1 Petero 1:2 - Indagano Inyaaya mu-Chijita

² Kara awo, Raata Nyamuwanga ꞉aatangatire okubhamenya, ˆnaabhasora, Mwoyo waaye ˆnaabhakora mubhe bheeru, korereki mugayuke Yeesu Kirisito na okwesibhwa mu‑sagama yaaye. Obhwitiriranya na omurembe okusooka ku‑Nyamuwanga bhyongesibhwe kw‑imwe.

INDAGANO INYA:YA

² Banu mwasorerwe rwa kutyo Nyamuanga Rata ambire okubamenya kara, nimwesibwa no Mwoyo, korereki mumworobere Yesu Kristo no kumijirwako amanyinga gae. Ecigongo no murembe biyongesye kwimwe.

1 Petero 1:2 Iomraidhean Croise

Matayo 24:22

Araabha Nyamuwanga ataakageruuye omwanya gwa ebhinyaasyo ebhyo, mbe atari‑wo omuunu unu aakachungukire. Nawe Nyamuwanga arigerura omwanya ogwo, inguru ya abhasorwa bhaaye.

Matayo 24:24

Bhariibhuka abharagi abhabheeyi na abhaanu bhanu bharibhaga nibheetoga ati ni Kirisito. Bharibhaga nibhakora ebhibharikisyo bhyafu na ebhiruguusyo. Kutyo, bhariregeeja okujiga abhaanu na araabha ikaturikeene, bhakaregeejere na abhasorwa bha Nyamuwanga.

Matayo 24:31

Niwo nirituma bhamaraayika bhaani. Bharibhuma muno rinyawegoona, korereki bhakumanye abhasorwa bhoone bha Nyamuwanga okusooka mbaara joone ena ja echaaro. Abhasorwa abho, bhariija okusooka ku‑bhuteero bhwa echaaro okukingira ku‑bhuteero bhwa orubhaara orundi rwa echaaro.”

Mariko 13:20

Ka wone, araabha Raatabhugenyi ataakageruuye omwanya gwa ebhinyaasyo ebhyo, mbe atari‑wo omuunu unu aakachungukire. Nawe Nyamuwanga arigerura omwanya ogwo, ku‑songa ya abhasorwa bhaaye.

Mariko 13:22

Bhariibhuka abharagi abhabheeyi na abhaanu bhanu bharibhaga nibheetoga ati ni Kirisito. Bharibhaga nibhakora ebhibharikisyo na ebhiruguusyo, korereki bhajige abhaanu na araabha ikaturikeene, bharegeeje okujiga na abhasorwa bha Nyamuwanga.

Mariko 13:27

Niwo nirituma bhamaraayika bhaani, korereki bhakumanye abhasorwa bha Nyamuwanga okusooka mbaara joone ena ja echaaro, nikwo okwayika ati, okusooka bhuri rubhaara ku‑chaaro choone.”

Ruuka 18:7

Nikwo okwayika ati, Nyamuwanga, ataribhagira abhaanu bhanu ꞉aasorere? Aribha bhaamuririra mu‑ngeta na mu‑mwisi, angu arikoora okubhategeresya?

Ebikorwa 15:18

na nijo ejoejo ꞉jaamenyekeene okusookerera kara.’”

Ebikorwa 2:23

Ejire eeya Yeesu oyo, ˆnaatuurwa mu‑mabhoko geemwe, rwa kutyo Nyamuwanga ꞉aaramuuye okuruubhana na obhukarariiye bhwaye, okusookerera kara. Emwe nimumwita ku‑musarabha, okutura ku‑bhanyamanga.

Ebikorwa 20:32

“Woori, enibhatuura ku‑Nyamuwanga na ku‑musango gwa obhwitiriranya bhwaye obhukuru. Okubha gunu, ogutura okubhakomeesya na okubhayaana omwandu gwa amabhando ganu atereeye‑wo abhaanu bhaaye bhanu bheesiibhwe.

Barumi 1:5

Okutura ku‑mwene Nyamuwanga ꞉aanaaye obhwitiriranya bhwa okubha itumwa ya Raatabhugenyi Yeesu, korereki abhaanu bhoone bhanu bhatari Bhayawudi, bhature okwikirisya na okugayuka emisango ja Raatabhugenyi Yeesu, na risiina ryaye riyaanwe rikusyo.

Barumi 1:7

Enibhakaamira emwe abheekirisya bhoone bhanu muri Ruumi eyo. Nyamuwanga kaabheenda muno, na abhabhirikiiye, korereki mubhe abhaanu bhaaye abheeru. Obhwitiriranya na omurembe okusooka ku‑Nyamuwanga Raata weeswe, na ku‑Raatabhugenyi Yeesu Kirisito, bhibhe aamwi na emwe.

