

2 Petero 1:4

Kw‑ijo, achiyaaye ebhiyaanwa ebhinene bhya obhurambu, bhinu ꞉aachiragire. Ebhiyaanwa ebhyo, ebhireterera chisige obhunyamuke bhunu bhuri ku‑chaaro ku‑songa ya okurigira okubhiibhi. Ka wone ebhireterera chisangire obhusimukwa bhwa Nyamuwanga.

2 Petero 3:14

Kurwa ejo abheendwa bhaani, omwanya gunu omurindirira orusuku rurya, mwikomeesye okubha abha omutima omweru muno mutari na esoro imbere ya Nyamuwanga, na mubhe na omurembe nage.

Yuuda 1:24

Nyamuwanga niwe owa obhuturo bhwa okubhaangarira, korereki mwasiga okwikuujura. Ka wone, kaatura okubheemereegusyu mw‑ikusyo ryaye, nimusandabhaga muno, mutaabha‑ko esoro.

Obhusweruro 1:7

Muringire! Ariija ari ku‑meere! Abhaanu bhoone bharimurora, noorwo bhanu ꞉bhaamusomere, wone bharimurora. Jingʼanda joone mu‑chaaro jiririra inguru yaaye. Chimari nikwo kutyo jiribha. Jibhe kutyo.

Obhusweruro 2:10

Musige okuubhaya ebhinyaasyo bhinu bhiribhaaja‑ko. Muringire! Syetaani aribharegeeja kwa okutuura abhandi agati yeemwe mw‑ibhoyero. Emwe murinyaaka siku ekumi. Nawe mubhe abheeyikanyibhwa kw‑anye noorwo okukingira mufwe, anye niribhayaana orutengya rwa obhuwanga bhwa akajaanende koone.

Obhusweruro 3:10

Woori kwa okubha ꞉mwegumiirisiisye rwa kutyo ꞉naabharagiriiye, niribharinda omwanya gwa inyaako inu irireetwa ku‑chaaro choone okuregeeja abhaanu bhoone.

Obhusweruro 3:18

Kurwa ejo, enibhatongera mugure kw‑anye inaaryo inu yesiibhwe mu‑muriro korereki mubhe abhaniibhi. Mugure wone emyenda emyeru, muswikire obhutuyu bhwemwe korereki mutariiswara. Mugure omuti gwa okubhambaga ku‑meeso geemwe korereki mubhe na obhuturo bhwa okurora.