1 Petero 1:25 - Indagano Inyaaya mu-Chijita

²⁵ nawe omusango gwa Raatabhugenyi gurigenderera okubha gwa echimari akajaanende koone.” Omusango ogwo, ni Emisango ja Ekisi jinu ꞉mwaraasisiibhwe.

INDAGANO INYA:YA

²⁵ Nawe omusango gwa Ratabugenyi guri:kara kajanende na kajanende. Nigwo Omusango gwo bwana gunu mwasimuriywe.

1 Petero 1:25 Iomraidhean Croise

Matayo 5:18

Ni chimari enibhabhwira ati, okukingira omwanya gunu orutumba na echaaro bhirisoosibhwa‑wo, katari‑wo akasango amwi akanyuguta kamwi ka ebhiraagiro kanu karisoosibhwa‑wo, okukingira joone jikuumire.

Ruuka 16:17

Ni bhwangu muno, orutumba na echaaro okuwaa‑wo, okukira inyuguta imwi inooto ya ebhiraagiro bhya Nyamuwanga okubhurwa indiyo.

Yowana 1:1

Ku‑bhwambiro awo, aariga ari‑wo Musango. Musango oyo aariga ari aamwi na Nyamuwanga. Ka wone, Musango aariga ari Nyamuwanga.

Yowana 1:14

Mbe, Musango oyo ˆnaabha omuunu, ˆneekara agati yeeswe. Eswe bhoone nichirora rikusyo ryaye, rikusyo rya Omwana eenyere wa Raata Nyamuwanga, eejuuywe obhwitiriranya bhwafu na echimari choone.

1 Bakorinto 2:2

Omwanya gunu naariga niri kw‑imwe, ꞉naaramuuye ati naayike era emisango inguru ya Yeesu Kirisito, chimwichimwi okufwa kwaye ku‑musarabha, okwayika omusango gundi wuri.

Baefeso 2:17

Kirisito ˆnaaja, ˆnaaraasya Emisango ja Ekisi inguru ya omurembe ku‑bhaanu bhoone, kw‑imwe bhanu mwariga muri kura na Nyamuwanga na ku‑Bhayisirayeeri, bhanu bhaariga bhari yeeyi nage.

Baefeso 3:8

Anye, niri mutooto okukira omutooto woonewoone ku‑bheeru bhoone bha Nyamuwanga. Noorwo kutyo, naanye ꞉naayaaywe obhwitiriranya bhwa okuraasisya abhaanu bhanu bhatari Bhayawudi obhuniibhi bhwa Kirisito bhunu bhutari na indengo.

Tiito 1:3

Omwanya gwejire gwakuumira, Nyamuwanga ꞉aaramuuye okuswerura abhweru Emisango jaaye ja Ekisi. Nyamuwanga Omuchungusi weeswe, ku‑chiraagiro chaaye, anaaye omurimu gwa okuraasya emisango ejo.

Baeburania 6:5

Ka wone bhaamarire okumenya obhwa ekisi bhwa omusango gwa Nyamuwanga na amanaga ga obhutungi bhwa Nyamuwanga ku‑mwanya gunu aritunga echaaro choone echiyaaya.

1 Petero 1:12

Nyamuwanga ꞉aasweruriiye abharagi abho ati, emisango jinu ꞉bhaaragire, jaariga jitari jeebhwe abheene, tari jaariga jiri jeemwe. Emisango jinu ꞉bhaayikire, nijo ꞉mwaraasisiibhwe na abhaanu bhanu ꞉bhaabhareteeye Emisango ja Ekisi inguru ya Yeesu Kirisito. Abheene ꞉bhaabhabhwiriiye emisango ejo, ku‑bhuturo bhwa Mwoyo Mweru unu ꞉aatumirwe okusooka mu‑rwire. Emisango ejo, noorwo bhamaraayika wone abheegomba muno okujisombookerwa.

1 Petero 1:23

kwa okubha mwibhuuywe rwa kabhiri. Okwibhurwa okwo, kutakusooka ku‑bheesomwana, abheene abhafwa, tari mwibhuuywe kwa omusango omuwanga gwa Nyamuwanga, ogwene ogugenderere okubha gwa echimari akajaanende koone.

1 Petero 2:2

Woori mwamarire okurabha na okumenya ati Raatabhugenyi Yeesu ni wa ekisi. Mbe mubhe rwa abhaana abharera kutyo abhakena amata, emwe wone mubhe na obhwiro bhwa amata ga ekisi ga echinyamwoyo, korereki ku‑managa gaago murumatane mu‑bhuchungusi bhwemwe.

2 Petero 1:19

Wone chiri na emisango ja abharagi, jinu jirumateene muno. Emwe murikora kisi araabha murijigwata, rwa kutyo omugwata idara inu eyimirika mu‑chisuute, okukingira omwanya gunu obhucheera na inyamaananga okubhamirikira mu‑myoyo jeemwe.

1 Yoana 1:1

Echibharaasisya inguru ya Musango wa obhuwanga, unu ꞉aabheeye‑wo chichaari okubha‑wo echiinu choonechoone. Eswe ꞉chaamutegeresiisye, ꞉chaamurore na ameeso geeswe abheene, ꞉chaamuringiiye na okumukuunʼya‑ko na amabhoko geeswe.

1 Yoana 1:3

Echibharaasisya emisango inguru ya Yeesu unu ꞉chaarorere na okumutegeresya, korereki mubhe na obhumwi na eswe mu‑riikirisya. Obhumwi obhwo, chiri nabhwo na Raata Nyamuwanga na Omwana waaye Yeesu Kirisito.

Obhusweruro 14:6

Nejire neeya, nindora maraayika owundi ˆneejungajunga ku‑rutumba. Maraayika oyo, aariga ari na Emisango ja Ekisi ja akajaanende okuraasisya abhaanu bhanu bheekaaye ku‑chaaro, abhaanu bha amaanga goone, jingʼanda joone, jinyaayika joone na abha jinyaami joone.