1 Bakorinto 8:4 - Indagano Inyaaya mu-Chijita

⁴ Woori inguru ya okurya ebhiryo bhinu bhisyengeeywe ku‑masusano, echimenya ati amasusano ganu agaramirisibhwa, gatari chiinu ku‑chaaro kunu. Ka wone echimenya ati ari‑wo Nyamuwanga umwi wenyere.

INDAGANO INYA:YA

⁴ Mbe ku bigambo ebyo kurya binu abatambira ebisusano, cimenyere ati, ecisusano citari ci:nu mu ca:ro, na rindi atariwo undi, ni Nyamuanga umwi era.

1 Bakorinto 8:4 Iomraidhean Croise

Mariko 12:29

Yeesu ˆnaamusubhya ati, “Echiraagiro cha okwamba nicho chinu, ‘Emwe Abhayisirayeeri mutegeresye! Raatabhugenyi Nyamuwanga weeswe, niwe Raatabhugenyi eenyere.

Ebikorwa 14:15

“Emwe abhaanu bhaasu, musige okukora kutyo! Eswe wone chiri abhaanu era rwa emwe! Chiri anu okubharaasisya Emisango ja Ekisi ati, musige okuramya amasambwa, muyindukire Nyamuwanga omuwanga! Omwene niwe ꞉aabhumbire orutumba, echaaro, inyanja, na bhyone bhinu bhiri‑mo.

Ebikorwa 15:20

Echikenwa era okubhakaamira inyarubha okubheeresya ati bhasige okurya ebhiryo bhinu bhisoosiibhwe inguru ya okuramya amasusano, obhuromesi, okurya jityanyi jinu jiitirwe kwa okubhuutwa noorwo okunywa orwamba.

Ebikorwa 19:26

Nawe woori mwoongwa na mwarora kutyo Pawuro oyo kaakurura abhaanu bhaafu bha Yefeeso anu, aamwi na bhanu bhari mbaara joone ja Asiya. Kaabhabhwira ati, amasusano ganu agakonjwa na amabhoko aga abhaanu, gatari Nyamuwanga wa echimari.

1 Bakorinto 8:1

Woori enija okwayika inguru ya ebhiryo bhinu bhisyengeeywe ku‑masusano. Rwa kutyo omwayika, chimenyere ati, “Eswe bhoone chiri na obhumenyi.” Nawe obhumenyi obhukora abhaanu okwikuuya. Tari eryenda niryo erikomeesya abhaanu mu‑riikirisya.

1 Bakorinto 8:10

Enaayika kutyo, kwa okubha omuunu unu achaari okurumatana mu‑riikirisya, araabha aarora awe unu owumenya ati amasusano gatari na obhuwanga, nuurya ebhiryo mw‑iyekaru rya okuramirisya‑mo amasusano, angu, atariiganirisya mu‑mutima gwaye ati omwene wone eeyire okurya ebhiryo bhinu bhisyengeeywe ku‑masusano?

1 Bakorinto 8:11

Ku‑njira eyo, omwikirisya oweejaanyu unu achaari kurumatana mu‑riikirisya, unu Kirisito ꞉aafwiriiye, kaatura okusingaarika okuruubhana na obhumenyi bhwawo.

Bagalatia 4:8

Emwe kara mwariga mutakumenya Nyamuwanga. Ku‑mwanya ogwo, mwariga muri bhagaya bha amasambwa ganu gatari Nyamuwanga.

Baefeso 4:6

Ari‑wo Nyamuwanga umwi era. Omwene oyo, niwe Raata wa abhaanu bhaaye bhoone, niwe omutungi inguru ya bhyone, kaakora emirimu jaaye okutura ku‑bhoone na kaarama mu‑bhoone.

1 Timoteo 1:17

Nyamuwanga niwe omukama unu atari na obhuteero, atakufwa na atakubhonekana, atari‑wo owundi rwa omwene. Omwene ayaanwe echibharo na rikusyo akajaanende koone. Jibhe kutyo.

1 Timoteo 2:5

Ari‑wo Nyamuwanga umwi era. Wone omugwatanya agati ya abhaanu na Nyamuwanga ni umwi era, niwe omuunu Kirisito Yeesu.

Yuuda 1:25

Omwene niwe Nyamuwanga era, niwe Omuchungusi weeswe okutura ku‑Yeesu Kirisito Raatabhugenyi weeswe. Nyamuwanga akusibhwe muno, kwa okubha omwene ari na rikusyo, obhukuru, amanaga na obhuturo, okwambira kara, woori, noorwo akajaanende koone. Jibhe kutyo.