1 Petero 1:12 - Indagano Inyaaya mu-Chijita

¹² Nyamuwanga ꞉aasweruriiye abharagi abho ati, emisango jinu ꞉bhaaragire, jaariga jitari jeebhwe abheene, tari jaariga jiri jeemwe. Emisango jinu ꞉bhaayikire, nijo ꞉mwaraasisiibhwe na abhaanu bhanu ꞉bhaabhareteeye Emisango ja Ekisi inguru ya Yeesu Kirisito. Abheene ꞉bhaabhabhwiriiye emisango ejo, ku‑bhuturo bhwa Mwoyo Mweru unu ꞉aatumirwe okusooka mu‑rwire. Emisango ejo, noorwo bhamaraayika wone abheegomba muno okujisombookerwa.

INDAGANO INYA:YA

¹² Bariga basweruriywe ati, bata:ikire misango ejo kubwebwe abene, nawe ni kurwemwe. Nijo emisango jinu mwabwiriywe wori na banu bababwiriye Ebigambo byo bwana kurwo Mwoyo Mweru unu atumirwe okuso:ka mu rwire. Ne:jo bamaraika one abenda okusunguriramo no kurora.

1 Petero 1:12 Iomraidhean Croise

Matayo 11:25

Omwanya ogwoogwo Yeesu ˆnaayika ati, “Raata, Raatabhugenyi wa orwire na echaaro choone! Enikusiima kwa okubha, emisango jinu ꞉waakorere okubha mbisike ku‑bhaanu abha obhwengeeso na abhamenyi, wajisweruuye abhwerubhweru ku‑bhaanu bhanu bhari na eriikirisya rwa abhaana abharera.

Matayo 11:27

Neeya Yeesu ˆnaabhwira abhaanu ati, “Raata waani anaaye bhyone. Atari‑wo omuunu unu kaamenya kutyo anye Omwana wa Nyamuwanga niri, tari Raata wenyere. Ka wone, atari‑wo omuunu unu kaamenya Raata kutyo ari, tari anye Omwana waaye era, na bhuri muunu unu Omwana waaye keenda okumuswerurira.

Matayo 16:17

Yeesu ˆnaabhwira Peetero ati, “Awe Simooni omwana wa Yoona, uri na ribhando, kwa okubha atari‑wo omuunu woonewoone unu akuswerurira echimari echo, tari Raata waani wa mu‑rwire.

Mariko 16:15

Niwo ˆnaabhabhwira ati, “Mugende mu‑chaaro choone, muraasisye abhaanu bhoone Emisango jaani ja Ekisi.

Ruuka 15:10

“Enibhabhwira ati, nikwo kutyo Nyamuwanga kaakonderwa imbere ya bhamaraayika, araabha omuunu umwi owa ebhibhiibhi akata ebhibhiibhi bhyaye na okubhisiga.”

Ruuka 2:26

Mwoyo Mweru aariga amumenyesiisye ati, atarifwa achaari okurora Kirisito wa Raatabhugenyi Nyamuwanga.

Ruuka 9:6

Mbe, nibhagenda, nibheeyinda enu na erya mu‑nguuyo, nibharaasisyaga abhaanu Emisango ja Ekisi, na okuwosya abharwaye bhuri rubhaara.

Yowana 15:26

“Nirituma kw‑imwe Omusakisi, niwe Mwoyo Mweru, unu kaja okuswerurira abhaanu echimari. Omusakisi oyo, kaasooka ku‑Raata, na omwanya gunu aribhakinga‑ko, arisoosya obhubhambaasi bhwa echimari inguru yaani.

Ebikorwa 10:44

Omwanya gunu Peetero aariga achaayika emisango ejo, bhoone bhanu bhaariga nibhategeresya, Mwoyo Mweru ˆnaabheekira.

Ebikorwa 16:10

Pawuro ejire aamara okurora ebhiroro ebhyo, awoawo nichikora bhwangu okuyenja ingarabha chigende Makedooniya eyo, kwa okubha ꞉chaarorere ati Nyamuwanga achibhirikiiye korereki chiraasisye abhaanu bheende‑yo Emisango ja Ekisi.

