1 Petero 1:1 - Indagano Inyaaya mu-Chijita

¹ Inyarubha inu niikaamire anye Peetero, itumwa ya Yeesu Kirisito. Enikaamira emwe abhaanu bhanu musorerwe na Nyamuwanga, bhanu munyarageene rwa abhagenyi mu‑mikoowa ja Pooto, Garaatiya, Kapadookiya, Asiya na Bhitiniya.

INDAGANO INYA:YA

¹ Anye Petero, unu ndi ntumwa ya Yesu Kristo, enibandikira emwe abasorwa banu Munyarambukire no kwikara mu:si inu itari yemwe, mu Ponto na Mu Galatia na Kapadokia, na mu Asia, na mu Bitunia.

1 Petero 1:1 Iomraidhean Croise

Matayo 10:2

Amasiina ga jitumwa ekumi na bhabhiri abho, nigo ganu, Wa okwamba ni Simooni unu aatogwaga Peetero na Andereya owaabho, Yakobho na Yowana abhamura bha Jebhedaayo,

Matayo 24:22

Araabha Nyamuwanga ataakageruuye omwanya gwa ebhinyaasyo ebhyo, mbe atari‑wo omuunu unu aakachungukire. Nawe Nyamuwanga arigerura omwanya ogwo, inguru ya abhasorwa bhaaye.

Matayo 4:18

Omwanya gunu Yeesu aaribhataga ku‑njekekera ya inyanja ya Gariraaya, ˆnaarora abhakokoosi bhabhiri, Simooni unu aatogwaga Peetero na Andereya omumura waabho. Abhakokoosi abho bhaariga nibheesa rigoobhe mu‑nyanja korereki bhatege jiiswi.

Ruuka 18:7

Nikwo okwayika ati, Nyamuwanga, ataribhagira abhaanu bhanu ꞉aasorere? Aribha bhaamuririra mu‑ngeta na mu‑mwisi, angu arikoora okubhategeresya?

Yowana 11:52

Ka wone, Yeesu atarifwa inguru ya riyanga eryo era, tari ni ku‑songa ya okukumanya abhaana bha Nyamuwanga bhanu bhanyarageene, korereki bhabhe aamwi.

Yowana 7:35

Niwo Abhayawudi nibhabhuusyanya abheene kwa abheene ati, “Angu, omuunu unu arija aaki anu eswe chitarimubhona? Angu, keenda okugenda ku‑Bhayawudi bhanu bhanyarambukiiye mu‑bhyaro ebhindi, na okwiyigisya abhaanu bhanu bhatari Bhayawudi?

Ebikorwa 18:2

Awo ˆnaabhugana na Omuyawudi, risiina ryaye aatogwaga Akiira, omwibhurwa wa mu‑mukoowa gwa Pooto. Akiira oyo aamwi na omugasi waaye Pirisiira, bhaariga bhasookere mu‑musi gwa Ruumi mu‑chaaro cha Yitaariya, kwa okubha Kayisaari Kirawudiyo aariga aragiriiye Abhayawudi bhoone bhabhirimibhwe mu‑musi ogwo. Pawuro ˆnaagenda okubharora,

Ebikorwa 18:23

Ejire aamara siku nooto, ˆnaasooka‑wo, ˆnaatura mu‑mukoowa gwa Garaatiya na mu‑mukoowa gwa Furiigiya, ˆnaaribhatiraga na okukomeesya abheeyigisibhwa bhoone bha Kirisito.

Ebikorwa 19:10

Pawuro ˆnaagenderera kutyo kwa emiguuga ebhiri, ˆnaabhwiraga abhaanu inguru ya Yeesu na abhaanu bhaafu muno bha mu‑mukoowa gwa Asiya, Abhayawudi aamwi na bhanu bhatari Bhayawudi nibhategeresya omusango gwa Raatabhugenyi.