Barumi 11:2

Nyamuwanga ataremere abhaanu bhaaye bhanu ꞉aabhamenyere noorwo echaaro chichaari okubhumbwa. Amwi mutakumenya chinu Ebhikaame Ebhyeru ebhyayika inguru ya omuragi Yeeriya? Omwanya gunu ꞉aajujuumiiye Nyamuwanga inguru ya Abhayisirayeeri, ꞉aayikire ati,

Barumi 11:28

Omwanya gunu Abhayisirayeeri bhaariga nibharema Emisango ja Ekisi inguru ya Yeesu Kirisito, ꞉bheekorere okubha abhasoko bha Nyamuwanga. Nawe omusango ogwo gubheeye gwa omuriiro kw‑imwe, emwe abhaanu bhanu mutari Bhayisirayeeri. Noorwo kutyo, Nyamuwanga acheendere Abhayisirayeeri, kwa okubha aariga asorere bhasaaja weebhwe na okukora indagano nabho.

Barumi 15:16

korereki nibhe omukosi wa Kirisito Yeesu ku‑bhaanu bhanu bhatari Bhayawudi. ꞉Naakorerwe okubha rwa omugabhisi wa okubharaasisya Emisango ja Ekisi okusooka ku‑Nyamuwanga, korereki bhabhe ebhyogo bhinu ebhikondisya Nyamuwanga, bhyesiibhwe na Mwoyo Mweru.

Barumi 16:19

Abhaanu bhoone bhoongwa kutyo omugayuka Raatabhugenyi Yeesu. Omusango ogwo ogunkondisya muno. Noorwo kutyo, eneenda mubhe na obhwengeeso muno mu‑kukora ja ekisi, na mwasiga okubha na esoro ryoneryone ati omukora ebhibhiibhi.

Barumi 16:26

nawe woori, bhwatuurwa abhweru. Okutura mu‑Bhikaame Ebhyeru bhya abharagi, obhutinge obhwo, obhumenyekana ku‑bhaanu bha amaanga goone ku‑chaaro. Nyamuwanga wa akajaanende koone, niwe aaragirira ati obhutinge obhwo bhuraasibhwe ku‑bhaanu bhoone, korereki abho wone bheekirisye na okugayuka Raatabhugenyi Yeesu.

Barumi 8:13

Araabha mukeekara nimutangasibhwaga na obhusimukwa bhwa echibhiibhi, murifwa. Nawe, mukasingaarisya chimwi ku‑managa ga Mwoyo Mweru, ebhikorwa bhya obhusimukwa bhwa echibhiibhi, murirama akajaanende koone.

Barumi 8:33

Niga unu kaatura okubhuura abhasorwa bha Nyamuwanga? Atari‑wo, kwa okubha Nyamuwanga omwene niwe unu kaabhabhara okubha abharengeresi.

1 Bakorinto 1:30

Nyamuwanga niwe abhagwatanyiisye emwe na Kirisito Yeesu. Omwene akorere Kirisito okubha obhwengeeso bhweswe. Nikwo okwayika ati okutura ku‑Yeesu chaabha abharengeresi imbere ya Nyamuwanga, chaabha abheeru, ka wone cheeruuywe.

1 Bakorinto 6:11

Abhandi agati yeemwe bhaariga bhari kutyo. Nawe woori, kwa okutura ku‑Raatabhugenyi weeswe Yeesu Kirisito, na ku‑managa ga Mwoyo wa Nyamuwanga weeswe, mwosibhwa obhujabhi bhwemwe, mwesibhwa, na okubharwa ati muri bharengeresi imbere ya Nyamuwanga.

2 Bakorinto 10:5

Echisingaarisya emisango joone jinu ejibhonekana okubha ja echimari keenu jiri ja orubheeyi, na emisango joone ja orwikuuya jinu ejireterera abhaanu bhasige okusombookerwa Nyamuwanga. Ka wone echigwata bhuri bhwiganirisya korereki bhugayuke Kirisito.

Bakolosai 3:12

Woori, kwa okubha emwe mwabha abhasorwa, abheeru na abheendwa bha Nyamuwanga, mubhe na omwoyo gwa echigongo, obhwa ekisi, obhwikeeya, obhworooro na obhwigumiirisya.

2 Batesalonika 2:13

Nawe eswe, echikenwa chisiime Nyamuwanga bhuri rusuku ku‑songa yeemwe. Emwe abhayiri, mwenderwe na Raatabhugenyi Yeesu. Echisiima Nyamuwanga, kwa okubha ꞉aabhawuuwe, echiinu choonechoone chichaari okubhumbwa korereki muchungurwe. Muchunguuywe kwa okubha mwesibhwe na Mwoyo Mweru, ka wone mwikirisiisye echimari.