Ebikorwa 2:33

Nyamuwanga ꞉aamwinamusiisye na okumuriinyya ku‑chibharo cha inguru, woori eenyanjire orubhaara rwaye rwa ebhuryo. Ka wone Raata Nyamuwanga ayaaye Yeesu Mwoyo Mweru rwa kutyo ꞉aamuragire. ꞉Aachiitururiiye Mwoyo Mweru, ebhikorwa bhyaye, nibhyo bhinu omurora na okuungwa.

Ebikorwa 4:31

Bhejire bhaamara okusabhwa Nyamuwanga, inju inu bhaariga bheekofyanyiisye‑mo niitikima. Abho bhoone nibheejusibhwa na Mwoyo Mweru, nibhaamba okwiyigisya abhaanu omusango gwa Nyamuwanga kwa ribhaasi.

Ebikorwa 4:8

Awo Peetero ˆneejusibhwa na Mwoyo Mweru, ˆnaabhabhwira ati, “Emwe abhatangasya bha abhaanu na abhakuru bha Abhayawudi!

Ebikorwa 8:25

Omwanya gunu Peetero na Yowana ꞉bhaamarire okuraasya na okubheeyigisya abhaanu bha mu‑musi ogwo, Emisango ja Ekisi inguru ya Raatabhugenyi Yeesu, nibhaamba orugendo rwebhwe okusubha Yerusareemu. Bhunu bhaagendaga, nibhatura mu‑nguuyo nyafu ja Abhasamaariya nibharaasisyaga abhaanu Emisango ja Ekisi ejo.

Barumi 1:15

Kurwa ejo, eniisigomba muno niije okuraasya Emisango ja Ekisi noorwo kw‑imwe Ruumi eyo.

Barumi 1:17

Emisango ja Ekisi ejo, ejeeresya abhwerubhweru kutyo Nyamuwanga kaabhara abhaanu okubha abharengeresi imbere yaaye. Abhaanu abhabharwa okubha abharengeresi imbere ya Nyamuwanga ku‑njira ya eriikirisya era. Rwa kutyo Ebhikaame Ebhyeru ebhyayika ati, “Omuunu unu aribha na obhuwanga, ni unu Nyamuwanga kaabhara ati ni murengeresi ku‑njira ya eriikirisya ryaye.”

Barumi 10:15

Ka wone, abhaanu abhatura kutiki okuja okuraasya emisango ejo araabha bhachaariga okutumwa? Rwa kutyo Ebhikaame Ebhyeru ebhyayika ati, “Okukinga kwa omuunu unu kaareeta Emisango ja Ekisi, kurikondisyaga abhaanu bhanu bharimutegeresya!”

Barumi 15:19

꞉Bhaakongiibhwe okumugayuka, kwa okubha okutura kw‑anye ꞉bhaarorere amanaga ga Kirisito mu‑bhibharikisyo na ebhiruguusyo. ꞉Naabhikorere ku‑managa ga Mwoyo wa Nyamuwanga. Mbe, ꞉neeyindire bhuri rubhaara nindaasyaga Emisango ja Ekisi inguru ya Kirisito, okwambira mu‑musi gwa Yerusareemu okukingira mu‑mukoowa gwa Yiruriko.

1 Bakorinto 2:10

Nawe eswe, Nyamuwanga ꞉aacheeresiisye ejo okutura ku‑Mwoyo Mweru, kwa okubha Mwoyo Mweru kaatatirisya joone, noorwo obhutinge bhwa Nyamuwanga bhunu bhubhisirwe.

2 Bakorinto 1:22

na okuchituura‑ko orunabho kwa okuchiyaana Mwoyo Mweru mu‑myoyo jeeswe, korereki abhe echigwatirisyo cha joone jinu Nyamuwanga arichiyaana.

2 Bakorinto 6:6

Ka wone echiibhuurisya okubha abhakosi bha Nyamuwanga mu‑bhwiyikanyibhwa, mu‑bhumenyi, mu‑bhwigumiirisya na mu‑bhwa ekisi, mu‑kutangasibhwa na Mwoyo Mweru, mu‑ryenda rya echimari,

Bagalatia 1:12

Okubha ꞉nitaajiyaaywe na omuunu woonewoone, noorwo ꞉nitaajiyigisiibhwe na omuunu woonewoone. Nawe Yeesu Kirisito omwene niwe ꞉ajinsweruriiye.