Ebikorwa 6:9

Nawe abhandi mu‑Bhayawudi ꞉bhaaregeejiisye okubhambasyanya nage. Abho bhaariga bhasookere mu‑nju ya eriikofyanyo rya Abhayawudi rinu ryabhirikirwaga ati, inju ya Abhaanu bha Obhwitaage. Abhandi bhaariga bhasookere mu‑musi gwa Kureene na mu‑musi gwa Arekijandiriya, abhandi ꞉bhaasookere mu‑mukoowa gwa Kiriikiya na echa Asiya. Abhayawudi abho bhaabhambasyanyaga na Tefwano,

Ebikorwa 8:4

Abheekirisya bhanu ꞉bhaanyarageene, bhaariga nibharaasisya abhaanu Emisango ja Ekisi ja Yeesu, bhuri enu bhaajaga.

1 Bakorinto 16:19

Abhaanu bha mu‑makanisa ga mu‑mukoowa gwa Asiya, abhabhakeesya. Akiira na omugasi waaye Pirisika, aamwi na abheekirisya bhanu abheekumanya mu‑nju yeebhwe, abhabhakeesya muno mu‑kubha na obhumwi na Raatabhugenyi Yeesu.

2 Bakorinto 1:8

Abhayiri bheeswe mu‑riikirisya, echeenda mumenye kutyo ꞉chaanyaakire mu‑mukoowa gwa Asiya. Ebhinyaasyo bhinu ꞉chaabhwene, nibhichisitoyera muno, nichikingira okwiganirisya ati, chaakafuuwe.

Bagalatia 1:2

Anye na abhayiri bhoone bhanu bhari aamwi na anye anu, echibhakeesya emwe bhanu muri mu‑makanisa ga Nyamuwanga mu‑mukoowa gwa Garaatiya.

Baefeso 2:12

Mwichuke ati, ku‑mwanya gurya, mwariga mutakumenya Kirisito, mwariga mukindikirwe okusooka ku‑Bhayisirayeeri, mwariga muri bhagenyi bhanu mutari na omurago gwonegwone ku‑ndagano yeebhwe. Mwariga mutari na obhwiyikanyo, nyabhuriko mwariga mutari na Nyamuwanga ku‑chaaro.

Baefeso 2:19

Mbe woori emwe, mutari abhagenyi na abhayitingʼani rindi ku‑Bhayisirayeeri, tari muri bheenengo aamwi na abheeru bha Nyamuwanga, wone muri bhaanu bha mu‑nju ya Nyamuwanga.

2 Timoteo 1:15

Timoteewo, awe owumenya ati, abhaanu bhoone bha mu‑mukoowa gwa Asiya ꞉bhaansigire. Mu‑abho ari‑mo Fuugero na Erimogeene.

Baeburania 11:13

Abhaanu abho bhoone, ꞉bhaagendereeye okubha na eriikirisya okukingira okumaama nyombe. ꞉Bhaamaamire nyombe bhachaari okubhona wuri jinu Nyamuwanga aariga abharagire, nawe bhaariga nibhajirora kura na okujikondererwa. Nibheekirisya ati abheene bhaariga bhari bhagenyi na abhayitingʼani ku‑chaaro kunu.

Yakobo 1:1

Inyarubha inu niikaamire anye Yakobho, omukosi wa Nyamuwanga na owa Raatabhugenyi Yeesu Kirisito. Enikaamira emwe jingʼanda ekumi na ebhiri, jinu jinyarambukire na okuja okwikara mu‑bhyaro bhyafubhyafu. Enibhakeesya!

1 Petero 2:11

Abheendwa, emwe muri rwa abhagenyi na abhayitingʼani ku‑chaaro kunu. Kurwa ejo, enibheerembeeresya ati, mwikenge obhurigire bhwa emibhiri jeemwe bhunu obhuyaajana na emitima jeemwe.

2 Petero 1:1

Inyarubha inu niikaamire anye Simooni Peetero, omukosi na itumwa ya Yeesu Kirisito. Enikaamira emwe bhanu muyaaywe eriikirisya riryarirya rya obhurambu rinu eswe wone chibhwene, okutura rirenga rya Nyamuwanga na Omuchungusi weeswe Yeesu Kirisito.

Obhusweruro 1:11

Obhuraka obhwo nibhumbwira ati, “Kaama mu‑chitabho emisango joone jinu owuja okurora. Ukamara usire echitabho echo mu‑makanisa ganu gari mu‑misi etaanu na ebhiri jinu jiri Yefeeso, Simuriina, Perigaamo, Tiyaatira, Sariidi, Firadeefiya, na Rawodeekiya.”