1 Petero 1:10 - Indagano Inyaaya mu-Chijita

¹⁰ Abharagi bha kara ꞉bhaayenjeresiisye muno okusombookerwa obhuchungusi obhwo, nibhasoosya obhuragi inguru ya obhwitiriranya bhwa Nyamuwanga bhunu bhwakingire kw‑imwe.

INDAGANO INYA:YA

¹⁰ Abaragi banu baragaga ebye cigongo cinu cendaga oku:ja kwimwe, nibo bayenjaga muno no kutatirisya ebyo mweruro gunu,

1 Petero 1:10 Iomraidhean Croise

Matayo 13:17

Ni chimari enibhabhwira ati, abharagi na abharengeresi abhandi bhaafu, bheendaga okurora jinu emwe omurora, nawe ꞉bhataajirorere. Bheendaga okuungwa jinu emwe omuungwa, nawe ꞉bhataajuunguuwe.

Matayo 26:24

Anye Omwana wa Omuunu, niriitwa rwa kutyo jikaamirwe mu‑Bhikaame Ebhyeru. Nawe jiribhona omuunu unu arintuura mu‑mabhoko ga abhasoko. Jikabheeye kisi ku‑muunu oyo araabha ataakeebhuuywe!”

Ruuka 10:24

Enibhabhwira ati, abharagi bhaafu na abhakama, bheendaga okurora jinu omurora, nawe ꞉bhataajirorere. Bheendaga okuungwa jinu emwe omuungwa, nawe ꞉bhataajuunguuwe.”

Ruuka 24:44

Ejire aamara okurya, ˆnaabhabhwira ati, “Emisango jinu nijo ꞉naabhabhwiriiye omwanya gunu naariga niri aamwi na emwe. ꞉Naabhabhwiriiye ati, ni bhusibhusi jikuumire joone jinu jikaamirwe inguru yaani mu‑bhiraagiro bhya Muusa, ku‑bharagi na mu‑Jabhuri.”

Yowana 5:39

“Omwikomeesya okuyenjeresya mu‑Bhikaame Ebhyeru, kwa okubha omwitogera ati omutura okubhona‑mo obhuwanga bhwa kajaanende koone. Mbe woori, Ebhikaame ebhyo nibhyo ebhimbambaarira anye!

Yowana 7:52

Abheene nibhasubhya Nikodeemu ati, “Si, noorwo awe wone usookere Gariraaya? Genda utatirisye kisi mu‑Bhikaame Ebhyeru, owuja okusombookerwa ati, atari‑wo omuragi unu kaasookerera mu‑mukoowa gwa Gariraaya.”

Ebikorwa 10:43

Yeesu oyo, abharagi bhoone ꞉bhaayikire inguru yaaye ati, omuunu woonewoone unu arimwikirisya arifwirwa echigongo ebhibhiibhi bhyaye ku‑njira ya risiina ryaye.”

Ebikorwa 17:11

Abhaanu bha Bherooya awo, bhaariga bhari na obhutinge bhwa kisi okukira abha Tesaroonike. Nibhakora Pawuro, abharaasisye omusango gwa Nyamuwanga, nibhaguramira kwa amanaga goone. Bhaaringiraga mu‑Bhikaame Ebhyeru bhuri rusuku, korereki bhamenye ati ejo aayikaga Pawuro ni ja echimari.

Ebikorwa 28:23

Mbe, nibhaayikana na Pawuro orusuku rwa okubhugana rindi. Orusuku orwo rwejire rwakinga, Abhayawudi ꞉bheekumanyiisye bhaafu muno mu‑nju yaaye. Pawuro ˆnaabhamenyesya bhwa kisikisi inguru ya obhukama bhwa Nyamuwanga, okwambira katondo okukingira keegoro. Aariga ˆnaaregeeja okubhakora bheekirisye emisango ja Yeesu, kwa okukorera Ebhikaame Ebhyeru, ebhiraagiro bhya Muusa na ebhitabho bhya abharagi abhandi.

Ebikorwa 7:52

Angu, ari‑wo omuragi noorwo umwi unu ꞉ataanyaasiibhwe? ꞉Bheetire na abharagi bhanu bhaaraasyaga kara, okuuja kwa Omurengeresi wa Nyamuwanga! Ka oyo niwe emwe ꞉mwaromeeye iniku, ka wone nimumwita!

Baeburania 11:13

Abhaanu abho bhoone, ꞉bhaagendereeye okubha na eriikirisya okukingira okumaama nyombe. ꞉Bhaamaamire nyombe bhachaari okubhona wuri jinu Nyamuwanga aariga abharagire, nawe bhaariga nibhajirora kura na okujikondererwa. Nibheekirisya ati abheene bhaariga bhari bhagenyi na abhayitingʼani ku‑chaaro kunu.

Baeburania 11:40

Nyamuwanga ꞉aakorere kutyo, kwa okubha aariga achiiraabhiiye emisango ja ekisi muno, korereki chiramire jinu ꞉aachiragire eswe aamwi na abheene.

1 Petero 1:11

Mwoyo wa Kirisito unu aariga ari mu‑myoyo jeebhwe, ꞉aasoosiisye obhuragi ati Kirisito arinyaaka na akasooka mu‑nyaako ejo, aribhona rikusyo. Abharagi abho, ꞉bhaayenjeresiisye muno okumenya ati, emisango ejo, jirikorekana rusuku ri na jirimubhona kutiki.

1 Petero 1:13

Kurwa ejo, mubhe mutengeejere na mwiyangariiye ku‑jinu omuja okukora na mubhe mwiyingiriiye. Mutuure obhwiyikanyo bhwemwe bhwone mu‑bhwitiriranya bhunu muriramira, orusuku runu Yeesu Kirisito ariswerurwa.