Bagalatia 1:16

okunswerurira Omwana waaye kutyo ari. ꞉Aaramuuye okukora kutyo, korereki niraasye Emisango ja Ekisi inguru ya Omwana waaye ku‑bhaanu bhanu bhatari Bhayawudi. Anye ꞉nitaayenjere abhaanu bha okuntongera jinu nirikora.

Baefeso 3:10

Obhukarariiye bhwa ejo, ni ati, ku‑njira ya rikanisa, obhwengeeso bhwafu bhwa bhuri mbaga bhwa Nyamuwanga kutyo bhuri, bhumenyekane ku‑bhutungi na ku‑bhuturo mu‑chaaro chinyatarorwa.

1 Batesalonika 2:9

Woori, abhayiri bheeswe, omwichuka okwikomeesya kweswe na okunyaaka kweswe, kutyo chaakoraga emirimu mu‑ngeta na mu‑mwisi. ꞉Chaakorere kutyo, korereki omwanya gunu echiraasya Emisango ja Ekisi okusooka ku‑Nyamuwanga, chisige okunyaasya omuunu woonewoone kw‑imwe.

1 Timoteo 3:16

Echimari chinu Nyamuwanga asweruuye ni cha okuruguusya na nicho chinu, Kirisito ꞉eesweruuye mu‑mubhiri, ˆnaayikwa na Mwoyo Mweru ati ni murengeresi, ˆnaabhonekana ku‑bhamaraayika, ˆnaaraasibhwa mu‑maanga goone, ˆneekirisibhwa na abhaanu bha mu‑chaaro, ˆnaagegwa okuja inguru mw‑ikusyo.

Baeburania 11:13

Abhaanu abho bhoone, ꞉bhaagendereeye okubha na eriikirisya okukingira okumaama nyombe. ꞉Bhaamaamire nyombe bhachaari okubhona wuri jinu Nyamuwanga aariga abharagire, nawe bhaariga nibhajirora kura na okujikondererwa. Nibheekirisya ati abheene bhaariga bhari bhagenyi na abhayitingʼani ku‑chaaro kunu.

Baeburania 2:4

Nyamuwanga wone aariga ˆnaasoosya obhubhambaasi inguru ya obhuchungusi obhwo, ku‑njira ya okukora ebhibharikisyo, ebhiruguusyo na ebhikorwa bhya amanaga bhya mbaga nyafunyafu. Ka wone ꞉aagabhiiye abhaanu ebhiyaanwa bhya Mwoyo Mweru okuruubhana na okwenda kwaye.

Baeburania 4:2

Eswe chiraasisiibhwe emisango ja ekisi ejo ja orubhaara rwa okwisya omwoyo rwa kutyo bhasaaja weeswe wone ꞉bhaaraasisiibhwe. Nawe emisango ejo ꞉jitaabhasakiiye gwonegwone, kwa okubha ꞉bhaajuunguuwe tari ꞉bhataajiikirisiisye.

1 Petero 1:25

nawe omusango gwa Raatabhugenyi gurigenderera okubha gwa echimari akajaanende koone.” Omusango ogwo, ni Emisango ja Ekisi jinu ꞉mwaraasisiibhwe.

1 Petero 4:6

Okubha inu niyo isonga abhaanu bhanu bharafuuwe, ꞉bhaaraasisiibhwe Emisango ja Ekisi, korereki noorwo kutyo ꞉bhaaramuuywe echinyamubhiri rwa abhandi, bhabhe abhaanga ku‑bhuturo bhwa Mwoyo Mweru, rwa kutyo Nyamuwanga ari.

Obhusweruro 5:11

Niwo nindora na okuungwa bhamaraayika bhaafu muno, ebhiwumbi na ebhiwumbi, bhaariga bhari bhanyatabharwa. Bhamaraayika abho bhaariga bheeyindire echitebhe chirya cha ingʼoma, ebhibhumbwa bhirya na abhakaruka bharya.