1 Bakorinto 9:5 - Indagano Inyaaya mu-Chijita

⁵ Woori, omwitogera ati eswe chitari na obhwitaage bhwa okugenda na abhagasi abheekirisya, mu‑rugendo rwa okuraasya emisango inguru ya Kirisito, rwa kutyo jitumwa ejindi, na abhamura bhaabho Raatabhugenyi Yeesu abhagenda nabho, noorwo Keefa?

INDAGANO INYA:YA

⁵ ?Eswe citakwikirisibwa okutwara omugasi unu ari muiri no kuribata nage, rwa jintumwa ejindi, na bamura ba:bo Ratabugenyi, na Kefa kutyo abakora?

1 Bakorinto 9:5 Iomraidhean Croise

Matayo 13:55

Unu atari mwana wa omubhuya urya? Nyiramwene atari unu kaatogwa Maryamu? Abhatooto bhaaye bhatari Yakobho, Jejefu, Simooni na Yuuda?

Matayo 8:14

Neeya Yeesu ˆnaakinga ewa Peetero. Ejire eengira mu‑nju, ˆnaasongʼana nyaabhuko Peetero amaamire ku‑bhuriri, ari na omuswija mwafu.

Mariko 1:30

Bhejire bhaakinga era, Yeesu ˆnaabhwirwa ati, nyaabhuko Simooni amaamire ku‑bhuriri, ari na omuswija mwafu.

Mariko 6:3

Unu atari mubhuya wurya, omwana wa Maryamu? Abhamura bhaabho bhatari Yakobho, Yoose, Yuuda na Simooni? Angu, abhayara bhaabho bhatari bhanu chiikaaye nabho anu?” Nibhamubhiyirirwa, nibharema okumwikirisya.

Ruuka 6:15

Mataayo, Tomaasi, Yakobho omwana wa Arufwayo, Simooni unu aatogwaga Omujeroote,

Ruuka 8:20

Abhaanu abhandi nibhabhwira Yeesu ati, “Nyokomwana na abhamura bhaanyu, bheemereeguuyu anja, abhakena okubhugana nawe.”

Yowana 1:42

Niwo Andereya ˆnaasira Simooni ku‑Yeesu. Yeesu ˆnaaringira Simooni, ˆnaamubhwira ati, “Awe naawe Simooni, omwana wa Yowana. Nawe okwambira woori, risiina ryawo eribha Keefa.” Risiina eryo mu‑Chiyunaani ni Peetero, obhugajuro bhwaryo ni “Rutare.”

Yowana 2:12

Obhuregesi bhwejire bhwawa, Yeesu ˆnooromoka okugenda mu‑musi gwa Kaperinaawumu ari aamwi na nyiramwene, abhatooto bhaaye, na abheeyigisibhwa bhaaye. Nibheekara eyo siku nooto.

Ebikorwa 1:14

Abho bhoone bhaariga nibheekomeesya okwikofyanya aamwi okusabhwa Nyamuwanga. Aamwi na abho, bhaariga bhari‑wo abhagasi abhandi na Maryamu nyiramwene Yeesu na abhamura bhaabho Yeesu.

Barumi 16:1

Eneenda okumenyesya omuyara waasu Fiibhi. Omwene ni mukosi wa rikanisa rinu riri mu‑musi gwa Keekereya.

1 Bakorinto 1:12

Woori, jinu eneenda okwayika nijo jinu, ati, bhuri muunu agati yeemwe kaayika jaaye. Owumwi kaayika ati, “Anye niri wa Pawuro.” Owundi kaayika ati, “Anye niri wa Apooro.” Owundi kaayika ati, “Anye niri wa Keefa.” Owundi kaayika ati, “Anye niri wa Kirisito.”

1 Bakorinto 7:15

Nawe araabha unu atari mwikirisya keenda okutaana na oweejaabho omwikirisya, mumusige akore kutyo. Awo omwikirisya oyo atakubhoywa na obhutwarwa obhwo. Tari Nyamuwanga achibhirikiiye korereki chiikare kwa omurembe.

1 Bakorinto 7:39

Omugasi unu atwawe, kaabhoywa na obhutwarwa omwanya gwone gunu omurume waaye ni muwanga. Nawe omurume waaye akeefurwa ˆnaafwa, awo kaabha mwitaage okutwarwa na omurume woonewoone unu keenda, nawe omurume oyo abhe ari muruubhirisya wa Raatabhugenyi.

1 Bakorinto 7:7

Anye naakeendere abhaanu bhoone bhabhe rwa kutyo anye niri, nawe jitari kutyo kwa okubha bhuri muunu Nyamuwanga amuyaaye echiyaanwa chaaye, owumwi echiyaanwa chinu, owundi chirya.

1 Bakorinto 7:8

Woori, enibhabhwira bhanu bhachaari okutwara, na abhatumbagasi agati yeemwe, ati ni kisi bheegumiirisye okurama bheenyere, rwa kutyo anye niri.

Bagalatia 1:19

Nawe ꞉nitaarorere jitumwa ejindi, tari Yakobho, omumura waabho Raatabhugenyi Yeesu.

1 Timoteo 3:2

Mbe, bhuri mwangarisi wa rikanisa, abhe omuunu unu atari‑ko esoro. Abhe murume wa omugasi umwi era, abhe omwiyingirisi, ka wone abhe na obhwengeeso, omuunu unu kaayaanwa echibharo, omufura na abhe omuunu unu kaamenya okwiyigisya.

1 Timoteo 4:3

Abhaanu abho ku‑meeyigisyo geebhwe, abhayingirira abhaanu bhasige okutwara, amwi bhasige okurya ebhiryo ebhirebhe. Nawe Nyamuwanga ꞉aabhibhumbire korereki abheekirisya bhabhiramire, bhamusiime na okubhirya kwa okubha abheene abhamenya echimari.

1 Timoteo 5:2

abhakwekuru ubhatongere rwa bhaanyokomwana na abhayarakaji ubhatongere rwa abhayara bhaanyu. Ukore kutyo kwa omutima omweru.

Tiito 1:6

Bhuri mukaruka wa rikanisa, akenerwe okubha omuunu unu atari‑ko esoro. Abhe murume wa omugasi umwi era, abhaana bhaaye bhabhe abheekirisya, bhasige okubha abhanyamusi bha jipirya noorwo bhanyatagayuka.

Baeburania 13:4

Obhutwarwa bhwenderwe bhuyaanwe echibharo na abhaanu bhoone. Omurume na omugasi bheekengega obhuromesi, kwa okubha Nyamuwanga ariramura abhasengani na abharomesi.