1 Bakorinto 7:21 - Indagano Inyaaya mu-Chijita

²¹ Araabha Nyamuwanga ꞉aakubhirikiiye omwanya gunu waariga uri mugaya, ogwo gwasiga okukunyaasya. Nawe araabha waakabhona omwanya gwa okwituura mu‑bhwitaage, nuukorere emirimu omwanya ogwo.

INDAGANO INYA:YA

²¹ ?Wabirikiywe uri mugaya ?Utabuweraga mwoyo. Nawe ukaba nu:tura okwigururura, ni kwa kisi ukore kutyo.

1 Bakorinto 7:21 Iomraidhean Croise

Ruuka 12:29

“Mbe, emwe mwasiga okunyaaka ati, omuja okurya ki, amwi omuja okunywa ki. Mwasiga okuyaya inguru ya ejo!

Ruuka 21:34

“Mwikenge! Emyoyo jeemwe jaasiga okwisigomba kukora jitungwa jimbiibhi, obhunanamba, obhukorwa, na echibhabhuko cha obhurame. Mukarema okutengeeja, orusuku rwa okusubha anye Omwana wa Omuunu ruribhatakya!

1 Bakorinto 12:13

Enaayika kutyo, kwa okubha eswe bhoone, chibhe Abhayawudi amwi abhaanu bhanu bhatari Bhayawudi, chibhe abhagaya amwi abheetaage, ꞉chaabhatiijiibhwe mu‑Mwoyo umwi na okuyaanwa Mwoyo umwi oyo, korereki chibhe omubhiri gumwi.

1 Bakorinto 7:20

Woori, bhuri muunu asigare ari rwa kutyo aariga ari, omwanya gunu Nyamuwanga ꞉aamubhirikiiye.

1 Bakorinto 7:22

Naayika ati ogwo gwasiga okukunyaasya, kwa okubha omuunu unu aariga ari mugaya omwanya gunu ꞉aabhirikiiywe na Raatabhugenyi, oyo ni mwitaage ku‑Raatabhugenyi. Ka unu aariga ari mwitaage omwanya gunu ꞉aabhirikiiywe, oyo ni mugaya wa Kirisito.

Bagalatia 3:28

Kurwa ejo, bhutari‑wo obhutaasyanya agati ya Omuyawudi na Omuyunaani, amwi omugaya na omuunu omwitaage, amwi omurume na omugasi. Bhoone muri chiinu chimwi, kwa okubha muri na obhumwi na Kirisito Yeesu.

Bafilipi 4:11

Nitakwayika kutyo kwa okubha niri na obhukene, wuri. Anye niyigiiye okwiywa mu‑bhuri musango.

Bafilipi 4:6

Musige okusurumbara inguru ya echiinu choonechoone, tari mu‑joone, musabhwe Nyamuwanga, mumwirembeeresye aamwi na okumusiima. Obhukene bhwemwe bhumenyekane ku‑mwene.

Bakolosai 3:11

Kurwa ejo, bhutari‑wo obhutaasyanya rindi agati ya Omuyawudi na unu atari Muyawudi, unu atenderwe na unu atatenderwe, unu kaasooka mu‑chaaro cha kura amwi omusikisi, omugaya na omwitaage. Tari Kirisito niwe wa bhusibhusi na omwene ari mw‑imwe bhoone.

Baeburania 13:5

Mwasiga okubha na jitungwa ja okwenda jipirya, tari mwiywega na ebhiinu bhinu muri nabhyo, okubha Nyamuwanga omwene ꞉aayikire ati, “Nitarikusiga noorwo nitari kurabhirwa wuri.”

1 Petero 5:7

Muyaane Nyamuwanga jinyaako jeemwe joone, kwa okubha kaabhegana muno.