2 Timoteo 2:10

Kurwa ejo, eniigumiirisya joone inguru ya abhaanu bhanu Nyamuwanga asorere, korereki abheene wone bhabhone obhuchungusi ku‑njira ya okwikirisya Kirisito Yeesu na bhasangire rikusyo ryaye akajaanende.

Tiito 1:1

Inyarubha inu, niikaamire anye Pawuro, omukosi wa Nyamuwanga na itumwa ya Yeesu Kirisito. Nitumirwe okusimbiisya abhaanu bhanu Nyamuwanga asorere, korereki bhabhe na eriikirisya enene na bhamenye ameeyigisyo ga echimari inguru ya Kirisito. Ameeyigisyo ago, garibhakora okurama rwa kutyo Nyamuwanga keenda.

Baeburania 10:22

Kurwa ejo chifogere imbere ya Nyamuwanga chiri na emyoyo emyeru na eriikirisya rya echimari, okubha Nyamuwanga eesiisye emitima jeeswe emijabhi ku‑njira ya isagama ya Yeesu, na oosiisye emibhiri jeeswe na amanji ameeru.

Baeburania 11:28

Eriikirisya niryo ꞉ryakorere Muusa ˆnaaragirira Abhayisirayeeri bheechukega ichikukuru ya Okwambuka. ˆNaabhabhwira bhabhambage orwamba ku‑bhijingiti bhya emiryango, korereki maraayika unu kaasingaarisya abheebhurwa bhoone bha obhubhere aakatura, asige okwita abhaana bheebhwe bha obhubhere.

Baeburania 12:24

Emwe mwakingire ku‑Yeesu, unu kaagwatanya abhaanu na Nyamuwanga mu‑ndagano inyaaya. Ka wone mwakingire ku‑sagama yaaye inu ꞉yeetikire ku‑musarabha inguru ya okusoosya‑wo ebhibhiibhi bhyeswe. Isagama eyo itakutonga okusubhya orusiima rwa isagama ya Abheeri.

Baeburania 5:9

Mbe, okuruubhana na emisango ejo, Nyamuwanga ꞉aamukorere abhe Omugabhisi Omukuru unu akuumiiye, ˆnaabha obhusimukwa bhwa obhuchungusi bhwa kajaanende ku‑bhaanu bhoone bhanu abhagayuka Yeesu.

1 Petero 1:14

Emwe muri bhaana bha Nyamuwanga. Mbe woori, mumugayuke, musige okuruubha rindi okurigira kunu mwariga muri nakwo muchaari okumenya Emisago ja Ekisi inguru ya Yeesu Kirisito.

1 Petero 1:19

Tari, ꞉mweruuywe kwa isagama ya obhurambu obhunene ya Kirisito. Omwene aariga ari rwa omwana wa inaama unu atari‑ko esoro noorwo ekoomo.

1 Petero 1:20

Echaaro noorwo chichaari okubhumbwa, Nyamuwanga omwene aariga aamarire okumwawura ku‑bhukarariiye obhwo. Nawe ˆnaarindirira okukingira jisiku ja obhuteero jinu, ˆnaamubhuurisya abhwerubhweru ku‑bhaanu bhoone. Ejo joone, ꞉jaakorekeene ku‑songa yeemwe.

1 Petero 1:22

Mbe, kwa okubha omuruubha ameeyigisyo ga echimari inguru ya Yeesu, emyoyo jeemwe jeesiibhwe. Woori mukomeerega okwenda abheejaanyu mu‑mwoyo gwa echimari,

1 Petero 2:9

Nawe emwe muri rwibhuro orusorwa, muri bhugabhisi bhwa echikama, echise cha abheeru, abhaanu bhanu mwawuuywe na Nyamuwanga, korereki muraasye ebhikorwa bhyaye ebhikuru. Omwene ꞉aabhabhirikiiye okusooka mu‑chisuute, mwingire mu‑bhweru bhwaye bhwa okuruguusya.

2 Petero 1:2

Obhwitiriranya na omurembe okusooka ku‑Nyamuwanga bhyongesibhwe kw‑imwe, ku‑njira ya okumenya Nyamuwanga na Yeesu, Raatabhugenyi weeswe.

2 Yoana 1:1

Anye omukaruka weemwe mu‑riikirisya, enikukaamira awe omusubhaati omwendwa unu usorerwe na Nyamuwanga, aamwi na abhaana bhaawo. Ni chimari nibheendere bhoone. Nitari anye omwene era unu nibheendere, tari na abhaanu bhoone bhanu abhamenya echimari.

2 Yoana 1:13

Mbe, abhaana bha omuyara oweejaanyu unu asorerwe na Nyamuwanga, abhakukeesya.

Yuuda 1:2

Echigongo, omurembe na eryenda okusooka ku‑Nyamuwanga bhyongesibhwe kw‑imwe.