1 Petero 1:18 - Indagano Inyaaya mu-Chijita

¹⁸ Emwe omusombookerwa ati ꞉mweruuywe okusooka mu‑tungwa jeemwe jimbiibhi jinu ꞉mwanjuuwe okusooka ku‑bhasaaja waanyu. ꞉Muteeruuywe okuruubhana na ebhiinu bhinu ebhitura okusingaarika, rwa jipirya amwi inaaryo.

INDAGANO INYA:YA

¹⁸ Mumenyere ati, okucungurwa kwemwe mu ntungwa jemwe eja kutyo era, jinu mwayabirwe basaja wanyu, mbe mutacunguriywe na bi:nu binu ebiwao, rwa jimpirya amwi jaabu,

1 Petero 1:18 Iomraidhean Croise

Mariko 8:37

Angu woori, omuunu kaatura okusoosya echiinu ki okuwonʼya obhurame bhwaye? Chitari‑wo!

Barumi 1:21

Abhamenya kutyo Nyamuwanga ari, nawe bhatakumukuuya noorwo okumusiima rwa kutyo eeyire. Nibhabha na obhwiganirisya obhubhiibhi, na obhwenge bhwebhwe nibhubha‑mo echisuute kata.

1 Bakorinto 3:20

Ka wone jikaamirwe mu‑Bhikaame Ebhyeru ati, “Raatabhugenyi kaamenya obhwiganirisya bhwa abha obhwengeeso, ati bhutari na omuriiro.”

1 Bakorinto 6:20

kwa okubha ꞉mwagurirwe kwa obhugusi obhurambu. Kutyo mukusyega Nyamuwanga mu‑mibhiri jeemwe.

1 Bakorinto 7:23

꞉Mwagurirwe kwa obhugusi obhurambu. Kutyo, mwasiga okubha abhagaya bha abhaanu.

Bagalatia 1:4

Kirisito ꞉aasoosiisye obhurame bhwaye, inguru ya okusoosya‑wo ebhibhiibhi bhyeswe, korereki achichungure okusooka mu‑bhibhiibhi bhyone bhya echaaro chinu cha woori. ꞉Aakorere kutyo, okuruubhana na okwenda kwa Nyamuwanga Raata weeswe.

Baefeso 4:17

Mbe, enibhakengya na okubharagirira kw‑isiina rya Raatabhugenyi ati, okwambira woori musige okurama rwa abhaanu bhanu bhatakumenya Nyamuwanga kutyo bharamire mu‑bhwiganirisya obhubhiibhi.

Tiito 2:14

Omwene ꞉aasoosiisye obhurame bhwaye inguru yeeswe, korereki acheerure okusooka mu‑bhibhiibhi bhyone. ꞉Aacheesiisye, korereki chibhe abhaanu bhaaye omwene, bhanu echiigomba okukora ebhikorwa bhya ekisi.

Baeburania 9:12

Omwene ꞉eengiiye rumwi era Ayeeru a Ayeeru. ꞉Ateengiiye eyo na orwamba rwa jimbusi amwi rwa ebhinyara, tari ꞉eengiiye eyo na isagama yaaye omwene, korereki acheerure akajaanende koone.

1 Petero 1:7

Amaregeejo ago, agaregeeja eriikirisya ryemwe, korereki ribhonekane ati ni rya echimari. Noorwo inaaryo, inu eyitura okusingaarika, eyochiibhwa mu‑muriro korereki wone iregeejibhwe. Nyabhuriko, eriikirisya ryemwe rinu riri na obhurambu obhunene okukira inaaryo, ni bhusibhusi wone riregeejibhwe, ribhonekane ati ni rya echimari. Awo niwo, Yeesu Kirisito aribhakuuya, aribhayaana rikusyo na echibharo, orusuku runu ariswerurwa.

1 Petero 4:3

Kara awo, mwariga nimukora rwa kutyo abhaanu bhanu bhatakwikirisya Nyamuwanga bhaakoraga. Mwaruubhaga obhurigire bhwemwe obhubhiibhi na orukubho. Ka wone mwariga muri bhakorwa na okwenda muno jichikukuru ja ku‑chaaro, na mwariga nimuramya amasusano. Omwanya gwemwe gwa okukora emisango ejo gweyire.

1 Yoana 3:5

Emwe mumenyere kisikisi ati isonga ya Kirisito okuuja ku‑chaaro kunu ni kugega ebhibhiibhi bhyeswe. Ka wone, mumenyere ati omwene atari na echibhiibhi choonechoone.